ഓഗന്നാന് 20:9 - സാമി സേദി

⁹ അയാള് സത്തവാര് പട്ട്‌ലിന്ത് ഉജുര്‌ളാഗുഡൊ എന്നുവ സാമി സൊല്ലുസുലാക്കാന അവാര്‌ക്ക് അന്നമാട്ട്‌ക്ക്‌മ് നെപ്പ്‌കെ്ഡേക്കാദിന്ത്‌ദ്.

ഓഗന്നാന് 20:9 ပူးပေါင်းရင်းမြစ်များ

മത്തായി 22:29

അദുക്കുള ഏസ്സ്: <<സാമി ബൊക്കുലു എ്ള്‌ദിര്‌ക്കുവാദ്‌നാമ് സാമിക്ക് എല്ലാമ് ഗേയ മുഡിമ് എന്റ്‌മ് നിമാക്ക് തെര്യാത്താദ്‌നാലെത്തെ നിമാക്ക് തപ്പ് ബന്ത്‌റ്‌ക്കുവാദ്.

ലൂക്കോസു 24:26

ക്‌റ്‌സ്‌ത്ത് ഈ കജട്ടഗാള്‌നെല്ല താങ്ക്‌ന പ്‌റ മേലോഗാക്ക് മദ്‌പ്പോഡ പോയി ഇര്‌ക്കുഡൊ>> എന്റ് സൊന്നാന്.

ലൂക്കോസു 9:45

ആന അയാള് ഇത്തെ സൊന്ന കാര്യ എന്തെന്റ് സൊല്ലുപഡി നഡാക്ക്‌ന്റവാര്‌ക്ക് തെര്യാലെ. അദ്‌ന മറേസി ബെത്തിന്താദ്‌നാലെ അവാര്‌ക്ക് നെപ്പ്‌കെ്ഡേക്കാമില്ലെ. അദ്‌നാലെ അദ്‌ന പറ്റി കേ്ള്‌ക്ക്യാമ് അവാര് അഞ്ച്‌നാര്.

ഓഗന്നാന് 2:22

ഏസ്സ് ഇത്തെ സൊന്നാദ്‌ന അയാള് സത്തവാര്‌ലിന്ത് ഉജുര്‌ളാഗ്‌ന പ്‌റ അയാള് സൊല്ലുപഡി നഡാക്ക്‌ന്റവാര് നെനേത്താര്. ഇദ്‌ന പറ്റി സാമി ബൊക്കുലു എ്ള്‌ദിര്‌ക്കുവാദ്‌നാമ് ഏസ്സ് സൊന്നാദ്‌നാമ് അവാര് നമ്പ്‌നാര്.

അപ്പോസുത്തലാര് 17:3

ക്‌റ്‌സ്‌ത്ത് കജട്ട പഡുഡൊ എന്റ്‌മ് സാവുലിന്ത് ഉജുര്‌ളാഗുഡൊ എന്റ്‌മ് അവാര്‌ക്ക് സൊക്കാന സൊല്ലി കൊഡുത്താന്. <<നാന് നിമാക്ക് സൊല്ലുവ ഈ ഏസ്സ്‌ത്തെ ക്‌റ്‌സ്‌ത്ത്>> എന്റ്‌മ് പവുലോസു അവാര്‌ക്ക് കാട്ടി കൊഡുത്താന്.

അപ്പോസുത്തലാര് 2:24

ആന ഏസ്സ്‌ക്ക് ബന്ത സാവുലിന്ത് സാമി ഏസ്സ്‌ന ഉജുര്‌ളാക്ക്‌നാന്. സാവുക്കു ഇര്‌ക്കുവ അദിഗരാത്ത്‌ലിന്ത്‌മ് സാമി അയാള്‌ന ബ്‌ഡ്‌സ്‌നാന്. എന്ത്‌ക്കെന്റ് സൊന്ന സാവു അയാള്‌ന അഡിമെ മാഡി ബെക്ക്യ നോഡുറ്റു, ആന മുഡ്യാലെ.

1 കൊരിന്ത്യഗാറാര് 15:4

അയാള്‌ന അഡാക്കാമ് മാഡ്‌നാര്. സാമി സൊല്ലുസുലാക്കാത്ത്‌ല് മുന്നുക്കു താനെ സൊല്ലി ബെത്ത്‌റ്‌ക്കുവ പാസെ മൂറാവാദ് നാള് അയാള് ഉജുര്‌ളാഗ്‌നാന്.