ഓഗന്നാന് 20:22 - സാമി സേദി

²² പ്‌റ അയാള് അവാര്‌ക്ക് ഊദിന്ത് ഇത്തെ സൊന്നാന്: <<സാമിനിഗാല്‌ന തങ്കാരിത്ത് ബെയിന്.

ഓഗന്നാന് 20:22 ပူးပေါင်းရင်းမြစ်များ

ഓഗന്നാന് 14:16

അന്നാപ്പ് നാന് അപ്പാന്‌ക്ക് സൊല്ലുവെ, എന്നാല്‌ക്ക്‌മ് നിമ്മോഡ ഇര്‌ക്ക്യ അപ്പാന് ബേ്റൊന്റു തൊണെഗാറാന്‌ന നിമാക്ക് തരുവാന്.

ഓഗന്നാന് 15:26

സാമിന പറ്റ്യുള്ള സത്ത്യന കാട്ടി തരുവ സാമിനിഗാല് എന്റ് സൊല്ലുവ തൊണെഗാറാന്‌ന നാന് സാമി പട്ട്‌ലിന്ത് നിമ്മ് പട്ട്‌ക്ക് സൊല്ലി ബ്‌ഡ്‌വെ. അയാള് സാമി പട്ട്‌ലിന്ത് നിമ്മ് പട്ട്‌ക്ക് ബന്ത് നാന് ആരെന്റ് സൊല്ലി തരുവാന്.

ഓഗന്നാന് 16:7

ആന നാന് നിമാക്ക് സത്ത്യമായി സൊന്റെ, നാന് പോവാദ് നിമാക്ക് നല്ലാദ്‌ത്തെ, നാന് പോഗാദിന്തദാന തൊണെഗാറാന് നിമ്മ് പട്ട്‌ക്ക് ബരമാട്ടാന്. നാന് പോനദാന അയാള്‌ന നാന് നിമ്മ് പട്ട്‌ക്ക് സൊല്ലി ബ്‌ഡ്‌വെ.

ഓഗന്നാന് 20:21

ഏസ്സ് പിന്നേമ് അവാര്‌ക്ക്: <<നിമ്മ നിമ്മ്‌ദ്യായി ഇര്‌ന്, അപ്പാന് സാമി എനാന സൊല്ലി ബ്‌ട്ട പാസെ നാന്‌മ് നിമാന സൊല്ലി ബ്‌ഡ്‌ന്റെ>> എന്റ് സൊന്നാന്.

ഓഗന്നാന് 20:23

ആരാറ്റ പാവഗാള്‌ന നിമ്മ പൊറുത്തദാന അവാര് പാവഗാള്‌ക്ക് പൊറിമെ കെ്ഡേക്ക്‌മ്. ആരാറ്റ പാവഗാള്‌ന നിമ്മ പൊറുക്കാദിന്തദാന അവാര് പാവഗാള്‌ക്ക് പൊറിമെ കെ്ഡേക്കമാട്ട.>>

ഓഗന്നാന് 7:39

തനാന നമ്പ്‌ന്റവാന്‌ക്ക് കെ്ഡേക്ക്യ പോവ സാമിനിഗാല്‌ന പറ്റിത്തെ ഏസ്സ് ഇത്തെ സൊന്നാദ്. അന്ന മാട്ട് ഏസ്സ്‌ക്ക് മദ്‌പ്പ് കെ്ഡേക്കാദിന്തനാലെ നമ്പ്‌ന്റവാര്‌ക്ക് സാമിനിഗാല് കെ്ഡേക്കാദിന്ത്‌ദ്.

അപ്പോസുത്തലാര് 10:47

<<നമാക്ക് കെ്ഡേത്ത പാസെ താനെത്തെ ഇവാര്‌ക്ക്‌മ് സാമിനിഗാല് കെ്ഡേത്ത്‌ദ്. അദ്‌നാലെ നീര്ക്ക് ഇവാര്‌ന മുളുഗ ബേ്ഡ എന്റ് സൊല്ല്യ ആര്‌ക്ക് മുഡിവു?>> എന്റ് സൊന്നാന്.

അപ്പോസുത്തലാര് 19:2

<<നിമ്മ ഏസ്സ്‌ന നമ്പ്‌നവാര് ആന പ്‌റ സാമിനിഗാല് കെ്ഡേത്ത്‌ദ?>> എന്റ് അയാള് അവാര്‌ന കേ്ട്ടാന്. അദുക്കുള അവാര്: <<സാമിനിഗാല് ഇര്‌ക്ക്‌ന്റ് എന്റ്‌ഗുഡി എമ്മ കേ്ള്‌ക്കാലെ>> എന്റ് സൊന്നാര്.

അപ്പോസുത്തലാര് 2:38

പത്ത്‌റോസു അവാര്‌ക്ക് ഇത്തെ സൊന്നാന്: <<നിമ്മ ഒന്റൊന്റാള് അവനവാന് ഗേവ പാവാന തള്ളുഡൊ. പ്‌റ നിമ്മ ഏസ്സ് ക്‌റ്‌സ്‌ത്ത്‌ന നമ്പ്‌ന്റവാര് ആനാദ്‌നാലെ നീര്‌ക്ക് മുളുഗുഡൊ. അന്നാപ്പ് നിമ്മ് തപ്പ്‌ക്ക് പൊറിമെ കെ്ഡേക്കു. അദോഡൊപ്പ നിമാക്ക് സാമിനിഗാല്‌മ് ദറ്‌മ്മ ആയി സാമ്യോഡിന്ത് കെ്ഡേക്കു.

അപ്പോസുത്തലാര് 2:4

അവാര്‌ക്ക് ഒട്ടുക്കു സാമിനിഗാല് ഏ്റി അവാര്‌ന മൂഡി തള്ള്‌ട്ട്. സാമിനിഗാല് അവാര്‌ക്ക് നായനൊഡ്യ ബില കൊഡുത്താദ്‌നാലെ അവാര് ബേ്റെബേ്റെ നായഗാള്‌ല് നായനൊഡ്യ പ്‌ഡിത്താര്.

അപ്പോസുത്തലാര് 4:8

അദുക്കുള സാമിനിഗാല് തുമ്പി ഇന്താദ്‌നാലെ പത്ത്‌റോസു അവാര്‌ക്ക് ഇത്തെ സൊന്നാന്: <<എഗുദാര് തലെവാര്‌ഗാളെ, മൂപ്പനാമ്‌ഗാളെ,

അപ്പോസുത്തലാര് 8:15

അവാര് അദ്‌ക്ക് പോയി എജ്ജി സമര്യാല് ഇര്‌ക്കുവ ഏസ്സ്‌ഗാറാര്‌ക്ക് സാമിനിഗാല് കെ്ഡേക്ക്യ ബേ്ണ്ടി പരേസ്‌നാര്.

ഗലാത്ത്യഗാറാര് 3:2

നാന് നിമാന ഒന്റു കാര്യ കേ്ള്‌ക്ക്‌ന്റെ, നിമാക്ക് സാമിനിഗാല് ബന്താദ് മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേന്താദ്‌നാലെഗ ഇല്ലെ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിന കേ്ട്ട് അദ്‌ന നമ്പ്‌നാദ്‌നാലെത്തേഗ? കണ്ടിപ്പായിമ് ക്‌റ്‌സ്‌ത്ത്‌ന നമ്പ്‌നാദ്‌നാലെത്തെ സാമിനിഗാല് നിമാക്ക് ബന്താദ്.