ഓഗന്നാന് 2:16 - സാമി സേദി

¹⁶ സോറെ പക്കിഗാള്‌ന ഏവര ഗേന്റവാര്‌ക്ക് ഏസ്സ്: <<ഇദ്‌ഗാള്‌നെല്ല ഇദ്‌ലിന്ത് ബെ്ളിഗെ എ്ഡ്‌ത്ത് പോനു. എന്നപ്പാന് ബീ്ഡ്‌ന സന്തെ കഡെ മാഡദേന്>> എന്റ് സൊന്നാന്.

ഓഗന്നാന് 2:16 ပူးပေါင်းရင်းမြစ်များ

മത്തായി 21:13

എന്റിന്ത് അവാര്‌ക്ക്: << <എന്ന് ബീ്ഡ്‌ന പരേസുവ ബീ്ഡ് എന്റ് സൊല്ലുവാര്> എന്റ് എ്ള്‌ദിര്‌ക്ക്‌ന്റ്. ആന നിമ്മ അദ്‌ന <ത്‌റ്‌ട്ടാര് ഇര്‌ക്കുവ അളെ> മാഡി ബെത്ത്‌റ്‌ക്ക്‌ന്റ്‌റ്>> എന്റ് സൊന്നാന്.

മര്‌ക്കോസു 11:17

അദ്‌ക്ക് പ്‌റസാരി ഏസ്സ്: << <എന്ന് ബീ്ഡ്‌ന എല്ലാ ജാദിഗാള്‌മ് പരേസുവ ബീ്ഡ് എന്റ് സൊല്ലുവാര്> എന്റ് എ്ള്‌ദിര്‌ക്ക്‌ന്റല്ല? ആന നിമ്മ അദ്‌ന <ത്‌റ്‌ട്ടാര് ഇര്‌ക്കുവ അളെ> മാഡി ബെത്ത്‌റ്‌ക്ക്‌ന്റ്‌റ്>> എന്റ് അവാര്‌ക്ക് ബുദ്ദി സൊന്നാന്.

ലൂക്കോസു 2:49

അദുക്കുള ഏസ്സ് ഇത്തെ സൊന്നാന്: <<നിമ്മ എന്ത്‌ക്ക് എനാന പരാന്ത് കൊണ്ടിന്താദ്? നാന് എന്നപ്പാന് ബീ്ഡ്‌ല്‌ത്തെ ഇര്‌ക്കുഡൊ എന്നുവാദ് നിമാക്ക് തെരിവാദില്ലേഗ?>>

2 പത്ത്‌റോസു 2:3

അവാര് പണാക്ക് ബേ്ണ്ടി പേരാസെപട്ട്‌കൊണ്ടു ഇല്ലാത്ത കദെന നിമാക്ക് സൊല്ലി നിമാന ബെത്ത് അവാര് പണ സമ്പാരിക്കുവാര്. അവാര്‌ന ദെ്ണ്ടിക്കുവ ദെ്ണ്ടണെന മുന്നുക്കു താനെ സാമി മുഡിവു മാഡിര്‌ന്റാന്. അവാര്‌ക്ക് ബരുവ അളിവുക്കു ഗളിഗെ ആഗമാട്ട.

ഓഗന്നാന് 5:17

ഏസ്സ് അവാര്‌ക്ക്: <<എന്നപ്പാന് ഒപ്പ ഇന്ത് ഗേന്ത് കൊണ്ട്‌റ്‌ക്കുവ തന്ന് ഗിലാസാന ഇന്നാല്‌മ് ഗേന്ത് കൊണ്ടു ഇര്‌ക്ക്‌ന്റാന്. നാന്‌മ് ഗേന്ത് കൊണ്ടു ഇര്‌ക്ക്‌ന്റേന്>> എന്റ് സൊന്നാന്.

1 തിമിത്തോസു 6:5

അദോഡൊപ്പ നേര് എന്തെന്റ് തെര്യാത്തളാവുക്കു അവാര് മനേസ്സ് കെ്ട്ട് തള്ള്‌നാദ്‌നാലെ മൂട്ടുമുറില്ലാത്ത തറ്‌ക്കാമ് ബന്റ്. സാമിന പറ്റി പഡിസി നഡാക്കുവാദ് പണ സമ്പാരിക്കുവ ഒന്റു നല്ല ഗിലാസെന്റ് ഇവാര് നെനേക്ക്‌ന്റാര്.

ഓഗന്നാന് 20:17

ഏസ്സ് അവാള്‌ക്ക്: <<എനാന പ്‌ഡിക്കാദെ, എന്ത്‌ക്കെന്റ് സൊന്ന നാന് ഇന്നമാട്ട്‌ക്ക് അപ്പാന് സാമി പട്ട്‌ക്ക് തിരിഗി പോഗാലെ. ആന നീ പോയി എന്ന് സൊല്ലുപഡി നഡാക്ക്‌ന്റവാര്‌ക്ക്: <എന്ന് സാമിമ് നിമ്മ് സാമിമ് എന്ന് അപ്പാന്‌മ് നിമ്മ് അപ്പാന്‌മ് ആനവാന് പട്ട്‌ക്ക് നാന് തിരിഗി പോന്റെ> എന്റ് സൊല്ലു>> എന്റ് സൊന്നാന്.

ഓഗന്നാന് 10:29

അവാര്‌ന എന്ന് കയിക്ക് തന്ത്‌റ്‌ക്കുവ എന്നപ്പാന് സാമി എല്ലാവാര്‌ന ബ്‌ഡ ദൊഡ്ഡവാന്‌ത്തെ. അപ്പാന് സാമി കയിലിന്ത് അവാര്‌ന പ്‌ഡിത്ത് എ്ഡ്‌ക്ക്യ ആര്‌ക്ക്‌മ് മുഡ്യാമാട്ട.

ഓഗന്നാന് 8:49

അദ്‌ക്ക് ഏസ്സ്: <<എനാക്ക് കെ്ട്ടജാദി തട്ടാലെ. നാന് എന്നപ്പാന് സാമിനത്തെ മദ്‌സ്‌ന്റെ. ആന നിമ്മാഗൊ എനാന മദ്‌സുവാദില്ലെ.

മത്തായി 21:12

ഏസ്സ് സാമിബീ്ഡ്‌ക്ക് പോയി ഏവര ഗേന്റവാര്‌നാമ് ബാങ്ക്‌ന്റവാര്‌നാമ് ബെ്ളിഗെ മുഡിക്കി ബ്‌ട്ടാന്. പണ കയിമാറ്‌ന്റവാര് മേസെഗാള്‌നാമ് സോറെ പക്കിഗാള്‌ന ബിക്ക്‌ന്റവാര് ഇര്‌ക്കുവ ബെഞ്ചിഗാള്‌നാമ് ഉന്തി ബീ്ക്ക്‌നാന്.

മത്തായി 22:5

ആന അവാര് അദ്‌ന കേ്ള്‌ക്കാദെ ഒരുത്താന് തന്ന് കാഡ്‌ക്ക്‌മ്, ബേ്റെ ഒന്റൊരുത്താന് തന്ന് ഏവരാക്ക്‌മ് പോനാന്.

ഓഗന്നാന് 2:15

അദുക്കുള ഏസ്സ് കണ്ണിഗാള്‌ല് ഒന്റു സാട്ടെവാര് മാഡി കൊറ്യാഡ്‌ഗാളോഡാമ് ഓരി മാഡ്‌ഗാളോഡാമ് ഒപ്പ എല്ലാവാര്‌നാമ് അദ്‌ലിന്ത് ബെ്ളിഗെ മുഡിക്കി ബ്‌ട്ടാന്. പണ കയിമാറ്‌ന്റവാര് പണാന ഇലാസി തള്ളി അവാര് മേസെഗാള്‌ന ഉന്തി ബീ്ക്ക്‌നാന്.