ഓഗന്നാന് 2:15 - സാമി സേദി

¹⁵ അദുക്കുള ഏസ്സ് കണ്ണിഗാള്‌ല് ഒന്റു സാട്ടെവാര് മാഡി കൊറ്യാഡ്‌ഗാളോഡാമ് ഓരി മാഡ്‌ഗാളോഡാമ് ഒപ്പ എല്ലാവാര്‌നാമ് അദ്‌ലിന്ത് ബെ്ളിഗെ മുഡിക്കി ബ്‌ട്ടാന്. പണ കയിമാറ്‌ന്റവാര് പണാന ഇലാസി തള്ളി അവാര് മേസെഗാള്‌ന ഉന്തി ബീ്ക്ക്‌നാന്.

ഓഗന്നാന് 2:15 ပူးပေါင်းရင်းမြစ်များ

മത്തായി 21:12

ഏസ്സ് സാമിബീ്ഡ്‌ക്ക് പോയി ഏവര ഗേന്റവാര്‌നാമ് ബാങ്ക്‌ന്റവാര്‌നാമ് ബെ്ളിഗെ മുഡിക്കി ബ്‌ട്ടാന്. പണ കയിമാറ്‌ന്റവാര് മേസെഗാള്‌നാമ് സോറെ പക്കിഗാള്‌ന ബിക്ക്‌ന്റവാര് ഇര്‌ക്കുവ ബെഞ്ചിഗാള്‌നാമ് ഉന്തി ബീ്ക്ക്‌നാന്.

ഓഗന്നാന് 18:6

അയാള് നാന്‌ത്തെ എന്റ് ഏസ്സ് സൊല്ലുഗാട്ടി അവാര് പിന്തറ പിന്തറ പോയി മണ്ണ്‌ക്ക് ബ്‌ന്താര്.

ഓഗന്നാന് 2:14

അദ്‌ലിര്‌ക്കുവ സാമിബീ്ഡ്‌ല് ആള്‌ഗാള് ഓരി മാഡ്‌ഗാള്, കൊറ്യാഡ്‌ഗാള് സോറെ പക്കിഗാള്‌നെല്ല ബിക്കുവാദ്‌നാമ്, പണ കയിമാറ്‌ന്റവാര് കുക്കാന്ത്‌റ്‌ക്കുവാദ്‌നാമ് ഏസ്സ് കണ്ടാന്.

ഓഗന്നാന് 2:16

സോറെ പക്കിഗാള്‌ന ഏവര ഗേന്റവാര്‌ക്ക് ഏസ്സ്: <<ഇദ്‌ഗാള്‌നെല്ല ഇദ്‌ലിന്ത് ബെ്ളിഗെ എ്ഡ്‌ത്ത് പോനു. എന്നപ്പാന് ബീ്ഡ്‌ന സന്തെ കഡെ മാഡദേന്>> എന്റ് സൊന്നാന്.

അപ്പോസുത്തലാര് 27:32

അദ്‌നാലെ പട്ടളഗാറാര് തോണിന കെ്ട്ടി ഇ്റാക്ക്‌ന കണ്ണിന അറ്‌ത്ത് പറ്‌ത്താര്.

2 കൊരിന്ത്യഗാറാര് 10:4

ഈ ഉലഗാത്ത്‌ലവാര് തമ്മ് പോട്ടിഗാറാരോഡ ജുദ്ദ ഗേയ എ്ഡ്‌ക്കുവ ജാദിഗാളല്ല എമ്മ എ്ഡ്‌ക്കുവാദ്. എമാക്ക് ഇര്‌ക്കുവ ജാദിഗാള് മ്‌ഗ്‌ന്ത സാമി സക്‌ത്യുള്ളാദ്‌ത്തെ. പട്ടളഗാറാര് തമ്മ് പോട്ടിഗാറാര് കോട്ടെഗാള്‌ന ഇ്ഡിത്ത് തള്ളുവ പാസെ അദ്‌ന ബെത്ത് എമ്മ പോട്ടിഗാറാര് സക്‌തിന ദൂളു പറാത്ത്‌ന്റേമ്. മന്‌സാന് തപ്പായി ബാദിക്കുവ എല്ലാ കാര്യഗാള്‌നാമ് ഇല്ലാദെ മാഡ്‌ന്റേമ്.