ഓഗന്നാന് 2:13 - സാമി സേദി

¹³ എഗുദാര് ഗേവ പെസഗെ നോമ്പി അഡ്‌ത്തിന്താദ്‌നാലെ ഏസ്സ് എര്‌സലേമ്‌ക്ക് പോനാന്.

ഓഗന്നാന് 2:13 ပူးပေါင်းရင်းမြစ်များ

മത്തായി 21:12

ഏസ്സ് സാമിബീ്ഡ്‌ക്ക് പോയി ഏവര ഗേന്റവാര്‌നാമ് ബാങ്ക്‌ന്റവാര്‌നാമ് ബെ്ളിഗെ മുഡിക്കി ബ്‌ട്ടാന്. പണ കയിമാറ്‌ന്റവാര് മേസെഗാള്‌നാമ് സോറെ പക്കിഗാള്‌ന ബിക്ക്‌ന്റവാര് ഇര്‌ക്കുവ ബെഞ്ചിഗാള്‌നാമ് ഉന്തി ബീ്ക്ക്‌നാന്.

മര്‌ക്കോസു 11:15

അവാര് എര്‌സലേമ്‌ക്ക് എജ്ജ്‌ന പ്‌റ ഏസ്സ് സാമിബീ്ഡ്‌ക്ക് പോനാന്. അയാള് ഏവര ഗേന്റവാര്‌നാമ് ബാങ്ക്‌ന്റവാര്‌നാമ് ബെ്ളിഗെ മുഡിക്കി ബ്‌ഡ്യ പ്‌ഡിത്താന്. പണ കയിമാറ്‌ന്റവാര് മേസെഗാള്‌നാമ് സോറെ പക്കിഗാള്‌ന ബിക്ക്‌ന്റവാര് ഇര്‌ക്കുവ ബെഞ്ചിഗാള്‌നാമ് ഉന്തി ബീ്ക്ക്‌നാന്.

ലൂക്കോസു 19:45

ഏസ്സ് സാമിബീ്ഡ്‌ക്ക് പോയി അദ്‌ല് ഏവര ഗേന്റവാര്‌ന അദ്‌ലിന്ത് ബെ്ളിഗെ മുഡിക്കി ബ്‌ഡ്യ പ്‌ഡിത്താന്.

ലൂക്കോസു 2:41

എല്ലാ ബര്‌സ്സാമ് പെസഗെ നോമ്പി നാള് ഏസ്സ് അവ്വ്യപ്പനാമ് എര്‌സലേമ്‌ക്ക് പോയിന്താര്.

ഓഗന്നാന് 11:55

എഗുദാര് ഗേവ പെസഗെ നോമ്പി അഡ്‌ത്തിന്ത്‌ദ്. തമ്മ സുത്താപ്പായ ബേ്ണ്ടി ഗേവ കാര്യഗാള്‌ന ഗേയ ബേ്ണ്ടി എഞ്ചോ ആള്‌ഗാള് പെസഗെ നോമ്പിക്ക് മുദാല് താനെ ഊരുഗാള്‌ലിന്ത് എര്‌സലേമ്‌ക്ക് പോനാര്.

ഓഗന്നാന് 13:1

ഈ ഉലഗാന ബ്‌ട്ട് അപ്പാന് സാമി പട്ട്‌ക്ക് പോവ നേര തനാക്ക് ബന്ത്‌ദ് എന്റ് പെസഗെ നോമ്പിക്ക് മുദാല് ഏസ്സ്‌ക്ക് തെരിന്ത്‌ദ്. അദ്‌നാലെ ഉലഗാത്ത്‌ല് തനാക്കുള്ളവാര്‌ന താന് എത്തെ സീവാന്‌പട്ടിന്താനൊ അദേപാസെ താനെത്തെ കഡേസി മാട്ട്‌ക്ക്‌മ് അവാര്‌ന സീവാന്‌പട്ടാന്.

ഓഗന്നാന് 2:23

പെസഗെ നോമ്പി ഗളിഗെ ഏസ്സ് എര്‌സലേമ്‌ല് ഇര്‌ക്കാട്ടി ഗേന്ത അദിസ്യമാന അഡ്യാളഗാള്‌ന കണ്ട് എഞ്ചോ ആള്‌ഗാള് ഏസ്സ്‌ന നമ്പ്‌നാര്.

ഓഗന്നാന് 5:1

അദ്‌ക്ക് പ്‌റ എഗുദാര് ഗേവ ഒന്റു നോമ്പി ഗേഗാട്ടി ഏസ്സ് എര്‌സലേമ്‌ക്ക് പോനാന്.

ഓഗന്നാന് 6:4

എഗുദാര് പെസഗെ നോമ്പി ഗളിഗേമ് അഡ്‌ത്തിന്ത്‌ദ്.