ഓഗന്നാന് 19:6 - സാമി സേദി

⁶ എഗുദാര് പൂസാരി തലെവാര്‌ഗാള്‌മ് സാമിബീ്ഡ് കാവഗാറാര്‌മ് അയാള്‌ന കണ്ടാദ്‌മ്: <<കുരുസുക്കു സേത്തി ആണി അഡിത്ത് കൊല്ലുഡൊ, കുരുസുക്കു സേത്തി ആണി അഡിത്ത് കൊല്ലുഡൊ>> എന്റ് സൊല്ലി ആലാത്താര്. അദുക്കുള പീലത്തോസു അവാര്‌ക്ക്: <<നിമ്മ അയാള്‌ന എ്ഡ്‌ത്ത് പോയി കുരുസുക്കു സേത്തി ആണി അഡിത്ത് കൊല്ലുനു. നാന് അയാള്‌ല് ഒന്റു കുറ്റാമ് കാണുവാദില്ലെ>> എന്റ് സൊന്നാന്.

ഓഗന്നാന് 19:6 ပူးပေါင်းရင်းမြစ်များ

മത്തായി 26:58

ആന പത്ത്‌റോസു ലേസ ദൂര പിന്ന്‌ക്കിന്ത് കൊണ്ടു ഏസ്സ് പിന്ന്‌മേലെ എഗുദാര് ദൊഡ്ഡ പൂസാരി ബീ്ഡ് കള മാട്ട്‌ക്ക് പോനാന്. കഡേഗല എന്തെല്ല നഡാക്ക്‌മ് എന്റ് കാണ്യ ബേ്ണ്ടി അയാള് ഉളാക്ക് കഡാന്ത് കാവഗാറാരോഡ കുക്കാന്തിന്താന്.

മത്തായി 27:22

അദുക്കുള പീലത്തോസു അവാര്‌ന: <<ആന ക്‌റ്‌സ്‌ത്ത് എന്റ് സൊല്ലുവ ഏസ്സ്‌ന നാന് എന്ത് ഗേയ?>> എന്റ് കേ്ട്ടാന്. അദുക്കുള <<അയാള്‌ന കുരുസുക്കു സേത്തി ആണി അഡിത്ത് കൊല്ലുഡൊ>> എന്റ് എല്ലാവാര്‌മ് ആലാത്ത് സൊന്നാര്.

മത്തായി 27:24

ആള്‌ഗാള് ആലാത്ത് ക്‌ളാമ്പുവാദ് അദിഗ ആവാദല്ലാദെ തനാക്ക് ഒന്റുമു ഗേയ മുഡിവാദില്ലെ എന്റ് പീലത്തോസു നോഡി, നീര് എ്ഡ്‌ത്ത് ആള്‌ഗാള് മുന്നുക്കു ബെത്ത് കയി കച്ചിന്ത്: <<ഇയാള്‌ന കൊല്ലുവാദ്‌ല് നാന് കുറ്റഗാറാനല്ല. നിമ്മ താനെ നോഡി കൊള്ളുനു>> എന്റ് സൊന്നാന്.

ലൂക്കോസു 23:4

അദുക്കുള പീലത്തോസു എഗുദാര് പൂസാരി തലെവാര്‌ഗാള്‌ക്ക്‌മ് ആള്‌ഗാള്‌ക്ക്‌മ്: <<ഈ മന്‌സാന്‌ന ദെ്ണ്ടിക്കുവാദ്‌ക്കുള്ള ഒന്റു കാര്യാമ് നാന് കാണാലെ>> എന്റ് സൊന്നാന്.

ഓഗന്നാന് 18:3

അത്തെ ജൂദാന് പട്ടളഗാറാര്‌നാമ് എഗുദാര് പൂസാരി തലെവാര്‌ഗാള്‌മ് പരിസാര്‌ഗാള്‌മ് സൊല്ലി ബ്‌ട്ട ലേസ സാമിബീ്ഡ് കാവഗാറാര്‌നാമ് കൂട്ടി ബന്താന്. അവാര് പന്ത തീഗാള്‌മ് ബ്‌ളാക്ക്‌ഗാള്‌മ് പ്‌ഡിത്ത്‌കൊണ്ടു ബാള്‌ബഡിഗാളോഡാത്തെ അദ്‌ക്ക് ബന്താദ്.

ഓഗന്നാന് 18:31

അദുക്കുള പീലത്തോസു: <<നിമ്മ താനെ ഇയാള്‌ന എ്ഡ്‌ത്ത് പോയി നിമ്മ് സട്ടപഡി ഇയാള്‌ക്ക് ദെ്ണ്ടണെ ബിദിന്>> എന്റ് അവാര്‌ക്ക് സൊന്നാന്. അദുക്കുള എഗുദാര്: <<ഒരുത്താന്‌ന കൊല്ലുവാദ്‌ക്കുള്ള അദിഗര എമാക്കില്ലെ>> എന്റ് സൊന്നാര്.

ഓഗന്നാന് 18:38

പീലത്തോസു അയാള്‌ന: <<സത്ത്യ എന്റ് സൊന്ന എന്ത്?>> എന്റ് കേ്ട്ടാന്. പ്‌റ അയാള് പിന്നേമ് ബെ്ളിഗെ എഗുദാര് തലെവാര് പട്ട്‌ക്ക് പോയി: <<നാന് അയാള്‌ല് ഒന്റു കുറ്റാമ് കാണുവാദില്ലെ.

ഓഗന്നാന് 19:15

അദുക്കുള: <<അയാള്‌ന കൊല്ലു, അയാള്‌ന കൊല്ലു, അയാള്‌ന കുരുസുക്കു സേത്തി ആണി അഡിത്ത് കൊല്ലു>> എന്റ് അവാര് ആലാത്താര്. അദുക്കുള: <<നിമ്മ് രാജാവുന നാന് കുരുസുക്കു സേത്തി ആണി അഡിത്ത് കൊല്ല്യാഗ?>> എന്റ് പീലത്തോസു അവാര്‌ന കേ്ട്ടാന്. അദുക്കുള എഗുദാര് പൂസാരി തലെവാര്‌ഗാള്: <<എമാക്ക് റോമ നാഡ് രാജാവല്ലാദെ ബേ്റൊന്റു രാജാവില്ലെ>> എന്റ് ബദ്‌ല് സൊന്നാര്.

ഓഗന്നാന് 19:4

പീലത്തോസു പിന്നേമ് ബെ്ളിഗെ ബന്ത്: <<നാന് അയാള്‌ല് ഒന്റു കുറ്റാമ് കാണുവാദില്ലെ എന്റ് നിമാക്ക് തെര്യ ബേ്ണ്ടി അയാള്‌ന ഇദാ, ബെ്ളിഗെ നിമ്മ് പട്ട്‌ക്ക് എ്ഡ്‌ത്ത് ബന്റെ>> എന്റ് അവാര്‌ക്ക് സൊന്നാന്.

അപ്പോസുത്തലാര് 2:23

സാമി ഏസ്സ്‌ന എന്ത് ഗേഡൊ എന്റ് മുദാല് താനെ മുഡിവെ്ഡ്‌ത്ത് ഒറേപ്പ് മാഡി ബെത്തിന്ത പാസെ അയാള്‌ന നിമ്മ് കയിക്ക് ഒപ്പുസുനാന്. നിമ്മ അയാള്‌ന കേ്ഡ്‌ഗെ്ട്ടവാര് കയിക്ക് കൊഡുത്തുറു. അവാര് ഏസ്സ്‌ന കുരുസുക്കു ആണി അഡിത്ത് കൊന്റു തള്ള്‌നാര്.

അപ്പോസുത്തലാര് 7:52

നിമ്മ് പാട്ടനാമ് ഏദാറ്റ സാമിദാസ്‌ഗാള്‌ന കൊഡിമെപഡ്‌സാദെ ഇന്ത്‌റ്‌ന്റാര? അദ്‌താനെ അല്ല, നേര്‌മോഡ പെ്ളേക്ക്‌ന്റവാന് ബരുവാന് എന്റ് മുദാല് താനെ സൊല്ലിന്തവാര്‌നാമ് അവാര് കൊന്റു തള്ള്‌നാര്. ആന നിമ്മാമ് ഇന്നാല് അയി നേര്‌മെഗാറാന്‌ന കാട്ടി കൊഡുത്തു അയാള്‌ന കൊന്റു തള്ള്‌ന്‌റ്.