ഓഗന്നാന് 19:30 - സാമി സേദി30 ഏസ്സ് പുളിര്‌ക്കുവ മുന്തരിസാരന കുഡിത്ത പ്‌റ: <<എല്ലാ കാര്യാമ് നഡാന്ത് മുഡിന്ത്‌ദ്>> എന്റ് സൊന്നാന്. ഏസ്സ് തന്ന് തലേന തൊങ്കിസി ഉജുരുന ബ്‌ട്ടാന്. အခန်းကိုကြည့်ပါ။ |
ഓഗന്നാന് 19:30
28 ပူးပေါင်းရင်းမြစ်များ
ക്‌റ്‌സ്‌ത്ത് ഏസ്സ്‌ന നമ്പ്‌ന്റവാര്‌ക്ക് അയാള് സൂസുന സോരെനാലെ തപ്പ് കെ്ട്ടി പാവ തീര്യ ബേ്ണ്ടി സാമി അയാള്‌ന എല്ലാര്‌ക്ക് ബേ്ണ്ടി ഒപ്പ്‌സി കൊഡുത്ത്‌റ്‌ന്റാന്. താന് നേര്‌മെഗാറാന് എന്റ് കാട്ട്യ ബേ്ണ്ടിത്തെ സാമി അത്തെ ഗേന്ത്‌റ്ക്കുവാദ്. എന്ത്‌ക്കെന്റ് സൊന്ന തനാക്കിര്‌ക്കുവ പൊറിമേല് അവാര് മുന്നുക്കു ഗേന്ത പാവഗാള്‌ന പൊറുത്തു തന്താനല്ല.
നിമ്മ ഒട്ടുക്കു പുളിക്കാത്ത മാവുന പാസെത്തെ. അയി കെ്ട്ട കാര്യ ഗേന്തവാന് പുളിത്ത മാവുന പാസെത്തെ. നിമ്മ ഒട്ടുക്കു പുളിത്ത മാവു ആഗാദിര്‌ക്ക്യ ബേ്ണ്ടി പുളിത്ത മാവായിര്‌ക്കുവ അയി കെ്ട്ട കാര്യ ഗേന്തവാന്‌ന നിമ്മ് കൂട്ടാത്ത്‌ലിന്ത് മുഡിക്കി ബ്‌ഡ്‌ന്. അത്തെ നിമ്മ പുദ്യ മാവു ആവുറു. നിമ്മ അത്തേത്തെ ആയിര്‌ക്ക്‌ന്റ്‌റല്ല? എന്ത്‌ക്കെന്റ് സൊന്ന ക്‌റ്‌സ്‌ത്ത് നമ്മ് പാവാക്ക് ബേ്ണ്ടി പലി ആയിര്‌ന്റാന്. അയാള്‌ത്തെ പെസഗെ നോമ്പിക്കുള്ള നമ്മ് കൊറ്യാഡ് കുട്ടി.
നമാന സാമിന നമ്പ്യ ബെത്തവാന്‌മ് കഡേസി മാട്ട്‌മ് നമാന നമ്പിക്കേല് ഒന്റേപെ്ട്ട് കൊറേവു ബര്‌സ്സാദെ ബെക്ക്‌ന്റവാന്‌മ് ആന ഏസ്സ്‌ന താനെ നോഡി ഓഡുഗാന്. തനാക്ക് ബര്യ പോവ പിര്യന നെനേത്ത് കുരുസുലു സാവാദ്‌നാലെ ബരുവ മാനകേ്ഡ്‌ന നോഡാദെ അയാള് കുരുസുലു സത്താന്. അയാള് ഇന്നാല് സാമി കുറിഞ്ചിക്ക് ബല സാരി കുക്കാന്ത്‌റ്‌ക്ക്‌ന്റാന്.
ကြော်ငြာတွေ