ഓഗന്നാന് 19:25 - സാമി സേദി

²⁵ ഏസ്സ്‌ന ആണി അഡിത്ത കുരുസുക്കു അര്‌ഗെ ഏസ്സ് അവ്വേസിമ് അവാളോഡ പ്‌റാന്തവാള്‌മ് ക്‌ള്യാപ്പാവു പെ്ണ്ട് മറിയാമ് മദ്ദള പട്ടണഗാറിസി മറിയാമ് നിന്റിന്താര്.

ഓഗന്നാന് 19:25 ပူးပေါင်းရင်းမြစ်များ

മത്തായി 12:46

ഏസ്സ് അവാരോഡ നായനൊഡിന്ത് കൊണ്ടു ഇര്‌ക്കാട്ടി ഏസ്സ് അവ്വേസിമ് തമ്പ്യാമ്‌മ് ഏസ്സോഡ നായനൊഡ്യ ആസെപട്ട് ബെ്ളിഗെ നിന്റിന്താര്.

മര്‌ക്കോസു 16:9

[ഏസ്സ് നാത്തിക്‌ളാമെ നാള് റാവെ താനെ ഉജുര്‌ളാഗ്‌ന പ്‌റ മുദാല് മദ്ദള പട്ടണഗാറിസി മറിയ കണ്ണ്‌ക്ക് കാട്ട്‌നാന്. ഇവാള്‌ല് ഇന്ത്‌ത്തെ തട്ടിന്ത ഏ്ള് കെ്ട്ടജാദിന ഏസ്സ് ഇ്റാക്കി ബ്‌ട്ടിന്താദ്.

ലൂക്കോസു 2:35

അത്തെ ആള്‌ഗാള് മനേസ്സ് കുളാക്കിര്‌ക്കുവ നെനേവുഗാള് ബെ്ളിഗെ ബര്‌മ്. ഒന്റു ബാള് നെഞ്ച്‌ന കുത്തി തൊളേന്ത് പോവ പാസെ നിന്ന് മനേസ്സ്‌ക്ക് ദുക്ക ബര്‌മ്.>>

ലൂക്കോസു 23:49

ഏസ്സോഡ പളാക്കപട്ടിന്തവാര്‌മ് ഗലീലാലിന്ത് ഏസ്സ് പിന്ന്‌മേലെ നഡാന്തിന്ത പെ്ണ്ണ്‌മക്കാള്‌മ് ദൂരാത്ത്‌ല് നിന്റിന്ത് ഇദ്‌നെല്ല നോഡികൊണ്ടിന്താര്.

ലൂക്കോസു 24:18

അവാര്‌ല് ക്‌ള്യാപ്പാവു എന്റ് സൊന്റവാന് അയാള്‌ന: <<നെന്നെ്ഡെഗ നഡാന്ത കാര്യഗാള്‌ന പറ്റി എര്‌സലേമ്‌ക്ക് ബന്തവാര്‌ല് നിനാക്ക് താനെത്തെ തെര്യാഗ?>> എന്റ് കേ്ട്ടാന്.

ലൂക്കോസു 8:2

അദല്ലാദെ നോയിലിന്ത്‌മ് കെ്ട്ടജാദി തട്ടിര്‌ക്കുവാദ്‌ലിന്ത്‌മ് തെ്ളിന്ത ലേസ പെ്ണ്ണ്‌മക്കാള്‌മ് അവാരൊപ്പ ഇന്താര്. അവാര് ആരാരെന്റ, ഏ്ള് കെ്ട്ട ജാദിലിന്ത് നോയി തെ്ളിന്ത മദ്ദള പട്ടണഗാറിസി മറിയാമ്,

ഓഗന്നാന് 20:1

ബാരാത്ത്‌ല് ഒണ്ണാവാദ് നാള് മദ്ദള പട്ടണഗാറിസി മറിയ ബെ്ഡ്യാകാല ജാമാത്ത്‌ല് ഇ്റ്‌ട്ട് ഇര്‌ക്കാട്ടിതാനെ കല്ലളെ പട്ട്‌ക്ക് പോനാള്. അദുക്കുള കല്ലളെ ബായിക്ക് അഡേത്ത് ബെത്തിന്ത കല്ല് അളെ ബായിലിന്ത് കളാന്ത് പോയിര്‌ക്കുവാദ്‌ന കണ്ടാള്.