ഓഗന്നാന് 19:14 - സാമി സേദി

¹⁴ അദുക്കുള പെസഗെ നോമ്പി ഗേയ ബേ്ണ്ടി ഒരുങ്കുവ നാള് ഉച്ച്യായിന്ത്‌ദ്. പീലത്തോസു എഗുദാര്‌ക്ക്: <<ഇദാ, നിമ്മ് രാജാവു>> എന്റ് സൊന്നാന്.

ഓഗന്നാന് 19:14 ပူးပေါင်းရင်းမြစ်များ

മത്തായി 27:45

ഉച്ചി നേരാത്ത്‌ലിന്ത് മൂറു മണി മാട്ട്‌ക്ക് നാഡൊട്ടുക്കു ഇ്റ്‌ട്ട് കെ്ട്ടിന്ത്‌ദ്.

മത്തായി 27:62

ഒയിവു നാളാന മറ്‌നാള് എഗുദാര് പൂസാരി തലെവാര്‌ഗാള്‌മ് പരിസാര്‌ഗാള്‌മ് പീലത്തോസു പട്ട്‌ക്ക് പോയി:

മര്‌ക്കോസു 15:25

റാവെതാനെ ഒമ്പാദ് മണിക്ക്‌ത്തെ അവാര് ഏസ്സ്‌ന കുരുസുക്കു സേത്തി ആണി അഡിത്താദ്.

മര്‌ക്കോസു 15:42

അയി നാള് ഒരുക്കനാള് (ഒയിവു നാള്‌ക്ക് മുദാല്‌ല നാള്) ആയിന്ത്‌ദ്. അന്റ് മജാക്കെ ആഗാട്ട്യെല്ല അരിമത്ത്യ പട്ടണഗാറാന് ഓസേപ് അഞ്ചിക്കെപഡാദെ പീലത്തോസു പട്ട്‌ക്ക് പോയി ഏസ്സ് സാവുന എ്ഡ്‌ത്ത് പോയ ബ്‌ഡ്‌ഡൊ എന്റ് കേ്ട്ടാന്. സാമി ആളുവാദ്‌ന കാത്തിന്ത ഓസേപ് എഗുദ കോഡിദില് ദൊഡ്ഡ ഒന്റു ആള് ആയിന്താന്.

ലൂക്കോസു 23:44

അദുക്കുള നേര ഉച്ചി ആയിന്ത്‌ദ്. ഉച്ചി നേരാത്ത്‌ലിന്ത് മൂറു മണി മാട്ട്‌ക്ക് നാഡൊട്ടുക്കു ഇ്റ്‌ട്ട് കെ്ട്ടിന്ത്‌ദ്. അയി ഗളിഗെ സാമിബീ്ഡ്‌ല അരാങ്ക കുച്ചുന അലാക്ക പ്‌റ്‌ക്കുവ തെരെസീലെ മേല താനേലിന്ത് അഡി താനെ മാട്ട്‌ക്ക് റാഡായി നേരെ സീന്തി തള്ള്‌ട്ട്.

ലൂക്കോസു 23:54

അയി നാള് ഒയിവു നാള്‌ക്ക് ബേ്ണ്ടി ഒരുങ്കുവ നാള് ആയിന്ത്‌ദ്. എഗുദാര് ഒയിവു നാള്‌മ് ആയാറ്റ്.

ഓഗന്നാന് 19:3

പ്‌റ അവാര് അയാള് പട്ട്‌ക്ക് ബന്ത്: <<എഗുദാര് രാജാവെ നീ സോക്ക്യൂരി പെ്ളെ!>> എന്റ് സൊല്ലികൊണ്ടു അയാള് സെ്ഗ്‌ഡ്‌ന അഡിത്താര്.

ഓഗന്നാന് 19:42

അയി നാള് ഒയിവു നാള്‌ക്ക് ബേ്ണ്ടി ഒരുങ്കുവ നാള് ആയിന്താദ്‌നാലേമ് അര്‌ഗെ താനെ അയി കല്ലളെ ഇന്താദ്‌നാലേമ് എഗുദാര് അയാള് സാവുന അദ്‌ക്ക് ബെത്താര്.

ഓഗന്നാന് 19:5

അത്തെ ഏസ്സ് മുള്ളു കൊഡില് മാഡ്‌ന ഗിര്യാഡന സൂഡി സോരെ ന്‌റാമ് നീല ന്‌റാമ് കലാന്ത്‌റ്‌ക്കുവ ജൊഗെന ഇക്കി ബെ്ളിഗെ ബന്താന്. അദുക്കുള പീലത്തോസു അവാര്‌ക്ക്: <<ഇദാ അയി മന്‌സാന്>> എന്റ് സൊന്നാന്.