ഓഗന്നാന് 19:13 - സാമി സേദി

¹³ അവാര് ഇത്തെ സൊല്ലി ആലാക്കുവാദ്‌ന കേ്ട്ട് പീലത്തോസു ഏസ്സ്‌ന ബെ്ളിഗെ കൂട്ടി ബന്ത് കല്ല് മദ്‌ല് എന്റ് സൊല്ലുവ എ്ഡേല് ഇര്‌ക്കുവ നായ സൊല്ലുവ പട്ട്‌ക്ക് കുക്കാന്താന്. ഈ എ്ഡെന എവുറായ നായാത്ത്‌ല് ഗവദ എന്റ് സൊന്റാര്.

ഓഗന്നാന് 19:13 ပူးပေါင်းရင်းမြစ်များ

മത്തായി 27:19

അയാള് നായ സൊല്ലുവ എ്ഡേല് കുക്കാന്ത്‌റ്‌ക്കാട്ടി പീലത്തോസു പെ്ണ്ടച്ചി ആള് ബ്‌ട്ട്: <<അയി കുറ്റ ഇല്ലത്തവാന് കാര്യാക്ക് എ്ണേഗാദെ. അയാള്‌ന പറ്റി ജാമാത്ത്‌ല് നാന് ഒന്റു കനേസ്‌ല് കണ്ടാദ്‌നാലെ നാന് അപ്പാര അര്‌ക്കപട്ടെ>> എന്റ് സൊന്നാള്.

ലൂക്കോസു 12:5

ആന നിമ്മ ആര്‌ന അഞ്ചുഡൊ എന്റ് നാന് നിമാക്ക് സൊല്ലി തന്റെ, നിമ്മ് സരിഗലന കൊന്റ പ്‌റ നരഗാക്ക് ഇക്ക്യ അദിഗര ഇര്‌ക്കുവ സാമിനത്തെ അഞ്ചുഡൊ. നേര്‌മായിമ്, സാമിനത്തെ അഞ്ചുഡൊ എന്റ് നാന് നിമാക്ക് സൊന്റെ.

ഓഗന്നാന് 19:17

ഏസ്സ് താന്‌താനെ തന്ന് കുരുസുന സുമാന്ത് കൊണ്ടു മണ്ട്യോഡു എ്ഡെ എന്നുവ പട്ട്‌ക്ക് പോനാന്. അദ്‌ക്ക് എവുറായ നായാത്ത്‌ല് ഗോലുഗോദ എന്റ് സൊന്റാര്.

ഓഗന്നാന് 19:20

ഏസ്സ്‌ന കുരുസുക്കു സേത്തി ആണി അഡിത്ത എ്ഡെ പട്ടണാക്ക് അര്‌ഗെ ഇന്താദ്‌നാലെ എഞ്ചോ എഗുദാര് കുരുസുലു എ്ള്‌ദി ബെത്തിന്ത ഈ എ്ള്‌ത്ത്‌ന പഡിത്താര്. എവുറായ, റോമ, എവനനായഗാള്‌ല് ഈ എ്ള്‌ത്ത് എ്ള്‌ദിന്ത്‌ദ്.

ഓഗന്നാന് 19:8

അവാര് ഇത്തെ സൊന്നാദ്‌ന കേ്ട്ട് പീലത്തോസു ഒന്റേപെ്ട്ട് അഞ്ചിക്കെപട്ടാന്.

ഓഗന്നാന് 5:2

എര്‌സലേമ് പട്ടണാത്ത്‌ല് കൊറ്യാഡ് ബാസ എന്റ് സൊല്ലുവ ബാസാക്കര്‌ഗെ എവുറായ നായാത്ത്‌ല് ബെദെസ്‌ത്ത എന്റ് സൊല്ലുവ ഒന്റു കുള ഇന്ത്‌ദ്. അയി കുളാക്ക് സുറ്റുമു അയിദ് പാഡി ഇന്ത്‌ദ്.

അപ്പോസുത്തലാര് 4:19

ആന പത്ത്‌റോസുമു ഓഗന്നാന്‌മ് ഇത്തെ അവാര്‌ക്ക് ബദ്‌ല് സൊന്നാര്, <<സാമി സൊല്ലുവാദ്‌ന കേ്ള്‌ക്കുവാദൊ നിമ്മ സൊല്ലുവാദ്‌ന കേ്ള്‌ക്കുവാദൊ ഏദ് സെരി എന്റ് നിമ്മ താനെ സൊല്ലുനു.