ഓഗന്നാന് 19:11 - സാമി സേദി

¹¹ അദ്‌ക്ക് ഏസ്സ്: <<സാമിലിന്ത് നിനാക്ക് അദിഗര കെ്ഡേക്കാദെ ഇന്തിന്തദാന നിനാക്ക് എനാന ഒന്റുമു ഗേയ മുഡ്യമാട്ടായിന്ത്‌ദ്. അദ്‌നാലെ എനാന നിന്ന് കയിക്ക് തന്തവാന് അദിഗ പാവ ഗേന്തവാന്‌ത്തെ>> എന്റ് സൊന്നാന്.

ഓഗന്നാന് 19:11 ပူးပေါင်းရင်းမြစ်များ

മത്തായി 26:65

അന്നാല് താനെ എഗുദാര് ദൊഡ്ഡ പൂസാരി തന്ന് സീലെന പീ്റി കൊണ്ടു: <<ഇയാള് സാമിന കുറ്റ സൊന്നാന്. ഇന്നി നമാക്ക് തെ്ള്‌വുക്കു ബേ്റെ ആള് തേവില്ലെ. ഇയാള് ബായിലിന്ത് താനെ ഇന്നാല് സാമിന പറ്റി കുറ്റ സൊന്നാദ്‌ന നിമ്മ കേ്ട്ട്‌റല്ല?

മത്തായി 27:2

പ്‌റ അയാള്‌ന പ്‌ഡിത്ത് കെ്ട്ടി എ്ഡ്‌ത്ത് പോയി റോമ നാഡ് അദിഗാരി പീലത്തോസു കയിക്ക് കൊഡുത്താര്.

മത്തായി 6:13

പാവ ഗേവ ആസേക്ക് എമാന സിക്ക്‌സാദെ കെ്ട്ടവാന് കയിലിന്ത് എമാന കാപാറ്റുഡോമെ. എന്ത്‌ക്കെന്റ് സൊന്ന എന്നാല്‌ക്ക്‌മ് എല്ലാ നാഡ്‌ന ആള്‌ന്റവാന്‌മ് മ്‌ഗ്‌ന്ത ബില ഇര്‌ക്ക്‌ന്റവാന്‌മ് മ്‌ഗ്‌ന്ത മദ്‌പ്പിര്‌ക്ക്‌ന്റവാന്‌മ് നീത്തെ, ആമേന്.>

മര്‌ക്കോസു 14:44

കാട്ടി കൊഡുക്കുവ ജൂദാന് <<നാന് ആര്‌ന മുത്തമിക്ക്‌ന്റേനൊ അയാള്‌ത്തെ നിമാക്കുള്ളവാന്. അയാള്‌ന പ്‌ഡിത്ത് സൊക്കാന എ്ഡ്‌ത്ത് പോനു>> എന്റ് അവാര്‌ക്ക് അഡ്യാള കൊഡുത്തിന്താന്.

ലൂക്കോസു 22:53

നാന് നാള്‌ക്ക്‌മ് സാമിബീ്ഡ്‌ല് നിമ്മോഡൊപ്പ ഇന്തേനല്ല. അദുക്കുളെല്ല നിമ്മ എനാന പ്‌ഡിക്കാലെ. ആന ഇ്റ്‌ട്ട്‌ക്കിര്‌ക്കുവ അദിഗര ആളുവ ഈ സമ്യത്തെ നിമാക്ക് എനാന പ്‌ഡിക്കുവാദ്‌ക്കുള്ള സമ്യ>> എന്റ് സൊന്നാന്.

ഓഗന്നാന് 18:13

മുദാല് അന്നാസ് പട്ട്‌ക്ക് എ്ഡ്‌ത്ത് പോനാര്. അയാള് അയി ബര്‌സ്സാത്ത്‌ല എഗുദാര് ദൊഡ്ഡ പൂസാരി ആയിന്ത കയ്യപ്പാവു മാമനച്ചാന് ആയിന്താന്.

ഓഗന്നാന് 18:3

അത്തെ ജൂദാന് പട്ടളഗാറാര്‌നാമ് എഗുദാര് പൂസാരി തലെവാര്‌ഗാള്‌മ് പരിസാര്‌ഗാള്‌മ് സൊല്ലി ബ്‌ട്ട ലേസ സാമിബീ്ഡ് കാവഗാറാര്‌നാമ് കൂട്ടി ബന്താന്. അവാര് പന്ത തീഗാള്‌മ് ബ്‌ളാക്ക്‌ഗാള്‌മ് പ്‌ഡിത്ത്‌കൊണ്ടു ബാള്‌ബഡിഗാളോഡാത്തെ അദ്‌ക്ക് ബന്താദ്.

ഓഗന്നാന് 19:10

അദുക്കുള പീലത്തോസു അയാള്‌ന: <<നീ എന്നോഡ നായനൊഡിവാദില്ലേഗ? എനാക്ക് നിനാന കുരുസുക്കു സേത്തി ആണി അഡിത്ത് കൊല്ല്യാമ് നിനാന ബെ്റ്‌ദെ ബിഡ്യാമ് അദിഗര ഇര്‌ക്ക്‌ന്റ് എന്റ് നിനാക്ക് തെരിവാദില്ലേഗ?>> എന്റ് കേ്ട്ടാന്.

ഓഗന്നാന് 3:27

അദുക്കുള ഓഗന്നാന് ഇത്തെ ബദ്‌ല് സൊന്നാന്: <<മേലോഗാത്ത്‌ല സാമി കൊഡുക്കാദെ കണ്ട് ആര്‌ക്ക്‌മ് ഒന്റുമു കെ്ഡേയ.

ഓഗന്നാന് 7:30

അദുക്കുള ആള്‌ഗാള് ഏസ്സ്‌ന പ്‌ഡിക്ക്യ ഓരാഡ്‌നാര്. ആന അയാള്‌ക്കുള്ള നേര ബരാദിന്താദ്‌നാലെ ആര്‌മ് അയാള്‌ന അണ്ണാലെ.

ഓഗന്നാന് 9:41

അദുക്കുള ഏസ്സ്: <<നിമ്മ കുറുഡാര് ആയിന്തദാന നിമ്മ പാവ ഇല്ലത്തവാര് ആയിന്ത്‌റ്‌ക്കുവുറു. ആന നിമാക്ക് കണ്ണ് കാട്ട്‌ന്റ് എന്റ് സൊല്ലുവാദ്‌നാലെ നിമ്മ് പാവാക്ക് പൊറിമെ കെ്ഡേക്കാദെ ഇര്‌ക്ക്‌മ്>> എന്റ് സൊന്നാന്.

അപ്പോസുത്തലാര് 2:23

സാമി ഏസ്സ്‌ന എന്ത് ഗേഡൊ എന്റ് മുദാല് താനെ മുഡിവെ്ഡ്‌ത്ത് ഒറേപ്പ് മാഡി ബെത്തിന്ത പാസെ അയാള്‌ന നിമ്മ് കയിക്ക് ഒപ്പുസുനാന്. നിമ്മ അയാള്‌ന കേ്ഡ്‌ഗെ്ട്ടവാര് കയിക്ക് കൊഡുത്തുറു. അവാര് ഏസ്സ്‌ന കുരുസുക്കു ആണി അഡിത്ത് കൊന്റു തള്ള്‌നാര്.

അപ്പോസുത്തലാര് 3:13

പണ്ട് കാലാത്ത്‌ല നമ്മ് അവുറഗാമ്‌ത്ത്‌മ് ഇസഗാക്ക്‌ത്ത്‌മ് ആക്കോവുത്ത്‌മ് സാമിത്തെ നമ്മ് പാട്ടനാമ് സാമി. അയി സാമി താന് സൊല്ലുവാദ്‌നെല്ല അദേപാസെ ഗേവ ഏസ്സ്‌ന ദൊഡ്ഡവാന് മാഡി ഉജാത്ത്‌നാന്. അയി ഏസ്സ്‌ന നിമ്മ എഗുദാര് അദിഗാരിഗാള്‌ക്ക് പ്‌ഡിത്ത് കൊഡുത്തുറു. പീലത്തോസു അയാള്‌ന ബെ്റ്‌ദെ ബ്‌ഡ്‌ഡൊ എന്റ് മുഡിവു എ്ഡ്‌ത്ത് ഗുഡി നിമ്മ അയാള്‌ന എമാക്ക് ബേ്ഡ എന്റ് പീലത്തോസുക്കു സൊന്നുറു.

അപ്പോസുത്തലാര് 4:28

നീ മുദാല് താനെ മുഡിവെ്ഡ്‌ത്ത് ബെത്തിന്ത കാര്യഗാള്‌ന നഡാത്ത്യാത്തെ അവാര് ഇത്തെ കൂഡുനാദ്. നിന്ന് സക്‌തിനാലേമ്, ആസെനാലേമ്‌ത്തെ ഇദ്‌ഗാളെല്ല നഡാന്താദ്.

റോമഗാറാര് 11:36

എല്ലാദ്‌മ് സാമിലിന്ത് ഉണ്ടാറ്റ്. അയാള്‌മേലെ അയാള്‌ക്ക് ബേ്ണ്ടിത്തെ ഉണ്ടാനാദ്. അയാള്‌ക്ക് പേര്‌പെരിമെ എന്നാല്‌ക്ക്‌മ് ഇര്‌ക്കുഡൊ, ആമേന്.

റോമഗാറാര് 13:1

എല്ലാ ആള്‌ഗാള്‌മ് അദിഗരഗാള്‌ക്ക് കെ്ട്ട്‌പട്ട് ഇര്‌ക്കുഡൊ. എന്ത്‌ക്കെന്റ് സൊന്ന, സാമി ബെക്കാത്ത ഒന്റു അദിഗരാമില്ലെ. ഇന്നാല് കണ്ട് ബരുവ അദിഗരഗാളെല്ല സാമി ബെത്ത അദിഗരഗാള്‌ത്തെ.

ആക്കോവു 1:17

നമാക്ക് ബേ്ഡ്‌മാന എല്ലാ നല്ല ബരഗാള്‌നാമ് തരുവാദ് മേലോഗാത്ത്‌ല് അപ്പാനായിര്‌ക്കുവ സാമിത്തെ. അയി സാമിലിന്ത് നല്ലാദ് കെ്ട്ടാദ് മാറി മാറി ബരാഗേ മാട്ട. അയി സാമില് ഒന്റു കൊറേവെ കാണമാട്ടാമ്.

ആക്കോവു 4:17

അദ്‌നാലെ ഒരുത്താന്‌ക്ക് സാമി ആസെപഡുവ നല്ല കാര്യഗാള്‌ന തെരിന്തിന്ത്‌മ് അയി കാര്യഗാള്‌ന ഗേഗാദിന്തദാന അദ് സാമി കണ്ണ്ക്ക് കുറ്റാത്തെ.