ഓഗന്നാന് 18:38 - സാമി സേദി

³⁸ പീലത്തോസു അയാള്‌ന: <<സത്ത്യ എന്റ് സൊന്ന എന്ത്?>> എന്റ് കേ്ട്ടാന്. പ്‌റ അയാള് പിന്നേമ് ബെ്ളിഗെ എഗുദാര് തലെവാര് പട്ട്‌ക്ക് പോയി: <<നാന് അയാള്‌ല് ഒന്റു കുറ്റാമ് കാണുവാദില്ലെ.

ഓഗന്നാന് 18:38 ပူးပေါင်းရင်းမြစ်များ

മത്തായി 27:24

ആള്‌ഗാള് ആലാത്ത് ക്‌ളാമ്പുവാദ് അദിഗ ആവാദല്ലാദെ തനാക്ക് ഒന്റുമു ഗേയ മുഡിവാദില്ലെ എന്റ് പീലത്തോസു നോഡി, നീര് എ്ഡ്‌ത്ത് ആള്‌ഗാള് മുന്നുക്കു ബെത്ത് കയി കച്ചിന്ത്: <<ഇയാള്‌ന കൊല്ലുവാദ്‌ല് നാന് കുറ്റഗാറാനല്ല. നിമ്മ താനെ നോഡി കൊള്ളുനു>> എന്റ് സൊന്നാന്.

മര്‌ക്കോസു 15:14

<<എന്ത്‌ക്ക്? അയാള് എന്ത് കുറ്റന ഗേന്താന്>> എന്റ് പീലത്തോസു അവാര്‌ന കേ്ട്ടാന്. <<അയാള്‌ന കുരുസുക്കു സേത്തി ആണി അഡിത്ത് കൊല്ലുഡൊ!>> എന്റ് അവാര് സേത്തി സേത്തി ദൊഡ്ഡാദ്‌ക്ക് ആലാത്ത് സൊന്നാര്.

ലൂക്കോസു 23:4

അദുക്കുള പീലത്തോസു എഗുദാര് പൂസാരി തലെവാര്‌ഗാള്‌ക്ക്‌മ് ആള്‌ഗാള്‌ക്ക്‌മ്: <<ഈ മന്‌സാന്‌ന ദെ്ണ്ടിക്കുവാദ്‌ക്കുള്ള ഒന്റു കാര്യാമ് നാന് കാണാലെ>> എന്റ് സൊന്നാന്.

ഓഗന്നാന് 18:33

പീലത്തോസു പിന്നേമ് കോട്ടെ കുളാക്ക് പോയി ഏസ്സ്‌ന ബ്‌ളിത്ത് ബരിസ്സി: <<നീ എഗുദാര് രാജാവ?>> എന്റ് കേ്ട്ടാന്.

ഓഗന്നാന് 19:4

പീലത്തോസു പിന്നേമ് ബെ്ളിഗെ ബന്ത്: <<നാന് അയാള്‌ല് ഒന്റു കുറ്റാമ് കാണുവാദില്ലെ എന്റ് നിമാക്ക് തെര്യ ബേ്ണ്ടി അയാള്‌ന ഇദാ, ബെ്ളിഗെ നിമ്മ് പട്ട്‌ക്ക് എ്ഡ്‌ത്ത് ബന്റെ>> എന്റ് അവാര്‌ക്ക് സൊന്നാന്.

ഓഗന്നാന് 19:6

എഗുദാര് പൂസാരി തലെവാര്‌ഗാള്‌മ് സാമിബീ്ഡ് കാവഗാറാര്‌മ് അയാള്‌ന കണ്ടാദ്‌മ്: <<കുരുസുക്കു സേത്തി ആണി അഡിത്ത് കൊല്ലുഡൊ, കുരുസുക്കു സേത്തി ആണി അഡിത്ത് കൊല്ലുഡൊ>> എന്റ് സൊല്ലി ആലാത്താര്. അദുക്കുള പീലത്തോസു അവാര്‌ക്ക്: <<നിമ്മ അയാള്‌ന എ്ഡ്‌ത്ത് പോയി കുരുസുക്കു സേത്തി ആണി അഡിത്ത് കൊല്ലുനു. നാന് അയാള്‌ല് ഒന്റു കുറ്റാമ് കാണുവാദില്ലെ>> എന്റ് സൊന്നാന്.

അപ്പോസുത്തലാര് 17:32

സത്തവാര് ഉജുര്‌ളാഗുവാദ്‌ന പറ്റി അയാള് സൊന്നാദ്‌ന അവാര് കേ്ള്‌ക്കാട്ടി ലേസ ആള്‌ഗാള് പവുലോസുന നാണഗെ്ഡ്‌സ്‌നാര്. ആന ബേ്റെ ലേസ ആള്‌ഗാള്: <<ഈ കാര്യന പറ്റി ഇന്നിമ് നിന്ന് നായന കേ്ള്‌ക്ക്‌ന്റേമ്>> എന്റ് അയാള്‌ക്ക് സൊന്നാര്.

1 പത്ത്‌റോസു 1:19

ആന അദ്‌ക്ക് ബദ്‌ല മൊണ്ടിമുഡാവൊ, കുറ്റകൊറേവൊ ഇല്ലാത്ത കൊറ്യാഡ് കുട്ടിന പാസെ ഇര്‌ക്കുവ ക്‌റ്‌സ്‌ത്ത്‌ത്ത് ബെലെപെറ്റ സോരെനാലെത്തെ തിരിക്കി എ്ഡ്‌ത്താദെന്റ് നിമാക്ക് തെരിമല്ല.