ഓഗന്നാന് 18:32 - സാമി സേദി

³² അവാര് ഇത്തെ സൊല്ലുഗാട്ടി താന് എത്തെ സാവാന് എന്നുവാദ്‌ന പറ്റി ഏസ്സ് സൊന്ന കാര്യ അദേപാസെ നഡാന്ത്‌ദ്.

ഓഗന്നാന് 18:32 ပူးပေါင်းရင်းမြစ်များ

മത്തായി 20:19

എഗുദാരല്ലാത്ത ജാദിഗാള് കയിക്ക് ബ്‌ട്ട് കൊഡുക്കുവാര്. അവാര് അയാള്‌ന നാണാമ്‌ ഗെ്ഡ്‌സുവാര്, സാട്ടെവാര്‌ല്‌മ് അഡിക്കുവാര്, കുരുസുക്കു സേത്തി ആണിമ് അഡിക്കുവാര്. ആന അയാള് മൂറാവാദ് നാള് അയാള് ഉജുര്‌ളാഗുവാന്.>>

മത്തായി 26:2

<<റാഡ് നാള് കളിന്ത പെസഗെ നോമ്പി എന്റ് നിമാക്ക് തെരിമല്ല? അദുക്കുള മന്‌സാനായി പ്‌റാന്തവാന്‌ന കുരുസുക്കു സേത്തി ആണി അഡിത്ത് കൊല്ല്യ ബ്‌ട്ട് കൊഡുക്കുവാര്>> എന്റ് സൊന്നാന്.

മര്‌ക്കോസു 10:33

<<ഇദാ, നമ്മ എര്‌സലേമ്‌ക്ക് പോന്റാമ്. അദ്‌ല് മന്‌സാനായി പ്‌റാന്തവാന് എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് കയിക്ക് സിക്കുവാന്. അവാര് അയാള്‌ന കൊല്ല്യ ബിദിത്ത് എഗുദാരല്ലാത്ത ജാദിഗാള് കയിക്ക് ബ്‌ട്ട് കൊഡുക്കുവാര്.

ഓഗന്നാന് 10:31

അദുക്കുള എഗുദാര് അയാള്‌ക്ക് എ്റ്യ പിന്നേമ് കല്ലെ്ഡ്‌ത്താര്.

ഓഗന്നാന് 10:33

അദ്‌ക്ക് എഗുദാര്: <<നീ ഗേന്ത ഏദൊന്റു നല്ല കാര്യഗാള്‌നാലെ അല്ല, നീ സാമിന കുറ്റ സൊല്ലുവാദ്‌നാലെത്തെ എമ്മ നിനാക്ക് കല്ലെ്റിവാദ്. എന്ത്‌ക്കെന്റ് സൊന്ന നീ ബെ്റ്‌മൊന്റു മന്‌സാനായിന്ത് ഗുഡി നീ നിനാന താനെ സാമി എന്റ് സൊന്റായി>> എന്റ് സൊന്നാര്.

ഓഗന്നാന് 13:18

<<നിമാന എല്ലാവാര്‌ന പറ്റിമ് നാന് സൊല്ലുവാദില്ലെ, നാന് തെരിന്തെ്ഡ്‌ത്തവാര്‌ന എനാക്ക് തെരിമ്. ആന <എന്ന് അഡേന എന്നോഡൊപ്പ തിന്റവാന് എനാന താനെ ഒദേക്ക്യ കാല് ഓങ്കിര്‌ന്റാന്> എന്റ് സാമി ബൊക്കുലു സൊല്ലിര്‌ക്കുവാദ് അദേപാസെ നഡാക്കുഡൊ.

ഓഗന്നാന് 18:31

അദുക്കുള പീലത്തോസു: <<നിമ്മ താനെ ഇയാള്‌ന എ്ഡ്‌ത്ത് പോയി നിമ്മ് സട്ടപഡി ഇയാള്‌ക്ക് ദെ്ണ്ടണെ ബിദിന്>> എന്റ് അവാര്‌ക്ക് സൊന്നാന്. അദുക്കുള എഗുദാര്: <<ഒരുത്താന്‌ന കൊല്ലുവാദ്‌ക്കുള്ള അദിഗര എമാക്കില്ലെ>> എന്റ് സൊന്നാര്.

ഓഗന്നാന് 21:19

അദ്‌നാലെ അയാള് ഇന്ന ദിന്‌സ്‌ല് സത്ത് സാമിക്ക് മദ്‌പ്പ് കൊഡുക്കുവാന് എന്റ് അറുവു കൊഡുക്ക്യ ബേ്ണ്ടിത്തെ ഏസ്സ് ഇത്തെ സൊന്നാദ്. ഇത്തെ സൊന്ന പ്‌റ ഏസ്സ്: <<എന്ന് പിന്ന്‌ക്ക് ബാ>> എന്റ് അയാള്‌ക്ക് സൊന്നാന്.

ഓഗന്നാന് 3:14

ബെ്ട്ടെകാഡ്‌ല് മോസെ പിത്തളേല് മാഡ്‌ന പാമ്പ് ഉരുപ്പാന ഉജാത്ത്‌ന പാസെ മന്‌സാനായി പ്‌റാന്തവാന്‌നാമ് ഉജാത്തുഡൊ.

ഓഗന്നാന് 8:28

അദ്‌നാലെ ഏസ്സ് പിന്നേമ്: <<നിമ്മ മന്‌സാനായി പ്‌റാന്തവാന്‌ന ഉജാത്ത്‌ന പ്‌റ നാന് ആരെന്റ് സൊന്നേനൊ അദേ ആള്‌ത്തെ നാന് എന്റ് നിമാക്ക് തെരിമ്. നാന് എന്ന് അദിഗരാത്ത്‌ല് ഒന്റുമു ഗേഗാദെ എന്നപ്പാന് സാമി എനാക്ക് പഡ്‌സ്‌നാദ്‌നാത്തെ നാന് സൊന്റേനെന്റ്‌മ് നിമാക്ക് തെരിമ്.

അപ്പോസുത്തലാര് 7:59

അവാര് കല്ലെ്റിന്ത്‌കൊണ്ടു ഇര്‌ക്കാട്ടി <<ആണ്ടവാന് ഏസ്സേ, എന്ന് ഉജുരുന നീ എ്ഡ്‌ക്കുഡോമെ!>> എന്റ് തെപാനോസു പരേസ്‌നാന്.

ഗലാത്ത്യഗാറാര് 3:13

ഈ സട്ടപഡി നമാക്ക് തട്ട്‌ന സാപ്പന ക്‌റ്‌സ്‌ത്ത് തീത്ത് നമാന തിരിക്കി എ്ഡ്‌ത്താന്. അദ്‌ക്ക് ബേ്ണ്ടി നമാക്ക് ബദ്‌ല ക്‌റ്‌സ്‌ത്ത് സാപ്പ പ്‌ഡിത്തവാനായി കുരുസുലു നേന്റാന്. എന്ത്‌ക്കെന്റ് സൊന്ന <<മരാത്ത്‌ല് നേല്‌ന്റവാനെല്ല സാപ്പ പ്‌ഡിത്തവാന്>> എന്റ് സാമി സൊല്ലുസുലക്കാത്ത്‌ല് എ്ള്‌ദിര്‌ക്ക്‌ന്റല്ല.