ഓഗന്നാന് 18:30 - സാമി സേദി

³⁰ അദുക്കുള അവാര്: <<ഇയാള് കുറ്റ ഗേഗാദിന്തദാന എമ്മ ഇയാള്‌ന നിന്ന് പട്ട്‌ക്ക് എ്ഡ്‌ത്ത് ബന്ത്‌റ്‌ക്കമാട്ടേമ്>> എന്റ് സൊന്നാര്.

ഓഗന്നാന് 18:30 ပူးပေါင်းရင်းမြစ်များ

മര്‌ക്കോസു 10:33

<<ഇദാ, നമ്മ എര്‌സലേമ്‌ക്ക് പോന്റാമ്. അദ്‌ല് മന്‌സാനായി പ്‌റാന്തവാന് എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് കയിക്ക് സിക്കുവാന്. അവാര് അയാള്‌ന കൊല്ല്യ ബിദിത്ത് എഗുദാരല്ലാത്ത ജാദിഗാള് കയിക്ക് ബ്‌ട്ട് കൊഡുക്കുവാര്.

മര്‌ക്കോസു 15:3

എഗുദാര് പൂസാരി തലെവാര്‌ഗാള് ഏസ്സ്‌ന പറ്റി പല കുറ്റഗാള്‌മ് സൊന്നാര്.

ഓഗന്നാന് 18:29

അദ്‌നാലെ പീലത്തോസു ബെ്ളിഗെ അവാര് പട്ട്‌ക്ക് ബന്ത്: <<ഈ മന്‌സാന്‌ന പറ്റി നിമ്മ എന്ത് കുറ്റ സൊന്റുറു>> എന്റ് അവാര്‌ന കേ്ട്ടാന്.

ഓഗന്നാന് 18:31

അദുക്കുള പീലത്തോസു: <<നിമ്മ താനെ ഇയാള്‌ന എ്ഡ്‌ത്ത് പോയി നിമ്മ് സട്ടപഡി ഇയാള്‌ക്ക് ദെ്ണ്ടണെ ബിദിന്>> എന്റ് അവാര്‌ക്ക് സൊന്നാന്. അദുക്കുള എഗുദാര്: <<ഒരുത്താന്‌ന കൊല്ലുവാദ്‌ക്കുള്ള അദിഗര എമാക്കില്ലെ>> എന്റ് സൊന്നാര്.

ഓഗന്നാന് 19:12

അയാള് ഇത്തെ സൊന്നാദ്‌ന കേ്ള്‌ക്കാട്ടി പീലത്തോസു അയാള്‌ന ബ്‌ഡ്യ പട്ടാന്. അദുക്കുള എഗുദാര്: <<നീ അയാള്‌ന ബ്‌ട്ടദാന നീ റോമ നാഡ് രാജാവുക്കു എ്ണേവുഗാറാനല്ല, തനാന താനെ രാജാവു മാഡ്‌ന്റവാനെല്ല റോമ നാഡ് രാജാവോഡ പോട്ടിക്ക് നില്ല്‌ന്റാനല്ല>> എന്റ് ആലാത്താര്.

അപ്പോസുത്തലാര് 3:13

പണ്ട് കാലാത്ത്‌ല നമ്മ് അവുറഗാമ്‌ത്ത്‌മ് ഇസഗാക്ക്‌ത്ത്‌മ് ആക്കോവുത്ത്‌മ് സാമിത്തെ നമ്മ് പാട്ടനാമ് സാമി. അയി സാമി താന് സൊല്ലുവാദ്‌നെല്ല അദേപാസെ ഗേവ ഏസ്സ്‌ന ദൊഡ്ഡവാന് മാഡി ഉജാത്ത്‌നാന്. അയി ഏസ്സ്‌ന നിമ്മ എഗുദാര് അദിഗാരിഗാള്‌ക്ക് പ്‌ഡിത്ത് കൊഡുത്തുറു. പീലത്തോസു അയാള്‌ന ബെ്റ്‌ദെ ബ്‌ഡ്‌ഡൊ എന്റ് മുഡിവു എ്ഡ്‌ത്ത് ഗുഡി നിമ്മ അയാള്‌ന എമാക്ക് ബേ്ഡ എന്റ് പീലത്തോസുക്കു സൊന്നുറു.

2 തിമിത്തോസു 2:9

അയി നല്ല സേദിന സൊല്ലുവാദ്‌നാലെത്തെ നാന് കജട്ട പഡുവാദ്‌മ് ഇന്നാല് ഒന്റു കുറ്റ ഗേന്തവാന്‌ന പാസെ എനാന സങ്കിലിക്കി കെ്ട്ടി ബെത്ത്‌റ്‌ക്കുവാദ്‌മ്. ആന നാന് ജെയില്‌ല് ഇന്താല്‌മ് ബേ്റെ ആള്‌ഗാള് സാമിത്ത് ഈ നല്ല സേദിന പറ്റി സൊല്ലി കൊഡുക്കുവാര്.

1 പത്ത്‌റോസു 4:15

നിമ്മ കൊലെഗാറാനായൊ, ത്‌റ്‌ട്ടാനായൊ, കെ്ട്ട കാര്യ ഗേന്റവാനായൊ, മല്ലുണ്ടാക്ക്‌ന്റവാനായൊ കജട്ട പഡുവ ഗെദി നിമാക്ക് ബര്യ പാങ്കില്ലെ.