ഓഗന്നാന് 18:15 - സാമി സേദി

¹⁵ സീമോനു പത്ത്‌റോസുമു ഏസ്സ് സൊല്ലുപഡി നഡാക്കുവ ബേ്റൊന്റൊരുത്താന്‌മ് ഏസ്സ് പിന്ന്‌മേലെ പോനാര്. സൊല്ലുപഡി നഡാക്കുവ അയി ബേ്റൊന്റൊരുത്താന് എഗുദാര് ദൊഡ്ഡ പൂസാരിക്ക് നല്ല പളാക്കുള്ളവാന് ആയിന്താന്. അദ്‌നാലെ അയാള് ഏസ്സോഡൊപ്പ എഗുദാര് ദൊഡ്ഡ പൂസാരി ബീ്ഡ് നഡ്‌കളാക്ക് കഡാന്താന്.

ഓഗന്നാന് 18:15 ပူးပေါင်းရင်းမြစ်များ

മത്തായി 26:3

അയി നാള് എഗുദാര് പൂസാരി തലെവാര്‌ഗാള്‌മ്, മൂപ്പനാമ്‌ഗാള്‌മ്, എഗുദാര് ദൊഡ്ഡ പൂസാരി കയ്യപ്പാവു ബീ്ഡ്‌ല് കൂട്ട കൂഡുനാര്.

മര്‌ക്കോസു 14:54

പത്ത്‌റോസു ലേസ ദൂര പിന്ന്‌ക്കിന്ത് കൊണ്ടു ഏസ്സ് പിന്ന്‌മേലെ എഗുദാര് ദൊഡ്ഡ പൂസാരി ബീ്ഡ് കള മാട്ട്‌ക്ക് പോനാന്. അയാള് അദ്‌ല് കാവഗാറാരോഡ തീ കായിന്ത് കൊണ്ടു കുക്കാന്തിന്താന്.

ലൂക്കോസു 22:54

അവാര് ഏസ്സ്‌ന പ്‌ഡിത്ത് എഗുദാര് ദൊഡ്ഡ പൂസാരി ബീ്ഡ്‌ക്ക് എ്ഡ്‌ത്ത് പോനാര്. പത്ത്‌റോസു ലേസ ദൂര പിന്ന്‌ക്കിന്ത് കൊണ്ടു അവാര് പിന്ന്‌മേലെ പോനാന്.

ഓഗന്നാന് 18:24

അദുക്കുള അന്നാസ് അയാള്‌ന കെ്ട്ട്‌ന കെ്ട്ടോഡ താനെ എഗുദാര് ദൊഡ്ഡ പൂസാരി കയ്യപ്പാവു പട്ട്‌ക്ക് സൊല്ലി ബ്‌ട്ടാന്.

ഓഗന്നാന് 18:28

റാവെ താനെ എഗുദാര് തലെവാര്‌ഗാള് ഏസ്സ്‌ന കയ്യപ്പാവു പട്ട്‌ലിന്ത് നാഡ് തലെവാന് കോട്ടേക്ക് എ്ഡ്‌ത്ത് പോനാര്. ആന അവാര് തമ്മ് സട്ട്‌മെ്ട്ട്‌പഡി അയിത്ത്യ പഡാദിര്‌ക്ക്യ ബേ്ണ്ടി കോട്ടെ കുളാക്ക് പോഗാലെ. എന്ത്‌ക്കെന്റ് സൊന്ന അയിത്തപഡാത്തവാര് ആയിന്താത്തെ പെസഗെ സാപ്പാഡ് തിന്ന്യ മുഡിമ്.