ഓഗന്നാന് 18:12 - സാമി സേദി

¹² പ്‌റ പട്ടളഗാറാര്‌മ് പട്ടള തലെവാന്‌മ് സാമിബീ്ഡ് കാവഗാറാര്‌മ് ഏസ്സ്‌ന പ്‌ഡിത്ത് കെ്ട്ടി,

ഓഗന്നാന് 18:12 ပူးပေါင်းရင်းမြစ်များ

മത്തായി 26:57

ഏസ്സ്‌ന പ്‌ഡിത്തവാര് അയാള്‌ന എഗുദാര് ദൊഡ്ഡ പൂസാരി കയ്യപ്പാവു ബീ്ഡ്‌ക്ക് എ്ഡ്‌ത്ത് പോനാര്. അദ്‌ല് ബേദബാത്ത്യനാമ്‌ഗാള്‌മ് മൂപ്പനാമ്‌ഗാള്‌മ് ഒന്റായി കൂഡിന്താര്.

മത്തായി 27:2

പ്‌റ അയാള്‌ന പ്‌ഡിത്ത് കെ്ട്ടി എ്ഡ്‌ത്ത് പോയി റോമ നാഡ് അദിഗാരി പീലത്തോസു കയിക്ക് കൊഡുത്താര്.

മത്തായി 27:27

അദ്‌ക്ക് പ്‌റ നാഡദിഗാരി പട്ടളഗാറാര് ഏസ്സ്‌ന നാഡദിഗാരി കോട്ടെ കുളാക്ക് എ്ഡ്‌ത്ത് പോനാര്. അവാര് അദ്‌ലിന്ത പട്ടളഗാറാര്‌ന ഒട്ടുക്കു അയാള്‌ക്ക് സുറ്റീല് ഗുമ്പു ഗൂഡുസുനാര്.

മര്‌ക്കോസു 14:53

അവാര് ഏസ്സ്‌ന എഗുദാര് ദൊഡ്ഡ പൂസാരി ബീ്ഡ്‌ക്ക് എ്ഡ്‌ത്ത് പോനാര്. അദ്‌ല് എഗുദ പൂസാരി തലെവാര്‌ഗാള്‌മ് മൂപ്പനാമ്‌ഗാള്‌മ് ബേദബാത്ത്യനാമ്‌ഗാള്‌മ് ഒട്ടുക്കു ഇന്താര്.

മര്‌ക്കോസു 15:1

ബെ്ഡ്യാകാല ജാമാത്ത്‌ല് എഗുദാര് പൂസാരി തലെവാര്‌ഗാള് ദ്‌ഡീരന പോയി എഗുദാര് മൂപ്പനാമ്‌ഗാള്‌നാമ് ബേദബാത്ത്യനാമ്‌ഗാള്‌നാമ് എഗുദ കോഡിദിഗാറാര്‌നാമ് ഒട്ടുക്കു കണ്ട് ഏസ്സ്‌ന എന്ത് ഗേഡൊ എന്റ് സട്ട കെ്ട്ട്‌നാര്. അവാര് സട്ട കെ്ട്ട്‌ന പ്‌റ അയാള്‌ന പ്‌ഡിത്ത് കെ്ട്ടി റോമ നാഡ് അദിഗാരി പീലത്തോസു കയിക്ക് കൊഡുത്താര്.

ലൂക്കോസു 22:54

അവാര് ഏസ്സ്‌ന പ്‌ഡിത്ത് എഗുദാര് ദൊഡ്ഡ പൂസാരി ബീ്ഡ്‌ക്ക് എ്ഡ്‌ത്ത് പോനാര്. പത്ത്‌റോസു ലേസ ദൂര പിന്ന്‌ക്കിന്ത് കൊണ്ടു അവാര് പിന്ന്‌മേലെ പോനാന്.

ഓഗന്നാന് 18:3

അത്തെ ജൂദാന് പട്ടളഗാറാര്‌നാമ് എഗുദാര് പൂസാരി തലെവാര്‌ഗാള്‌മ് പരിസാര്‌ഗാള്‌മ് സൊല്ലി ബ്‌ട്ട ലേസ സാമിബീ്ഡ് കാവഗാറാര്‌നാമ് കൂട്ടി ബന്താന്. അവാര് പന്ത തീഗാള്‌മ് ബ്‌ളാക്ക്‌ഗാള്‌മ് പ്‌ഡിത്ത്‌കൊണ്ടു ബാള്‌ബഡിഗാളോഡാത്തെ അദ്‌ക്ക് ബന്താദ്.

അപ്പോസുത്തലാര് 10:1

കയിസര്യാല് കൊറ്‌ന്നല്ലോസു എന്നുവ ഒന്റു പട്ടള തലെവാന് ഇന്തിന്താന്. അയാള് റോമ പട്ടളാത്ത്‌ല് <<ഇത്താലിഗ>> എന്റ് സൊല്ലുവ ഒന്റു പട്ടള കൂട്ടാത്ത്‌ല തലെവാര്‌ഗാള്‌ല് ഒരുത്താന് ആയിന്താന്.

അപ്പോസുത്തലാര് 21:31

പ്‌റ അവാര് അയാള്‌ന കൊല്ല്യ ഓരാഡ്‌നാര്. അദുക്കുള എര്‌സലേമ്‌ല് ഒട്ടുക്കു കലമ്പാല് ആയിര്‌ക്ക്‌ന്റ് എന്റ് അദ്‌ക്ക് കാവാക്ക് നിന്റിന്ത ആയിര പട്ടളഗാറാര്‌ക്ക് തലെവാന് ആയിന്ത പട്ടളഗാറാന്‌ക്ക് സേദി കെ്ഡേത്ത്‌ദ്.

അപ്പോസുത്തലാര് 21:37

പട്ടളഗാറാര് അയാള്‌ന എ്ഡ്‌ത്ത് പോയി തമ്മ ഇര്‌ക്കുവ കോട്ടെ കുളാക്ക് നൊഗേയ പഡ്‌ഗാട്ടി പവുലോസു ആയിര പട്ടളഗാറാര്‌ക്ക് തലെവാന് ആയിര്‌ക്ക്‌ന്റവാന്‌ന: <<എനാക്ക് ലേസ കാര്യഗാള് നിനാക്ക് സൊല്ല്യ ഇര്‌ക്ക്‌ന്റ്, അദ്‌ന സൊല്ല്യ ബ്‌ഡ്‌ഡൊ>> എന്റ് കേ്ട്ടാന്. അദുക്കുള അയി പട്ടള തലെവാന്: <<നിനാക്ക് എവനനായ തെരിമ് ലാ?>> എന്റ് പവുലോസുന കേ്ട്ടാന്.

അപ്പോസുത്തലാര് 23:10

ഈ തറ്‌ക്ക സേത്തി ദൊഡ്ഡാദ്‌ക്ക് ആറ്റ്. അദുക്കുള അവാര് പവുലോസുന തുണ്ടു തുണ്ട കൊച്ചി തള്ളുവാര് എന്റ് ആയിര പട്ടളഗാറാര് തലെവാന് അഞ്ച്‌നാന്. അദ്‌നാലെ അയാള്‌ന അവാര് പട്ട്‌ലിന്ത് പട്ടളഗാറാര് തങ്കുവ കോട്ടേക്ക് കൂട്ടി പോയ അയി പട്ടള തലെവാന് തന്ന് പട്ടളഗാറാന്‌ക്ക് സൊന്നാന്.