ഓഗന്നാന് 17:3 - സാമി സേദി3 സത്ത്യമാന ഒന്റേ ഒന്റു സാമ്യായിര്‌ക്കുവ നിനാനാമ്, നീ സൊല്ലി ബ്‌ട്ട്‌റ്‌ക്കുവ ഏസ്സ് ക്‌റ്‌സ്‌ത്ത്‌നാമ് തെരിവാദ്‌ത്തെ എന്നാല്‌ക്ക്‌മ് ഇര്‌ക്കുവ പെ്ളേപ്പ്. အခန်းကိုကြည့်ပါ။ |
ഓഗന്നാന് 17:3
52 ပူးပေါင်းရင်းမြစ်များ
ക്‌റ്‌സ്‌ത്ത്‌ന സത്തവാര് പട്ട്‌ലിന്ത് ഉജുര്‌ളാക്ക്‌ന ബില എനാക്ക് ദാസ്‌ത്തി കെ്ഡേസിമ് ക്‌റ്‌സ്‌ത്ത് പട്ട കൊഡിമേന പാസെ നാന് കൊഡിമെ പട്ട്‌മ് സാഗാട്ടി ക്‌റ്‌സ്‌ത്ത്‌ന പാസെ സത്ത്‌മ് ക്‌റ്‌സ്‌ത്ത്‌ന പറ്റി സൊക്കാന തെര്യ ബേ്ണ്ടി നാന് മ്‌ഗ്‌ന്ത ആസെപഡ്‌ന്റെ. അത്തെ എനാക്ക് കണ്ടിപ്പായി സത്തവാര് കൂട്ടാത്ത്‌ലിന്ത് ഉജുര്‌ളാഗുഡൊ.
അദ് താനേമല്ല എന്ന് ആണ്ടവാന് ക്‌റ്‌സ്‌ത്ത് ഏസ്സ്‌ന പറ്റി തെരിവാദ്‌ത്തെ എല്ലാദ്‌ക്ക്‌മ് ബ്‌ഡ മ്‌ഗ്‌ന്ത കാര്യ എന്റ് എനാക്ക് തെരിന്താദ്‌നാലെ നാന് മുദാല് ദൊഡ്ഡാദെന്റ് പെരിമെപട്ടിന്ത എല്ലാ കാര്യഗാള്‌നാമ് ഒന്റേപെ്ട്ട് ബെലെ ഇല്ലത്താദെന്റ് നാന് ഇന്നാല്‌മ് കണാക്കാക്ക്‌ന്റെ. ക്‌റ്‌സ്‌ത്ത്‌ന തെര്യ ബേ്ണ്ടി ഈ കാര്യഗാള്‌നെല്ല സണ്ട്‌സളാങ്കെന്റ് നാന് ബീസ്യെ്റിന്തെ.
എമ്മ നിമ്മ് പട്ട്‌ക്ക് ബര്‌ഗാട്ടി നിമ്മ എത്തെ എമാന തങ്കാരിത്ത്‌റ് എന്റ്‌മ് സെലെഗാള്‌ന കുമ്മുഡുവാദ്‌ന തള്ളി സത്ത്യമുള്ളവാന്‌മ് ഉജുരുള്ളവാന്‌മ് ആയിര്‌ക്കുവ സാമിന കുമ്മുഡുന്റുറു എന്റ്‌മ് അവാര് താനെ സൊന്റാരല്ല. സാമി സത്തവാര്‌ലിന്ത് ഉജുര്‌ളാക്ക്‌ന തന്ന് മഗാന്‌മ് സാമിക്ക് മന്‌സാനോഡ ഇര്‌ക്കുവ മൊനേന ഇല്ലാദെ മാഡ്‌ന്റവാന്‌മാന ഏസ്സ് നമാന കാപാറ്റ്യ ബേ്ണ്ടി മേലോഗാത്ത്‌ലിന്ത് ബരുവാദ്‌ന നിമ്മ കാത്ത്‌റ്‌ക്ക്‌ന്റ്‌റ് എന്റ്‌മ് അവാര് താനെ സൊന്റാരല്ല.
ഉലഗ ഉണ്ടാഗാത്ത മുദാല് താനെ ഇര്‌ക്കുവ ഈ സൊല്ലുസുലാക്ക മന്‌സാനായി പ്‌റാന്താദ്‌നാലെ എമാക്ക് കണ്ണാറ കാണ്യ മുഡിന്ത്‌ദ്. ഈ സൊല്ലുസുലാക്ക ആയിര്‌ക്ക്‌ന്റവാന്‌ന പറ്റി എമ്മ നിമാക്ക് സൊന്റേമ്. ഈ സൊല്ലുസുലാക്ക ആയിര്‌ക്ക്‌ന്റവാന് മുദാല് താനെഗേ അപ്പാന് സാമ്യോഡ ഇന്തവാന്‌മ് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന തന്റവാന്‌മ്‌ത്തെ എന്റ് എമ്മ നിമാക്ക് സൊന്റേമ്.
സാമിമഗാന് ബൂമിക്ക് ബന്താനെന്റ്‌മ് സത്ത്യ സാമിന തെരിവാദ്‌ക്കുള്ള ബുദ്ദി നമാക്ക് തന്ത്‌റ്‌ന്റാന് എന്റ്‌മ് നമാക്ക് തെരിമ്. സത്ത്യ സാമ്യോഡാമ് അയാള് മഗാന് ഏസ്സ് ക്‌റ്‌സ്‌ത്തോഡാമ് നമ്മ ഇന്നാല് എ്ണേവു ബെത്ത്‌റ്‌ന്റാമ്. ഈ സാമിത്തെ സത്ത്യമാന സാമി. ഈ സാമിത്തെ നമാക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന തന്താദ്.
ကြော်ငြာတွေ