ഓഗന്നാന് 17:26 - സാമി സേദി26 നീ ആരെന്റ് നാന് അവാര്‌ക്ക് കാട്ടി കൊഡുത്ത്‌റ്‌ക്ക്‌ന്റെ. ഇന്നിമ് കാട്ടി കൊഡുക്കുവെ. അത്തെ നിനാക്ക് എന്നോഡ ഇര്‌ക്കുവ സീവാന് ഇവാര് കുള്ളുക്കുമു ഇര്‌ക്ക്‌മ്, നാന്‌മ് ഇവാര് കുള്ളുക്കു ഇര്‌ക്കുവെ.>> အခန်းကိုကြည့်ပါ။ |
ഓഗന്നാന് 17:26
28 ပူးပေါင်းရင်းမြစ်များ
സാമി നിമാന ക്‌റ്‌സ്‌ത്ത് ഏസ്സോഡ ഒന്റാക്കി ബെത്ത്‌റ്‌ന്റാന്. ക്‌റ്‌സ്‌ത്ത്‌ത്തെ നമാക്ക് അറുവുവു ബുദ്ദിമ് ആയി തീന്താദ്. ക്‌റ്‌സ്‌ത്ത്‌ത്തെ നമാനാമ് സാമിനാമ് രാജി കൂഡുസുനാദ്. ക്‌റ്‌സ്‌ത്ത്‌ത്തെ നമാന സുത്താപ്പുള്ളവാര്‌മ് കുറ്റകൊറെ ഇല്ലത്തവാര്‌മ് മാഡ്‌നാദ്. ക്‌റ്‌സ്‌ത്ത്‌ത്തെ നമാന നമ്മ് പാവാത്ത്‌ലിന്ത് ബ്‌ഡ്‌സ്‌നാദ്.
ക്‌റ്‌സ്‌ത്ത്‌ന ബെത്ത് സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ക്ക്‌ന്റവാരോഡ നിമ്മ എ്ണേന്ത് പെ്ളേക്കുവാദ്‌നാലെ അയി സാമി സീവാന് എത്ത്‌റ ഉജാന്താദ്, എത്ത്‌റ മ്‌ഗ്‌ന്താദ്, എത്ത്‌റ ദൊഡ്ഡാദ് എന്നുവാദ്‌ന നിമ്മ നലമായി തെരിന്ത്‌റ്‌ക്ക്‌ന്റവാര് ആഡോമെ. അദ്‌ന നിമ്മ് പെ്ളേപ്പ്‌ല് എത്ത്‌റ ദൊഡ്ഡാദെന്റ് നിമ്മ നെനേത്ത് നിമ്മ ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കെനാലെ അയാള് നിമ്മ് നെഞ്ച്‌ന തനാക്ക് ബീ്ഡ് മാഡി കൊണ്ട്‌റ്‌ക്കുഡോമെ.
അത്തെ അയാള് നാഡ്‌ല് എവന നാഡ്‌ഗാറാനൊ എഗുദാര് നാഡ്‌ഗാറാനൊ എന്നുവ ജാദി വിത്ത്യാസില്ലെ. പരിസേദനെ സാത്ത്‌റ ഗേന്തവാരൊ, പരിസേദനെ ഗേഗാത്തവാരൊ എന്നുവ മദ വിത്ത്യാസില്ലെ. പഡിത്തവാനൊ പഡിക്കത്തവാനൊ എന്നുവ അറുവു വിത്ത്യാസാമ് ഇല്ലെ. അഡിമേഗൊ മുദലാള്യൊ എന്നുവ സൊത്തു വിത്ത്യാസാമ് ഇല്ലെ. അദ്‌ല് എല്ലാര്‌ക്ക്‌മ് എല്ലാദ്‌ക്ക്‌മ് ഉജാന്തവനാന ക്‌റ്‌സ്‌ത്ത് താനെത്തെ ഇര്‌ക്കുവാന്.
നമാന സീവാന് പട്ടവാന്‌മ് നമാക്ക് പ്‌ണ്ണ്യ ഗേന്ത് നമാന ദയിരപഡ്‌സ്‌ന്റവാന്‌മ് നമാക്ക് ഏസ്സ് ക്‌റ്‌സ്‌ത്ത്‌ന കാത്ത്‌റ്‌ക്കുവാദ്‌ക്കുള്ള നല്ല നെഞ്ചഡെന തന്തവാന്‌മാന അപ്പാനാന സാമിമ്, നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌മ് നിമ്മ് മനേസ്സ്‌ന ദയിരപഡിസി എല്ലാ നല്ല കാര്യഗാള് ഗേയാമ് സൊല്ല്യാമ് നിമാന ഒറേപ്പുള്ളവാര് മാഡുഡൊ.
ကြော်ငြာတွေ