ഓഗന്നാന് 17:17 - സാമി സേദി

¹⁷ സത്ത്യമാന നിന്ന് സൊല്ലുസുലാക്കാന ബെത്ത് അവാര്‌ന നിനാക്ക് ബേ്ണ്ടി അലാക്ക പ്‌റ്‌ത്ത് ബെക്കുഡോമെ. നിന്ന് സൊല്ലുസുലാക്ക സത്ത്യമാനാദ്‌ത്തെ.

ഓഗന്നാന് 17:17 ပူးပေါင်းရင်းမြစ်များ

ലൂക്കോസു 8:11

<<ഈത്തെ അയി കദേക്ക് അര്‌ത്ത: ബെദെ എന്റ് സൊല്ലുവാദ് സാമി സൊല്ലുസുലാക്കാത്തെ.

ലൂക്കോസു 8:15

ആന നല്ല മണ്ണ്‌ക്ക് അലേന്ത ബെദെ എന്നുവാദ് സാമി സൊല്ലുസുലാക്കാന നല്ല മനേസ്സോഡ കേ്ട്ട് അദേപാസെ നഡാക്കുവാദ്‌ത്തെ. അത്തെ അവാര് പൊറിമോഡിന്ത് സാമി സൊല്ലുസുലാക്ക പഡി പെ്ളേക്ക്‌ന്റാര്.>>

ഓഗന്നാന് 15:3

നാന് നിമാക്ക് സൊന്ന നായഗാള്‌നാലെ നിമ്മ മുദാല് താനെ സുത്താപ്പുള്ളവാര് ആയിര്‌ന്റ്‌റ്.

ഓഗന്നാന് 17:19

അവാര്‌മ് സത്ത്യമായി നിനാക്ക് ബേ്ണ്ടി അലാക്ക പ്‌റ്‌ത്ത് ബെത്ത്‌റ്‌ന്റവാര് ആയ നാന് അവാര്‌ക്ക് ബേ്ണ്ടി എനാന താനെ നിനാക്ക് അലാക്ക പ്‌റ്‌ത്ത് ബെക്ക്‌ന്റെ.>>

ഓഗന്നാന് 8:32

അന്നാപ്പ് നിമാക്ക് സത്ത്യ എന്തെന്റ് തെരിമ്. അയി സത്ത്യ നിമാന അഡിമേലിന്ത് ബ്‌ഡ്‌സ്‌മ്>> എന്റ് സൊന്നാന്.

ഓഗന്നാന് 8:40

ആന സാമിലിന്ത് കേ്ട്ട സത്ത്യന നിമാക്ക് സൊല്ലി തന്ത്‌റ്‌ക്കുവ മന്‌സാന്‌ത്തെ നാന്. എന്റിന്ത് ഗുഡി നിമ്മ എനാന കൊല്ല്യ നോഡുന്റുറു. ആന അവുറഗാമ് അത്തവ കാര്യഗാള് ഗേഗാലല്ല.

അപ്പോസുത്തലാര് 15:9

അത്തെ നമ്മാമ്, അവാര്‌മ് സാമിക്ക് ഒന്റേ പാസെത്തെ. അവാര് നമ്പ്‌നാദ്‌നാലെ സാമി അവാര് പാവഗാള്‌നെല്ല പൊറുത്താന്.

2 കൊരിന്ത്യഗാറാര് 3:18

ഇത്തെ നമാന മറേത്ത്‌റ്‌ക്കുവ മറെന ആണ്ടവാന് ജറേത്ത് തള്ള്‌ന്റാന്. അത്തെ നമ്മ അയാള്‌ന സൊക്കാന നെപ്പ്‌കെ്ഡേസി കൊണ്ടു മദ്‌പ്പ്‌ക്ക് മേല് മദ്‌പ്പുള്ളവാരായി അയാള് ഉരുവാന പാസെ ആയി കൊണ്ടു ഇര്‌ക്ക്‌ന്റാമ്. ഇത്തെ നമാന മാഡുവാദ് ആണ്ടവാന് നിഗാല്‌ത്തെ.

എപസോസുഗാറാര് 4:21

പിന്നേഗൊ ഏസ്സ് എത്തെ സത്ത്യത്തോഡ പെ്ളേത്താനൊ അദേപാസെ പെ്ളേക്ക്യത്തെ നിമ്മ അയാള് പഡ്‌സ്‌ന കാര്യഗാള്‌ന കേ്ട്ട് പഡിത്താദ്.

2 തെസെലോനിക്ക്യഗാറാര് 2:13

ആണ്ടവാന് സീവാന്‌ബെത്ത് ഏസ്സ്‌ഗാറാര് ആയിര്‌ക്ക്‌ന്റവാരെ, സാമിനിഗാല് നിമാന കവാഡില്ലാത്തവാര് മാഡ്യ ബേ്ണ്ടിമ് നിമ്മ സത്ത്യന നമ്പി തപ്പിസി കഡാക്ക്യ ബേ്ണ്ടിമ്‌ത്തെ മുദാല് താനെ സാമി നിമാന തെരിന്തെ്ഡ്‌ത്ത്‌റ്‌ക്കുവാദ്. അദ്‌നാലെ നിമാക്ക് ബേ്ണ്ടി എമ്മ ഒപ്പ സാമിക്ക് നണ്ണി സൊന്റേമ്.

ആക്കോവു 1:21

അദ്‌നാലെ നമ്മോഡ ഇന്നിമിര്‌ക്കുവ കെ്ട്ട പളാക്കഗാള്‌നെല്ല തെ്റിന്ത് തള്ള്‌ന്. നമാന പുദ്യ മന്‌സാന് മാഡ്‌ന സാമി സൊല്ലുസുലാക്കാക്ക് കെ്ട്ട്‌പട്ട് നഡാന്. എന്ത്‌ക്കെന്റ് സൊന്ന ഈ സാമി സൊല്ലുസുലാക്കാക്ക് നമാന കാപാറ്റ്യ മുഡിമ്.