ഓഗന്നാന് 17:12 - സാമി സേദി

¹² നാന് അവാരോഡ ഇര്‌ക്കാട്ടി നാന് അവാര്‌ന നീ എനാക്ക് തന്ത്‌റ്‌ക്കുവ നിന്ന് സക്‌തില് കാത്ത് കൊണ്ടിന്തേന്. അവാര്‌ല് ആര്‌മ് കെ്ട്ട് പോഗാദെ നാന് അവാര്‌ന പാദ്‌ഗാത്ത് ബെത്തെ. സാമി ബൊക്കുലു സൊല്ലിര്‌ക്കുവാദ് നഡാക്ക്യ ബേ്ണ്ടി കെ്ട്ട് പോയ തഗ്‌ദ്യാനവാന് അല്ലാദെ ബേ്റെ ആര്‌മ് കെ്ട്ട് പോഗാലെ.

ഓഗന്നാന് 17:12 ပူးပေါင်းရင်းမြစ်များ

ഓഗന്നാന് 13:18

<<നിമാന എല്ലാവാര്‌ന പറ്റിമ് നാന് സൊല്ലുവാദില്ലെ, നാന് തെരിന്തെ്ഡ്‌ത്തവാര്‌ന എനാക്ക് തെരിമ്. ആന <എന്ന് അഡേന എന്നോഡൊപ്പ തിന്റവാന് എനാന താനെ ഒദേക്ക്യ കാല് ഓങ്കിര്‌ന്റാന്> എന്റ് സാമി ബൊക്കുലു സൊല്ലിര്‌ക്കുവാദ് അദേപാസെ നഡാക്കുഡൊ.

ഓഗന്നാന് 17:6

<<ഈ ഉലഗാത്ത്‌ലിന്ത് നീ എനാക്ക് തന്ത്‌റ്‌ക്കുവ ആള്‌ഗാള്‌ക്ക് നീ ആരെന്റ് നാന് കാട്ടി കൊഡുത്ത്‌റ്‌ക്ക്‌ന്റെ. അവാര് നിനാക്കുള്ളവാര് ആയിന്താര്. നീ അവാര്‌ന എനാക്ക് തന്തായി. അവാര് നിന്ന് സൊല്ലു കേ്ട്ട് നഡാന്ത്‌റ്‌ന്റാര്.

ഓഗന്നാന് 18:9

<<നീ എനാക്ക് തന്തവാര്‌ല് ആര്‌മ് കെ്ട്ട് പോഗാലെ>> എന്റ് താന് സൊന്നാദ് അദേപാസെ നഡാക്ക്യ ബേ്ണ്ടിത്തെ ഏസ്സ് ഇത്തെ സൊന്നാദ്.

ഓഗന്നാന് 6:37

അപ്പാന് സാമി എനാക്ക് തന്റവാരെല്ല എന്ന് പട്ട്‌ക്ക് ബരുവാര്. എന്ന് പട്ട്‌ക്ക് ബന്റവാന്‌ന നാന് എന്നാല്‌ക്ക്‌മ് തള്ളമാട്ടെ.

പിലിപ്പ്യഗാറാര് 2:9

അദ്‌നാലെ സാമി ക്‌റ്‌സ്‌ത്ത് ഏസ്സ്‌ന ഉജുര്‌ളാക്കി, എല്ലാ പദവിപട്ടാക്ക്‌മ് ബ്‌ഡ ഉജാന്ത പദാവിപട്ടന ക്‌റ്‌സ്‌ത്ത് ഏസ്സ്‌ക്ക് കൊഡുത്തു, എല്ലാവാര്‌ന ബ്‌ഡ ദൊഡ്ഡവാന് മാഡ്‌നാന്.

2 തെസെലോനിക്ക്യഗാറാര് 2:3

ഇത്തെ ആര്‌നാമ് ഏദൊന്റു ദിന്‌സ്‌ല് നിമാന ഏമാത്ത്യ ബ്‌ഡാദേന്. മുദാല് ആള്‌ഗാള് സാമ്യോഡ പോട്ടിക്ക് നിന്റ് ബാദിക്ക്‌ന്റവാര് ആവാര്. അദോഡൊപ്പ നാസാക്ക് ബേ്ണ്ടി പ്‌റാന്തവാന്‌മ് കേ്ഡ്‌ഗെ്ട്ടവാന്‌മ് ബെ്ളിപട്ട് ബരുവാന്.

എവുറായാര് 2:13

പിന്നേമ് അയാള്, <<നാന് സാമിക്ക് അണ്ടി കൊള്ളുവെ>> എന്റ്‌മ് <<ഇദാഗെ, നാന്‌മ് സാമി എനാക്ക് തന്ത പ്‌ള്ളെഗാള്‌മ്>> എന്റ്‌മ് സൊന്റാന്.

1 ഓഗന്നാന് 2:19

അവാര് നമ്മ് കൂട്ടാത്ത്‌ലിന്ത് പോനവാര്‌ത്തെ. എന്ത്‌ക്കെന്റ് സൊന്ന അവാര് ഏസ്സ് ബെത്ത സട്ടപഡി നമ്മോഡ ആങ്കീങ്ക് സീവാന്‌ബെത്ത് നഡാക്കാലെ. അത്തെ സീവാന്‌ബെത്ത് നഡാന്തിന്തദാന അവാര് നമ്മൊപ്പ ഇന്ത്‌റ്‌ക്കുവാര്. അത്തെ അവാര് നമാന ബ്‌ട്ട് പ്‌റ്‌ന്ത് പോനാദ്‌നാലെ അവാര് സാമിപ്‌ള്ളെഗാള് അല്ല എന്റ് നമാക്ക് തെരിന്റ്.

ബെ്ളിപട്ട കാര്യ 19:12

അയാള് കണ്ണ്‌ഗാള് കത്തി എരേവ തീന പാസെ ആയിന്ത്‌ദ്. അയാള് തലേല് മൊത്തന ഗിര്യാഡഗാള്‌മ് ഇന്ത്‌ദ്. എ്ള്‌ദി ബെത്ത്‌റ്‌ക്കുവ ഒന്റു പേര്‌മ് അയാള്‌ക്ക് ഇര്‌ക്ക്‌ന്റ്. അദ് അയാള്‌ക്കല്ലാദെ ബേ്റെ ആര്‌ക്ക്‌മ് തെര്യ മാട്ട.