ഓഗന്നാന് 16:25 - സാമി സേദി

²⁵ ഇദ്‌ന നാന് നിമാക്ക് കദെ ദിന്‌സ്‌ല് സൊല്ലിര്‌ക്ക്‌ന്റെ, എന്റാല്‌മ് നാന് ഇന്നി നിമാക്ക് കദെ ദിന്‌സ്‌ല് സൊല്ലാദെ അപ്പാന് സാമിന പറ്റി നേരെ നിമാക്ക് സൊല്ലി തരുവെ.

ഓഗന്നാന് 16:25 ပူးပေါင်းရင်းမြစ်များ

മര്‌ക്കോസു 4:13

പ്‌റ ഏസ്സ് അവാര്‌ന കേ്ട്ടാന്: <<ഈ കദെ നിമാക്ക് നെപ്പ്‌കെ്ഡേക്കാലേഗ? എന്റ് പിന്നെ ബേ്റെ കദെഗാളെല്ല നിമാക്ക് എത്തെ നെപ്പ്‌കെ്ഡേക്കുവു?

മര്‌ക്കോസു 4:34

കദെ സൊല്ലാദെ അവാര്‌ക്ക് ഒന്റുനാമ് സൊല്ലി കൊഡുക്കാലെ. തന്ന് സൊല്ലുപഡി നഡാക്ക്‌ന്റവാര് തനിഗെ ഇര്‌ക്കാട്ടി കദെ അര്‌ത്തഗാള്‌ന ഏസ്സ് അവാര്‌ക്ക് സൊല്ലി കൊഡുത്താന്.

മര്‌ക്കോസു 8:32

ഈ കാര്യഗാള്‌ന അവാര്‌ക്ക് സൊക്കാന സൊന്നാന്. അയി സമ്യ പത്ത്‌റോസു ഏസ്സ്‌ന അലാക്ക കൂട്ടി പോയി നിനാക്ക് അത്തെ ആഗ ബേ്ഡ എന്റ് അയാള്‌ന നൊഡിന്താന്.

ഓഗന്നാന് 10:24

അദുക്കുള എഗുദാര് അയാള്‌ക്ക് സുറ്റീല് ബന്ത് നിന്റ്: <<നീ ആരെന്റ് പ്‌ഡി കെ്ഡേക്കാദെ എമ്മ എഞ്ച് നാള് ഇത്തെ ഇര്‌ക്ക്യ? നീ ക്‌റ്‌സ്‌ത്ത്‌ത്തെ ആയിന്തദാന അദ്‌ന നേരെ സൊല്ല്>> എന്റ് കേ്ട്ടാര്.

ഓഗന്നാന് 10:6

ഈ കദെന ഏസ്സ് അവാര്‌ക്ക് സൊന്നാന്. എന്റാല്‌മ് അയാള് സൊന്നാദ് എന്തെന്റ് അവാര്‌ക്ക് തെര്യാലെ.

ഓഗന്നാന് 16:12

ഇന്നിമ് എനാക്ക് എഞ്ച്‌ക്കൊ നിമാക്ക് സൊല്ല്യ ഇര്‌ക്ക്‌ന്റ്. ആന അദ്‌നെല്ല കേ്ട്ട് സെല്‌സ്യ നിമാക്ക് ഇന്നാല് മുഡ്യാമാട്ട.

ഓഗന്നാന് 16:2

അവാര് നിമാന എഗുദാര് പരേസുവ ബീ്ഡ്‌ഗാള്‌ലിന്ത് മുഡിക്കി ബ്‌ഡുവാര്, അദ്‌താനേമല്ല അവാര് നിമാന കൊല്ലുഗാട്ടി സാമിക്ക് ബേ്ണ്ടി ഒന്റു നല്ല കാര്യ ഗേന്റേമ് എന്റ് നെനേക്കുവ ഗളിഗെ ബന്റ്.

ഓഗന്നാന് 16:32

ആന എനാന തനിഗെ തള്ളി നിമ്മ ഒന്റൊന്റാള്‌മ് അവനവാന് ബീ്ഡ്‌ക്ക് ജില്ലമ്പുല്ലാത്തായി പോവ ഗളിഗെ ബന്റ്, ഇന്നാല് ബന്ത്‌മിര്‌ന്റ്. എന്റാല്‌മ് അപ്പാന് സാമി എന്നോഡൊപ്പ ഇര്‌ക്കുവാദ്‌നാലെ നാന് തനിഗ്യല്ല.

2 കൊരിന്ത്യഗാറാര് 4:2

സൂഗാന ഗേവ എല്ലാ നാണഗെ്ട്ട കാര്യഗാള് എമ്മ ഗേവാദില്ലെ. ആള്‌ഗാള്‌ന ഏമാത്തുവ കാര്യഗാളൊ സാമി സൊല്ലുസുലാക്കന തപ്പായി പഡിസി കൊഡുക്കുവാദൊ ഒന്റുമു എമ്മ ഗേവാദില്ലെ. സത്ത്യാന താനെത്തെ എമ്മ ആള്‌ഗാള്‌ക്ക് പഡിസി കൊഡുക്കുവാദ്. അത്തെ സാമി കണ്ണ്‌ക്ക് എമ്മ ആര് എന്റ് എല്ലാ ആള്‌ഗാള്‌ക്ക്‌മ് കാട്ടി കൊഡുക്കുന്റേമ്.