ഓഗന്നാന് 16:2 - സാമി സേദി

² അവാര് നിമാന എഗുദാര് പരേസുവ ബീ്ഡ്‌ഗാള്‌ലിന്ത് മുഡിക്കി ബ്‌ഡുവാര്, അദ്‌താനേമല്ല അവാര് നിമാന കൊല്ലുഗാട്ടി സാമിക്ക് ബേ്ണ്ടി ഒന്റു നല്ല കാര്യ ഗേന്റേമ് എന്റ് നെനേക്കുവ ഗളിഗെ ബന്റ്.

ഓഗന്നാന് 16:2 ပူးပေါင်းရင်းမြစ်များ

മത്തായി 10:28

സരിഗലന കൊന്റു നിഗാല്‌ന കൊല്ല്യ മുഡ്യാത്തവാര്‌ന അഞ്ചബേ്ഡ. അദ്‌ക്ക് ബദ്‌ല സരിഗലനാമ് നിഗാല്‌നാമ് നരഗാക്ക് ഇക്കി കൊല്ല്യ മുഡിന്റവാന്‌നത്തെ അഞ്ച്‌ന്.

മത്തായി 24:9

അയി ഗളിഗേക്ക് അവാര് നിമാന കൊഡിമെപഡിസ്യ കൊഡുക്കുവാര്. അവാര് നിമാന കൊല്ലുവാര്. നിമ്മ എനാന പറ്റി സൊല്ലുവാദ്‌നാലെ എല്ലാ ജാദിഗാള്‌മ് നിമാന തൊറേന്ത് തള്ളുവാര്.

ലൂക്കോസു 6:22

മന്‌സാനായി പ്‌റാന്ത്‌റ്‌ക്കുവ എന്ന് സൊല്ലുപഡി നിമ്മ നഡാക്ക്‌ന്റവാര് ആയിര്‌ക്കുവാദ്‌നാലെ ആള്‌ഗാള് നിമാന പഗേക്കാട്ടിമ്, നിമാന തമ്മ് കൂട്ടാക്ക് സേത്താദിര്‌ക്കാട്ടിമ്, നിമാന നാണഗെ്ഡ്‌സ്‌ഗാട്ടിമ്, നിമാന കെ്ട്ടവാര് എന്റ് സൊല്ലുഗാട്ടിമ് നിമ്മ ബാഗ്യകേ്ട്ടവാര്.

ഓഗന്നാന് 12:42

എന്റിന്ത് ഗുഡി എഗുദാര് തലെവാര്‌ഗാള്‌ല് എഞ്ചോ ആള്‌ഗാള് ഏസ്സ്‌ല് നമ്പിക്കെ ബെത്താര്. ആന പരിസാര് തമാന എഗുദാര് പരേസുവ ബീ്ഡ്‌ക്ക് സേത്താദെ മുഡുക്കുവാര് എന്റ് നെനേത്ത് ഏസ്സ്‌ല് നമ്പിക്കെ ബെക്ക്‌ന്റേമ് എന്റ് അവാര് എദ്‌ക്ക സൊല്ലാലെ.

ഓഗന്നാന് 16:25

ഇദ്‌ന നാന് നിമാക്ക് കദെ ദിന്‌സ്‌ല് സൊല്ലിര്‌ക്ക്‌ന്റെ, എന്റാല്‌മ് നാന് ഇന്നി നിമാക്ക് കദെ ദിന്‌സ്‌ല് സൊല്ലാദെ അപ്പാന് സാമിന പറ്റി നേരെ നിമാക്ക് സൊല്ലി തരുവെ.

ഓഗന്നാന് 16:32

ആന എനാന തനിഗെ തള്ളി നിമ്മ ഒന്റൊന്റാള്‌മ് അവനവാന് ബീ്ഡ്‌ക്ക് ജില്ലമ്പുല്ലാത്തായി പോവ ഗളിഗെ ബന്റ്, ഇന്നാല് ബന്ത്‌മിര്‌ന്റ്. എന്റാല്‌മ് അപ്പാന് സാമി എന്നോഡൊപ്പ ഇര്‌ക്കുവാദ്‌നാലെ നാന് തനിഗ്യല്ല.

ഓഗന്നാന് 4:21

ഏസ്സ് അവാള്‌ക്ക്: <<അമ്മെ, നാന് സൊല്ലുവാദ്‌ന നമ്പ്, നിമ്മ അപ്പാന് സാമിന കുമ്മുഡുവാദ് ഈ മലേല്‌മല്ല, എര്‌സലേമ്‌ല്‌മല്ല എന്നുവ നേര ബന്റ്.

ഓഗന്നാന് 4:23

നേരോഡ സാമിന കുമ്മുഡുന്റവാര് അപ്പാന് സാമിന സാമിനിഗാല് ഉദാവിനാലേമ് സത്ത്യത്തോഡാമ് കുമ്മുഡുവ നേര ബര്‌മ്. അദ് ഇന്നാല് ബന്ത്‌മിര്‌ന്റ്. എന്ത്‌ക്കെന്റ് സൊന്ന ഇത്തവ ദിന്‌സ്‌ല് സാമി കുമ്മുഡുന്റവാര്‌നത്തെ സാമി പരാക്കുവാദ്.

ഓഗന്നാന് 9:22

എഗുദാര്‌ക്ക് അഞ്ചിത്തെ അവാന് അവ്വ്യപ്പാന് ഇത്തെ സൊന്നാദ്. എന്ത്‌ക്കെന്റ് സൊന്ന, ഏസ്സ്‌ന ക്‌റ്‌സ്‌ത്ത് എന്റ് സൊന്റവാര്‌നെല്ല എഗുദാര് പരേസുവ ബീ്ഡ്‌ക്ക് സേത്ത ബേ്ഡ എന്റ് എഗുദാര് മുദാല് താനെ സട്ട കെ്ട്ടിന്താര്.

ഓഗന്നാന് 9:34

<<നീ പ്‌റാക്കാട്ടിന്തെ ഒന്റേപെ്ട്ട് പാവ ഉള്ളവാന്‌ത്തെ. അത്തെ പ്‌റാന്ത നീ എമാക്ക് ബുദ്ദി സൊല്ലുന്റായ?>> എന്റ് സൊല്ലി അവാര് അയി കറുഡാന് ആയിന്തവാന്‌ന എഗുദാര് പരേസുവ ബീ്ഡ്‌ക്ക് സേത്താദെ മുഡിക്കി ബ്‌ട്ടാര്.

അപ്പോസുത്തലാര് 5:33

ഇദ്‌ന കേ്ള്‌ക്കാട്ടി എഗുദ കോഡിദില ആള്‌ഗാള്‌ക്ക് സെര്യാന മൊനെ ബന്ത്‌ദ്. അവാര് അപ്പോസുത്തലാര്‌ന കൊല്ലുഡൊ എന്റ് മുഡിവെ്ഡ്‌ത്താര്.

അപ്പോസുത്തലാര് 7:56

തെപാനോസു ഇത്തെ സൊന്നാന്, <<ഇദാഗെ മേലോഗ ത്‌റാന്ത്‌റ്‌ക്കുവാദ്‌നാമ്, മന്‌സാനായി പ്‌റാന്തവാന് സാമ്യോഡൊപ്പ ആള്യ സാമി ബല സാരി കുക്കാന്ത് ഇര്‌ക്കുവാദ്‌നാമ് നാന് കാണ്‌ന്റേന്!>>

1 കൊരിന്ത്യഗാറാര് 4:13

എമാന പറ്റി കുറ്റ സൊല്ലുഗാട്ടിമ് എമ്മ അവാരോഡ നിദാനത്തോഡ നായനൊഡിന്റേമ്, ഇന്നമാട്ട്‌ക്ക്‌മ് ഉലഗാത്ത്‌ല ആള്‌ഗാള് എമാന സൂസി തള്ളുവ സണ്ട്‌ഗാള്‌ന പാസേമ് എല്ലാദ്‌ക്ക്‌മ് പ്‌ഡിക്കുവ എ്ള്‌ക്ക്‌ന പാസേമ്‌ത്തെ കണാക്കാക്ക്‌ന്റാര്.

പിലിപ്പ്യഗാറാര് 3:6

അദ്‌താനേമല്ല എഗുദ മദാത്ത്‌ല സട്ടപഡി നഡാന്ത് സാമിന ഉജാത്തുഡൊ എന്റ് നാന് ആസെപട്ടിന്തെ. അത്തെ നാന് ആസെപട്ടിന്താദ്‌നാലെ ഏസ്സ്‌ഗാറാര് കൂട്ടന ദൊഡ്ഡ കൊഡിമെപഡ്‌സ്‌നെ. ആര്‌ക്ക്‌മ് എനാന പറ്റി കുറ്റ സൊല്ല്യ മുഡ്യാത്ത ദിന്‌സ്‌ല് മോസെ ബെത്ത എല്ലാ സാമി സട്ടപഡിമ് നാന് നഡാന്തെ.

ബെ്ളിപട്ട കാര്യ 6:9

കൊറ്യാഡ് കുട്ടി അയിദാവാദ് മുദ്ദുറെന ത്‌റാക്കാട്ടി ആള്‌ഗാള് കൊന്റു തള്ള്‌നവാര് നിഗാല്‌ഗാള്‌ന പലി കൊഡുക്കുവ മദ്‌ല്‌ക്കഡി നാന് കണ്ടെ. സാമി സൊല്ലുസുലാക്ക സൊന്നാദ്‌നാലേമ്, തമാക്ക് സൊല്ല്യ കെ്ഡേത്താദ്‌ന സൊന്നാദ്‌നാലേമ്‌ത്തെ ആള്‌ഗാള് അവാര്‌ന കൊന്റു തള്ള്‌നാദ്.