ഓഗന്നാന് 16:14 - സാമി സേദി

¹⁴ അയാള് എന്നോഡിന്ത് കേ്ട്ട് നിമാക്ക് സൊല്ലി തരുവാദ്‌നാലെ അയാള് എനാന മദ്‌സുവാന്.

ഓഗന്നാന് 16:14 ပူးပေါင်းရင်းမြစ်များ

ഓഗന്നാന് 14:21

നിമ്മ ഗേഡൊ എന്റ് നാന് സൊന്ന കാര്യഗാള്‌ന നെപ്പ്‌കെ്ഡേസി അദ്‌ന ഗേന്റവാന്‌ത്തെ എന്നോഡ സീവാന്‌ബെത്ത് നഡാക്ക്‌ന്റവാന്. എന്നോഡ സീവാന്‌ബെത്ത് നഡാക്ക്‌ന്റവാന്‌ന അപ്പാന് സാമി സീവാന്‌ബെത്ത് നഡാക്കുവാന്. നാന്‌മ് അയാളോഡ സീവാന്‌ബെത്ത് എനാന താനെ അയാള്‌ക്ക് കാട്ടി കൊഡുക്കുവെ.>>

ഓഗന്നാന് 15:26

സാമിന പറ്റ്യുള്ള സത്ത്യന കാട്ടി തരുവ സാമിനിഗാല് എന്റ് സൊല്ലുവ തൊണെഗാറാന്‌ന നാന് സാമി പട്ട്‌ലിന്ത് നിമ്മ് പട്ട്‌ക്ക് സൊല്ലി ബ്‌ഡ്‌വെ. അയാള് സാമി പട്ട്‌ലിന്ത് നിമ്മ് പട്ട്‌ക്ക് ബന്ത് നാന് ആരെന്റ് സൊല്ലി തരുവാന്.

ഓഗന്നാന് 7:39

തനാന നമ്പ്‌ന്റവാന്‌ക്ക് കെ്ഡേക്ക്യ പോവ സാമിനിഗാല്‌ന പറ്റിത്തെ ഏസ്സ് ഇത്തെ സൊന്നാദ്. അന്ന മാട്ട് ഏസ്സ്‌ക്ക് മദ്‌പ്പ് കെ്ഡേക്കാദിന്തനാലെ നമ്പ്‌ന്റവാര്‌ക്ക് സാമിനിഗാല് കെ്ഡേക്കാദിന്ത്‌ദ്.

1 കൊരിന്ത്യഗാറാര് 12:3

അദ്‌നാലെ നിമ്മ ഈ കാര്യ തെരിന്ത്‌റ്‌ക്കുഡൊ: സാമിനിഗാല്‌ല് നായ നൊഡിന്റവാന് ആര്‌മ് <<ഏസ്സ് സാപ്പ പ്‌ഡിത്തവാന്>> എന്റ് സൊല്ലമാട്ടാന്. സാമി നിഗാല്‌ലല്ലാദെ <<ഏസ്സ് ആണ്ടവാന്‌ത്തെ>> എന്റ് സൊല്ല്യ ആര്‌ക്ക്‌മ് മുഡ്യാമാട്ട.

2 കൊരിന്ത്യഗാറാര് 4:6

<<ഇ്റ്‌ട്ട്‌ലിന്ത് ബെ്ള്‌സ ബരുഡൊ>> എന്റ് സൊന്ന സാമി താനെത്തെ ഈ ബെ്ള്‌സാന എമ്മ് മനേസ്സ്‌ക്ക് തന്താദ്. അദ്‌നാലെത്തെ ഏസ്സ് ക്‌റ്‌സ്‌ത്ത് മൂഞ്ചിലിര്‌ക്കുവ സാമി മദ്‌പ്പ്‌ത്ത് അറുവു എമാക്ക് കെ്ഡേത്താദ്.

ഗലാത്ത്യഗാറാര് 5:5

ആന ക്‌റ്‌സ്‌ത്ത്‌ന നമ്പുവാദ്‌നാലെ സാമി എമാന നേര്‌മെഗാറാന് മാഡ്‌നാന് എന്റ് സാമിനിഗാല് എമാക്ക് ഒറേപ്പ് തന്റ്. അദ്‌ക്ക് ബേ്ണ്ടി എമ്മ നെഞ്ചഡെബെത്ത് കാത്ത്‌റ്‌ക്ക്‌ന്റേമ്.

1 പത്ത്‌റോസു 2:7

അദ്‌നാലെ നമ്പുവ നിമാക്ക് അയാള് മ്‌ഗ്‌ന്ത ബെലെ ഉള്ളവാന്‌ത്തെ. നമ്പാത്തവാര്‌ക്ക്: <<ബീ്ഡ് ഗിലാസ ഗേന്റവാര് മോസ എന്റ് തെ്റിന്ത് തള്ള്‌ന കല്ല്‌ത്തെ ബീ്ഡ് എ്ഡ്‌ക്കാട്ടി എല്ലാ കല്ല്‌ഗാള്‌ന ബ്‌ഡ മുക്ക്യമാന കല്ല് ആയി തള്ള്‌ട്ട്.>>

1 ഓഗന്നാന് 5:20

സാമിമഗാന് ബൂമിക്ക് ബന്താനെന്റ്‌മ് സത്ത്യ സാമിന തെരിവാദ്‌ക്കുള്ള ബുദ്ദി നമാക്ക് തന്ത്‌റ്‌ന്റാന് എന്റ്‌മ് നമാക്ക് തെരിമ്. സത്ത്യ സാമ്യോഡാമ് അയാള് മഗാന് ഏസ്സ് ക്‌റ്‌സ്‌ത്തോഡാമ് നമ്മ ഇന്നാല് എ്ണേവു ബെത്ത്‌റ്‌ന്റാമ്. ഈ സാമിത്തെ സത്ത്യമാന സാമി. ഈ സാമിത്തെ നമാക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന തന്താദ്.

1 ഓഗന്നാന് 5:6

ഏസ്സ് ക്‌റ്‌സ്‌ത്ത് ഈ ബൂമിക്ക് ബന്ത് നീര്‌ക്ക് മുളിഗ്‌ളാഗി സോരെന സൂസി സത്താന്. നീര്‌ക്ക് മുളിഗ്‌ളാഗി താനേമല്ല, നീര്‌ക്ക് മുളിഗിമ് ഇ്ളാഗ്‌നാന്, സോരെന സൂസിമ് സത്താന്. ഇദ് സത്ത്യത്തെന്റ് സാമിനിഗാല് നമാക്ക് സൊല്ലുന്റു.

ബെ്ളിപട്ട കാര്യ 19:10

അദുക്കുള നാന് അയാള്‌ന കുമ്മുഡ്യ അയാള് കാല്‌ക്ക് ബ്‌ന്തെ. ആന ദൂദാന് എനാക്ക് <<നീ അത്തെ ഗേഗാദെ, നിനാന പാസേമ് ഏസ്സ്‌ന പറ്റ്യുള്ള സത്ത്യന സൊല്ലുവ ബേ്റെ ഏസ്സ്‌ഗാറാര്‌ന പാസേമ് ഇര്‌ക്കുവ ഗിലാസഗാറാന്‌ത്തെ നാന്. സാമിന താനെത്തെ കുമ്മുഡുഡൊ. എന്ത്‌ക്കെന്റ് സൊന്ന ഏസ്സ്‌ന പറ്റ്യുള്ള സത്ത്യന ആള്‌ഗാള്‌ക്ക് സൊല്ല്യ ബെക്കുവാദ് സാമിനിഗാല്‌ത്തെ>> എന്റ് സൊന്നാന്.