ഓഗന്നാന് 15:6 - സാമി സേദി

⁶ ആരാറ്റ എന്ന് കുള്ളുക്കു ഇര്‌ക്കദെ പോന അയാള്‌ന മുറുത്തു തള്ള്‌ന ഒന്റു സില്ല്‌ന പാസെ എ്ഡ്‌ത്ത് ബെ്ളിഗെ തള്ളുവാര്. അദ് ഉണാങ്കി തള്ള്‌മ്. അദ്‌നെല്ല പൊറിക്കി സേത്തി തീക്ക് ഇക്കുവാര്, അദ് ബെന്ത് പോമു.

ഓഗന്നാന് 15:6 ပူးပေါင်းရင်းမြစ်များ

മത്തായി 13:41

മന്‌സാനായി പ്‌റാന്തവാന് തന്ന് ദൂദാര്‌ന ബ്‌ട്ട് താന് ആള്‌ന്റവാര് കൂട്ടാത്ത്‌ല് പാവ ഗേന്റവാര്‌നാമ് കെ്ട്ട കാര്യഗാള് ഗേന്റവാര്‌നാമ് ഒന്റുക്കു സേത്തുവാന്.

മത്തായി 27:5

അദുക്കുള ജൂദാന് അയി പണാന സാമിബീ്ഡ്‌ക്ക് എ്റിന്ത് തള്ളി പോയി നേന്റ് സത്താന്.

മത്തായി 3:10

ഇന്നാല് താനെ ബെ്ട്ട്യ ബേ്ണ്ടി മര മ്‌ണ്ടേക്ക് കോഡാലി ബെത്ത് മുഡിന്ത്‌ദ്. മൊഡ്ഡുകായി കായിക്കുവ മരഗാള്‌നെല്ല ബെ്ട്ടി തീക്ക് ഇക്കുവാന്.

മത്തായി 7:19

നല്ല കായി കായിക്കാത്ത മരഗാള്‌ന ഒട്ടുക്കു ബെ്ട്ടി തീയിക്ക് ഇക്കുവാര്.

ഓഗന്നാന് 15:2

എന്നോഡിന്ത് മൊളേത്ത് കായി ബ്‌ഡാത്ത സില്ല്‌ഗാള്‌ന ഒട്ടുക്കുമു ദോട്ടഗാറാന് ബെ്ട്ടി തള്ള്‌ന്റാന്. കായി ബ്‌ഡുവ സില്ല്‌നെല്ലെ മൊത്തനാക്ക് കായി ബ്‌ഡ്യ ബേ്ണ്ടി അയാള് കപാത്ത് എ്ഡ്‌ത്ത് ബ്‌ഡ്‌ന്റാന്.

എവുറായാര് 10:27

അദ്‌ക്ക് ബദ്‌ല അഞ്ചിക്കോഡ സാമി ബിദിന കാത്ത്‌റ്‌ക്കുവാദ്‌മ് സാമ്യോഡ ഏദ് ബെത്ത്‌റ്‌ന്റവാര്‌ന മൊനെപട്ട് അളിത്ത് തള്ളുവ ദൊഡ്ഡ തീയിമ്‌ത്തെ നമാക്ക് ഇര്‌ക്കുവാദ്.

2 പത്ത്‌റോസു 2:20

നമ്മ് ആണ്ടവാന്‌മ് കാപാറ്റ്‌ന്റവാന്‌മ് ആയിര്‌ക്കുവ ഏസ്സ് ക്‌റ്‌സ്‌ത്ത്‌ന തെരിന്ത അറുവുന ബെത്ത് ഉലഗാത്ത്‌ല് ഗേവ കെ്ട്ട കാര്യഗാള്‌ലിന്ത് തപ്പിസി കഡാന്തവാര് പിന്നേമ് അയി കെ്ട്ട കാര്യഗാള് ഗേവാദ്‌ക്ക് സിക്കി അഡിമെപട്ട് പോന ഇന്ന്യുള്ള അവാര് പെ്ളേപ്പ് മുദാല്‌ല പെ്ളേപ്പ്‌ന ബ്‌ഡ അപ്പാര മോസായിര്‌ക്ക്‌മ്.

1 ഓഗന്നാന് 2:19

അവാര് നമ്മ് കൂട്ടാത്ത്‌ലിന്ത് പോനവാര്‌ത്തെ. എന്ത്‌ക്കെന്റ് സൊന്ന അവാര് ഏസ്സ് ബെത്ത സട്ടപഡി നമ്മോഡ ആങ്കീങ്ക് സീവാന്‌ബെത്ത് നഡാക്കാലെ. അത്തെ സീവാന്‌ബെത്ത് നഡാന്തിന്തദാന അവാര് നമ്മൊപ്പ ഇന്ത്‌റ്‌ക്കുവാര്. അത്തെ അവാര് നമാന ബ്‌ട്ട് പ്‌റ്‌ന്ത് പോനാദ്‌നാലെ അവാര് സാമിപ്‌ള്ളെഗാള് അല്ല എന്റ് നമാക്ക് തെരിന്റ്.

ബെ്ളിപട്ട കാര്യ 20:15

എന്നാല്‌ക്ക്‌മ് പെ്ളേക്ക്‌ന്റവാര് പേര് എ്ള്‌ദിര്‌ക്കുവ ബൊക്കുലു പേര് എ്ള്‌ദാത്ത എല്ലാവാര്‌നാമ് അയി ഗെന്തഗ കത്തി എരേവ തീ കഡാല്‌ക്ക് എ്റിന്ത് ബ്‌ഡുവാന്.

ബെ്ളിപട്ട കാര്യ 21:8

ആന ദയിര ഇല്ലത്തവാര്‌ക്ക്‌മ്, നമ്പിക്കെ ഇല്ലത്തവാര്‌ക്ക്‌മ് സാത്ത്‌റ പ്‌ഡിക്കുവ കാര്യഗാള് ഗേന്റവാര്‌ക്ക്‌മ്, കൊലെ ഗേന്റവാര്‌ക്ക്‌മ് കണ്ടപഡി നഡാക്ക്‌ന്റവാര്‌ക്ക്‌മ്, മന്ത്‌റമായ ഗേന്റവാര്‌ക്ക്‌മ്, സെലെന കുമ്മുഡുന്റവാര്‌ക്ക്‌മ്, പൊയി സൊല്ലുവ എല്ലാവാര്‌ക്ക്‌മ് കെ്ഡേക്കുവ എ്ഡെ എന്നുവാദ് ഗെന്തഗ കത്തി എരേവ തീ കഡാല് ആയിര്‌ക്കുവു. ഇദ്‌ത്തെ റണ്ടാവാദ് സാവു>> എന്റ് സൊന്നാന്.