ഓഗന്നാന് 15:21 - സാമി സേദി

²¹ എന്റാല്‌മ് എനാന സൊല്ലി ബ്‌ട്ടവാന്‌ന അവാര്‌ക്ക് തെര്യാത്താദ്‌നാലേമ് നിമ്മ എന്ന് ആള്‌ഗാള് ആനാദ്‌നാലേമ് ഇദൊട്ടുക്കു നിമാക്ക്‌മ് അവാര് ഗേവാര്.

ഓഗന്നാന് 15:21 ပူးပေါင်းရင်းမြစ်များ

മത്തായി 10:18

എന്ന് പേര്‌ന സൊല്ലി നിമാന നാഡ് തലെവാര്‌ഗാള് പട്ട്‌ക്ക്‌മ് രാജാവുഗാള് പട്ട്‌ക്ക്‌മ് എ്ഡ്‌ത്ത് പോവാര്. അദ്‌ല് അവാര് മുന്നുക്കുമു എഗുദാരല്ലാത്ത ജാദിഗാള് മുന്നുക്കുമു നിമ്മ എനാന പറ്റി സൊല്ലുവുറു.

മത്തായി 10:22

നിമ്മ എനാന പറ്റി സൊല്ലുവാദ്‌നാലെ ആള്‌ഗാളൊട്ടുക്കു നിമാന തൊറേന്ത് തള്ളുവാര്. ആന കഡേഗല മാട്ട്‌ക്ക് നമ്പിക്കേല് ഒറേത്ത് നില്ല്‌ന്റവാന് തപ്പിസി കഡാക്കുവാന്.

മത്തായി 10:39

തന്ന് ഉജുരുന പേ്ണ്‌സ്യ നോഡുന്റവാന് അദ്‌ന കെ്ഡേസമാട്ടാന്. എനാക്ക് ബേ്ണ്ടി തന്ന് ഉജുരുന പേ്ണ്‌സത്തവാന്‌ക്ക് സാമി അദ്‌ന കൊഡുക്കുവാന്.

മത്തായി 24:9

അയി ഗളിഗേക്ക് അവാര് നിമാന കൊഡിമെപഡിസ്യ കൊഡുക്കുവാര്. അവാര് നിമാന കൊല്ലുവാര്. നിമ്മ എനാന പറ്റി സൊല്ലുവാദ്‌നാലെ എല്ലാ ജാദിഗാള്‌മ് നിമാന തൊറേന്ത് തള്ളുവാര്.

മത്തായി 5:11

നിമ്മ എന്ന് സൊല്ലുപഡി നഡാക്കുവാദ്‌നാലെ നിമാന നാണഗെ്ഡ്‌സ്‌ഗാട്ടിമ് കൊഡിമെപഡ്‌സ്‌ഗാട്ടിമ് എല്ലാ ദിന്‌സ് കെ്ട്ട കാര്യഗാള് ഗേന്റവാരെന്റ് നിമാന പറ്റി ഉറുട്ടു സൊല്ലുഗാട്ടിമ് നിമ്മ ബാഗ്യകേ്ട്ടവാര്‌ത്തെ.

മര്‌ക്കോസു 13:13

നിമ്മ എനാന പറ്റി സൊല്ലുവാദ്‌നാലെ ആള്‌ഗാളൊട്ടുക്കു നിമാന തൊറേന്ത് തള്ളുവാര്. ആന കഡേഗല മാട്ട്‌ക്ക് നമ്പിക്കേല് ഒറേത്ത് നില്ല്‌ന്റവാന് തപ്പിസി കഡാക്കുവാന്.>>

ലൂക്കോസു 21:12

ഇദ്‌ഗാളെല്ല നഡാക്കുവാദ്‌ക്ക് മുദാല് എനാന നമ്പുവാദ്‌നാലെ അവാര് നിമാന പ്‌ഡിത്ത് കൊഡിമെപഡിസിമ്, എഗുദാര് പരേസുവ ബീ്ഡ് അദിഗാരിഗാള് കയിക്ക് കൊഡുത്തു ജെയില്‌ക്ക്‌മ് അഡേക്കുവാര്. അദല്ലാദെ നിമാന രാജാവുഗാള് കയിക്ക്‌മ് നാഡ് തലെവാര്‌ഗാള് കയിക്ക്‌മ് കൊഡുക്കുവാര്.

ലൂക്കോസു 21:17

നിമ്മ എനാന പറ്റി സൊല്ലുവാദ്‌നാലെ ആള്‌ഗാളൊട്ടുക്കു നിമാന തൊറേന്ത് തള്ളുവാര്.

ലൂക്കോസു 6:22

മന്‌സാനായി പ്‌റാന്ത്‌റ്‌ക്കുവ എന്ന് സൊല്ലുപഡി നിമ്മ നഡാക്ക്‌ന്റവാര് ആയിര്‌ക്കുവാദ്‌നാലെ ആള്‌ഗാള് നിമാന പഗേക്കാട്ടിമ്, നിമാന തമ്മ് കൂട്ടാക്ക് സേത്താദിര്‌ക്കാട്ടിമ്, നിമാന നാണഗെ്ഡ്‌സ്‌ഗാട്ടിമ്, നിമാന കെ്ട്ടവാര് എന്റ് സൊല്ലുഗാട്ടിമ് നിമ്മ ബാഗ്യകേ്ട്ടവാര്.

ഓഗന്നാന് 15:24

ബേ്റെ ആര്‌മ് ഗേഗാത്ത കാര്യഗാള്‌ന അവാര് പട്ട്‌ല് നാന് ഗേഗാദിന്തിന്തദാന അവാര്‌ക്ക് പാവ ഇല്ലാദിന്ത്‌റ്‌ക്ക്‌മ്. ആന ഇന്നാല് ഈ കാര്യഗാള്‌നെല്ല അവാര് കണ്ട്‌മ് ഇര്‌ന്റാര്, എനനാമ് എന്നപ്പാന് സാമിനാമ് തൊറേന്ത്‌മ് ഇര്‌ന്റാര്.

ഓഗന്നാന് 16:3

എനാനഗൊ, എന്ന് അപ്പാന് സാമിനഗൊ അവാര്‌ക്ക് തെര്യാത്താദ്‌നാലെ അവാര് നിമാന ഇത്തെല്ല ഗേവാര്.

ഓഗന്നാന് 17:25

നേര്‌മെഗാറാന് ആയിര്‌ക്കുവ അപ്പാന് സാമ്യെ, ഉലഗാത്ത്‌ലവാര്‌ക്ക് നീ ആരെന്റ് തെര്യാലെ. എനാക്കൊ നിനാന തെരിന്ത്‌റ്‌ക്ക്‌ന്റ്. നീ എനാന സൊല്ലി ബ്‌ട്ട്‌റ്‌ക്ക്‌ന്റായി എന്റ് ഇവാര്‌ക്ക്‌മ് തെരിന്ത്‌റ്‌ക്ക്‌ന്റ്.

ഓഗന്നാന് 8:19

അദുക്കുള അവാര്: <<നിന്ന് അപ്പാന് ഏദ്‌ല്?>> എന്റ് അയാള്‌ന കേ്ട്ടാര്. അദ്‌ക്ക് ഏസ്സ്: <<നാന് ആര് എന്റ്‌മ് എന്നപ്പാന് ആര് എന്റ്‌മ് നിമാക്ക് തെര്യ. നാന് ആരെന്റ് നിമാക്ക് തെരിന്തിന്തദാന എന്നപ്പാന് ആരെന്റ്‌മ് നിമാക്ക് തെരിന്തിന്ത്‌റ്‌ക്ക്‌മ്>> എന്റ് ബദ്‌ല് സൊന്നാന്.

ഓഗന്നാന് 8:54

ഏസ്സ് അവാര്‌ക്ക്: <<നാന് എനാന താനെ മദ്‌പ്പുള്ളവാന് മാഡ്‌ന അയി മദ്‌പ്പ്‌ക്ക് ഒന്റു ബെലേമ് ഇല്ലെ. എനാന മദ്‌പ്പുള്ളവാന് മാഡ്‌ന്റവാന് എന്നപ്പാന്‌ത്തെ. അയാള്‌ന നിമ്മ് സാമി എന്റ് നിമ്മ സൊന്റുറു.

ഓഗന്നാന് 8:55

എന്റാല്‌മ് നിമാക്ക് അയാള്‌ന തെരിവാദില്ലെ. എനാക്ക് അയാള്‌ന തെരിമ്. എനാക്ക് അയാള്‌ന തെര്യ എന്റ് നാന് സൊന്നദാന നാന്‌മ് നിമാന പാസെ ഉറുട്ടു സൊന്റവാനാവെ. ആന എനാക്ക് അയാള്‌ന തെരിമ്. അയാള് സൊല്ലുപഡിക്ക്‌മ് നഡാക്ക്‌ന്റെ.

അപ്പോസുത്തലാര് 17:23

നിമ്മ് പട്ടണമേലെ നഡാന്ത് പോഗാട്ടി നിമ്മ കുമ്മുഡി നഡാക്കുവ എ്ഡെഗാള്‌ന നാന് കണ്ടേന്. അദുക്കുള അദ്‌ല് നിമ്മ പലി കൊഡുക്കുവ മദ്‌ല്‌നാമ് അയി മദ്‌ല്‌ല് <ആര്‌ക്ക്‌മ് തെര്യാത്ത സാമി> എന്റ് എ്ള്‌ദി ബെത്ത്‌റ്‌ക്കുവാദ്‌നാമ് കണ്ടേന്. നിമാക്ക് ആര് എന്റ് തെര്യാദെ താനെ നിമ്മ കുമ്മുഡി നഡാക്കുവ അയി സാമിന പറ്റിത്തെ നാന് നിമാക്ക് സൊല്ലുവാദ്.

അപ്പോസുത്തലാര് 26:9

നസറേത്ത്‌ഗാറാന് ഏസ്സ്‌ന നമ്പ്‌ന്റവാരോഡ ജൂദുപ്‌ഡിത്ത് എനാക്ക് ഗേയ മുഡിവാദ്‌ന ഒട്ടുക്കു ഗേഡൊ എന്റ് നാന് നെനേത്തിന്തേന്.

അപ്പോസുത്തലാര് 3:17

അണ്ണനാമെ തമ്പ്യാമെ, നിമാക്ക്‌മ് നിമ്മ് തലെവാര്‌ഗാള്‌ക്ക്‌മ് എന്ത് ഗേഡൊ എന്റ് തെര്യാദെ ഇന്താദ്‌നാലെത്തെ ഏസ്സ്‌ന ഇത്തെല്ല ഗേന്താദെന്റ് എനാക്ക് തെരിമ്.

അപ്പോസുത്തലാര് 4:17

ആന ഈ കാര്യ ആള്‌ഗാള് എ്ഡേല് പജാക്കാദെ ഇര്‌ക്ക്യ ഇന്നി എന്നാല്‌ക്ക്‌മ് ആരോഡാമ് ഈ പേര്‌ല് നായനൊഡ്യാദേന് എന്റ് അവാര്‌ന മെ്റ്‌ട്ട്‌ഗാന്>> എന്റ് സൊന്നാര്.

അപ്പോസുത്തലാര് 5:41

ഏസ്സ്‌ക്ക് ബേ്ണ്ടി മാനഗെ്ഡ്യ എ്ഡെ കെ്ഡേത്താദ്‌നാലെ അപ്പോസുത്തലാര് പിര്യപിര്യാത്ത് എഗുദ കോഡിദിലിന്ത് പോനാര്.

അപ്പോസുത്തലാര് 9:14

ദമാസ്‌കോസുലുമു നിനാന കുമ്മുഡുന്റവാര്‌ന ഒട്ടുക്കു പ്‌ഡിത്ത് എര്‌സലേമ്‌ക്ക് എ്ഡ്‌ത്ത് പോയാത്തെ അയാള് ഇന്നാല് ബന്ത്‌റ്‌ക്കുവാദ്. അദ്‌ക്കായി തനാക്ക് അദിഗര കൊഡുത്ത്‌റ്‌ക്കുവ കത്ത് അയാള് എഗുദാര് ദൊഡ്ഡ പൂസാര്യോഡ ഇന്ത് ബാങ്കിര്‌ക്ക്‌ന്റാന്.>>

അപ്പോസുത്തലാര് 9:16

എനാക്ക് ബേ്ണ്ടി എന്തെല്ല കജട്ടഗാള് താങ്കുഡൊ എന്നുവാദ്‌ന നാന് താനെ അയാള്‌ക്ക് കാട്ടി കൊഡുക്കുവേന്>> എന്റ് സൊന്നാന്.

റോമഗാറാര് 1:28

സാമിന പറ്റ്യുള്ള അറുവു കെ്ഡേസി നഡാക്കുവാദ്‌ല് ദൊഡ്ഡ കാര്യ ഒന്റുമില്ലെ എന്റ് നെനേക്കുവാദ്‌നാലെ ഗേയ പാങ്കില്ലാത്ത കാര്യഗാള് ഗേയ ബേ്ണ്ടി സാമി അവാര്‌ന കെ്ട്ട ബുദ്ദിഗാറാരായി പെ്ളേക്ക്യ ബ്‌ട്ടാന്.

1 കൊരിന്ത്യഗാറാര് 15:34

നല്ല നെനേവു ഉള്ളവാര് ആയി പാവ ഗേവാദ്‌ന തെ്റിന്ത് തള്ള്‌ന്. നാന് നിമാന നാണഗെ്ഡിസ്യ ബേ്ണ്ടി ഇത്തെ സൊന്റെ, നിമ്മ് കൂട്ടാത്ത്‌ല് ലേസ ആള്‌ഗാള്‌ക്ക് സാമിന പറ്റി ഒന്റു സുക്കുമു തെര്യ.

1 കൊരിന്ത്യഗാറാര് 2:8

ഈ ഉലഗാന ആള്‌ന്റവാര്‌ക്ക് ഈ അറുവുമ് ബുദ്ദിമ് ഉള്ള നായന നെപ്പ്കെ്ഡേക്കാലെ. ഈ നായന നെപ്പ്കെ്ഡേസിന്തദാന മദ്‌പ്പുള്ള ആണ്ടവാന്‌ന അവാര് കുരുസുലു കൊന്റ്‌റ്‌ക്കമാട്ടാര്.

2 തെസെലോനിക്ക്യഗാറാര് 1:8

അയി ഗളിഗേക്ക് നിമാന കൊഡിമെപഡ്‌സ്‌നവാര്‌ന കൊഡിമെപഡുസുവാദ്‌മ് കൊഡിമെ പട്ട നിമാന നിമ്മ്‌ദ്യോഡ പെ്ളേസുവാദ്‌മ് സാമി കണ്ണ്‌ക്ക് നീദ്യുള്ള കാര്യത്തെ.

1 ഓഗന്നാന് 3:1

നോഡുനുത്തെ, സാമി നമാന തന്ന് പ്‌ള്ളെഗാളെന്റ് സൊല്ലിര്‌ക്കുവാദ്‌നാലെ താന് നമ്മോഡ എത്ത്‌റ സീവാന്‌ബെത്തിന്താന് എന്നുവാദ്‌ന കാട്ട്‌ന്റ്. ആന ഉലഗാത്ത്‌ല ആള്‌ഗാളൊട്ടുക്കു തന്ന് പ്‌ള്ളെഗാള് അല്ലാത്താദ്‌നാലേമ് അപ്പാന് സാമിന പറ്റി തെര്യാത്താദ്‌നാലേമ് അവാര്‌ക്ക് നമാന പറ്റിമ് തെരിവാദില്ലെ.

3 ഓഗന്നാന് 1:7

എന്ത്‌ക്കെന്റ് സൊന്ന ഏസ്സ് ക്‌റ്‌സ്‌ത്ത്‌ന പറ്റി പഡുസുവ കാര്യഗാള്‌ന പഡിസ്യ ബേ്ണ്ടിത്തെ അവാര് ഒന്റൊന്റു എ്ഡേക്ക് പോവാദ്. ആന അവാര് അത്തെ പോഗാട്ടി ഏസ്സ്‌ന നമ്പാത്തവാരോഡ ഒന്റുമു ബാങ്കാദെത്തെ പോന്റാര്.

ബെ്ളിപട്ട കാര്യ 2:3

നിനാക്ക് പൊറിമോഡ താങ്ക്യ മുഡിന്റ്. എനാക്ക് ബേ്ണ്ടി കജട്ട പട്ട് ഗുഡി നീ സോറ്റു പോഗാദെ ഇര്‌ക്ക്‌ന്റായി എന്റ് എനാക്ക് തെരിമ്.