ഓഗന്നാന് 13:2 - സാമി സേദി

² ജാമ തീനി തിന്നുവ ഗളിഗെ ആറ്റ്. സെയിത്താന് കര്യോത്തുഗാറാന് സീമോനു മഗാന് ജൂദാന് മനേസ്സ്‌ക്ക് ഏസ്സ്‌ന കാട്ടി കൊഡുക്കുവ നെനേവു മുദാലെ കൊഡുത്തിന്താന്.

ഓഗന്നാന് 13:2 ပူးပေါင်းရင်းမြစ်များ

മത്തായി 10:4

തന്ന് ജാദിക്ക് ബേ്ണ്ടി എന്ത് ഗേയാമ് ബെജെഗാറാന് ആയിര്‌ക്കുവ സീമോനു, ഏസ്സ്‌ന കാട്ടി കൊഡുത്ത കര്യോത്തുഗാറാന് ജൂദാന്.

ലൂക്കോസു 22:3

തന്ന് സൊല്ലുപഡി നഡാക്കുവ പന്നന്റാള്‌ഗാള്‌ല് കര്യോത്തുഗാറാന് ജൂദാന് എന്റവാന് മനേസ്സ്‌ക്ക് സെയിത്താന് കെ്ട്ട നെനേവുന ബര്‌സ്സ്‌നാന്.

ലൂക്കോസു 22:31

<<സീമോനെ, സീമോനെ കേ്ള്. നിമാനൊട്ടുക്കു ഗോദിമ്പെ പാളേന തൂറ്റി തള്ളുവ പാസെ തൂറ്റി തള്ള്യ ബ്‌ഡ്‌ഡൊ എന്റ് സെയിത്താന് എനാന കേ്ട്ട് ബെത്തിന്താന്.

ഓഗന്നാന് 13:11

എന്ത്‌ക്കെന്റ് സൊന്ന തനാന കാട്ടി കൊഡുക്കുന്റവാന് ആരെന്റ് മുദാല് താനെ തെരിന്താദ്‌നാലെത്തെ <<നിമ്മ് കൂട്ടാത്ത്‌ല് എല്ലാവാര്‌മ് സുത്താപ്പുള്ളവാരല്ല>> എന്റ് ഏസ്സ് സൊന്നാദ്.

ഓഗന്നാന് 13:4

അദ്‌നാലെ ജാമ തീനി തിന്ന്യ കുക്കാന്ത്‌റ്‌ക്കാട്ടി ഏസ്സ് ഇ്ളാഗി ഉദ്ദാക്കിക്കിന്ത ഉഡുപ്പുന കളാത്തി ബെത്ത് ഒന്റു തോറുത്ത മുണ്ടുന എ്ഡ്‌ത്ത് ഇ്ഡ്‌പ്പ്‌ക്ക് കെ്ട്ട്‌നാന്.

അപ്പോസുത്തലാര് 5:3

അദുക്കുള പത്ത്‌റോസു അയാള്‌ക്ക് ഇത്തെ സൊന്നാന്: <<അനനാസെ, നീ സെയിത്താന് സൊല്ലുക്കു ആളായി സാമിനിഗാലോഡ ജൂദുപ്‌ഡിത്ത് ഉറുട്ടു സൊന്നാദ്‌മ് ബൂമി ബിറ്റ് കെ്ഡേത്ത പണാത്ത്‌ലിന്ത് ലേസ എ്ഡ്‌ത്ത് ബെത്താദ്‌മ് എന്ത്‌ക്ക്?

2 കൊരിന്ത്യഗാറാര് 8:16

നിമ്മ് കാര്യാത്ത്‌ല് എനാക്ക് ഇര്‌ക്കുവ അദേ സുറുസുറുപ്പുന തീത്തോസു മനേസ്സ്‌ക്ക്‌മ് കൊഡുത്ത സാമിക്ക് നാന് നണ്ണി സൊന്റെ.

എപസോസുഗാറാര് 2:3

അദുക്കുള നമ്മ് മനേസ്സ്‌ക്ക്‌മ് സരിഗലാക്ക്‌മ് പിര്യര്‌ക്കുവ കാര്യഗാള്‌ന ഗേന്ത് കൊണ്ടു നമ്മാമ് അഡ്‌ത്തവാര്‌ന പാസെ പാവ ഗേന്ത് കൊണ്ടു നഡാന്താമ്. അത്തെ ഗേന്ത് നഡാന്ത് നമ്മ സാമി മൊനേക്ക് ആളായിന്താമ്.

ബെ്ളിപട്ട കാര്യ 17:17

സാമി സൊല്ലുസുലാക്കാത്ത്‌ല് സൊല്ലിര്‌ക്കുവാദ് അദേപഡി നഡാക്ക മാട്ട്‌ക്ക് താന് ആസെപഡുവാദ്‌ന ഗേയാമ്, അവാര് ഒന്റേ സൊല്ലുലു താനെ ഇന്ത് രാജാവായി ആള്‌വാദ്‌ക്കുള്ള തമ്മ് അദിഗരാന ബേ്ണ്ട്‌ക്ക് കൊഡുക്ക്യാമ് സാമി അവാര് മനേസ്സ്‌ക്ക് നെനേവു കൊഡുത്താന്.