ഓഗന്നാന് 13:11 - സാമി സേദി

¹¹ എന്ത്‌ക്കെന്റ് സൊന്ന തനാന കാട്ടി കൊഡുക്കുന്റവാന് ആരെന്റ് മുദാല് താനെ തെരിന്താദ്‌നാലെത്തെ <<നിമ്മ് കൂട്ടാത്ത്‌ല് എല്ലാവാര്‌മ് സുത്താപ്പുള്ളവാരല്ല>> എന്റ് ഏസ്സ് സൊന്നാദ്.

ഓഗന്നാന് 13:11 ပူးပေါင်းရင်းမြစ်များ

ഓഗന്നാന് 13:18

<<നിമാന എല്ലാവാര്‌ന പറ്റിമ് നാന് സൊല്ലുവാദില്ലെ, നാന് തെരിന്തെ്ഡ്‌ത്തവാര്‌ന എനാക്ക് തെരിമ്. ആന <എന്ന് അഡേന എന്നോഡൊപ്പ തിന്റവാന് എനാന താനെ ഒദേക്ക്യ കാല് ഓങ്കിര്‌ന്റാന്> എന്റ് സാമി ബൊക്കുലു സൊല്ലിര്‌ക്കുവാദ് അദേപാസെ നഡാക്കുഡൊ.

ഓഗന്നാന് 13:2

ജാമ തീനി തിന്നുവ ഗളിഗെ ആറ്റ്. സെയിത്താന് കര്യോത്തുഗാറാന് സീമോനു മഗാന് ജൂദാന് മനേസ്സ്‌ക്ക് ഏസ്സ്‌ന കാട്ടി കൊഡുക്കുവ നെനേവു മുദാലെ കൊഡുത്തിന്താന്.

ഓഗന്നാന് 13:21

ഇത്തെ സൊല്ലി തീന്ത പ്‌റ ഏസ്സ് മനേസ്സ് ബെന്ത് ഇ്ഡിന്ത്‌ദ്, <<നാന് സത്ത്യമായിമ് നിമാക്ക് സൊന്റെ, നിമ്മ് കൂട്ടാത്ത്‌ല് ഒന്റാള് എനാന കാട്ടി കൊഡുക്കുവാന്>> എന്റ് അവാര്‌ക്ക് നേരെ സൊന്നാന്.

ഓഗന്നാന് 13:26

<<ഈ അഡെ തുണ്ടുന മുളുക്കി നാന് ആര്‌ക്ക് കൊഡുക്കുന്റേനൊ അവാന്‌ത്തെ>> എന്റ് ഏസ്സ് ബദ്‌ല് സൊന്നാന്. അദ്‌ക്ക് പ്‌റ അഡെ തുണ്ടുന മുളുക്കി സീമോനു മഗാന് കര്യോത്തുഗാറാന് ജൂദാന്‌ക്ക് ഏസ്സ് കൊഡുത്താന്.

ഓഗന്നാന് 17:12

നാന് അവാരോഡ ഇര്‌ക്കാട്ടി നാന് അവാര്‌ന നീ എനാക്ക് തന്ത്‌റ്‌ക്കുവ നിന്ന് സക്‌തില് കാത്ത് കൊണ്ടിന്തേന്. അവാര്‌ല് ആര്‌മ് കെ്ട്ട് പോഗാദെ നാന് അവാര്‌ന പാദ്‌ഗാത്ത് ബെത്തെ. സാമി ബൊക്കുലു സൊല്ലിര്‌ക്കുവാദ് നഡാക്ക്യ ബേ്ണ്ടി കെ്ട്ട് പോയ തഗ്‌ദ്യാനവാന് അല്ലാദെ ബേ്റെ ആര്‌മ് കെ്ട്ട് പോഗാലെ.

ഓഗന്നാന് 18:4

തനാക്ക് നഡാക്ക്യ പോവാദ്‌നെല്ലെ തെരിന്തനാലെ ഏസ്സ് ബെ്ളിഗെ പോയി: <<നിമ്മ ആര്‌ന പരാക്ക്‌ന്റ്‌റ്?>> എന്റ് അവാര്‌ന കേ്ട്ടാന്.

ഓഗന്നാന് 2:25

മന്‌സാന് മനേസ്സ്‌ല് ഇര്‌ക്കുവ എ്ണ്ണ എത്തവാദ് എന്റ് ഏസ്സ്‌ക്ക് താനെ തെരിന്തിന്ത്‌ദ്. അദ്‌നാലെ അവാര്‌ന പറ്റി ബേ്റെ ആള്‌ഗാള് തനാക്ക് സൊല്ലി കൊഡുക്കുവ തേവി ഇല്ലാദിന്ത്‌ദ്.