ഓഗന്നാന് 12:48 - സാമി സേദി48 എന്ന് നായന കേ്ള്‌ക്ക്യ മനേസ്സില്ലാദെ എനാന തള്ള്‌ന്റവാന്‌ന ബിദിക്ക്‌ന്റവാന് ഇര്‌ക്ക്‌ന്റാന്. നാന് സൊന്ന നായഗാള് താനെത്തെ അയാള്‌ന കഡേസി നാള്‌ല് ബിദിക്ക്‌മ്. အခန်းကိုကြည့်ပါ။ |
ഓഗന്നാന് 12:48
36 ပူးပေါင်းရင်းမြစ်များ
ഏസ്സ് അവാര്‌ക്ക്: << <ബീ്ഡ് ഗിലാസ ഗേന്റവാര് മോസ എന്റ് തെ്റിന്ത് തള്ള്‌ന കല്ല്‌ത്തെ ബീ്ഡ് എ്ഡ്‌ക്കാട്ടി എല്ലാ കല്ല്‌ഗാള്‌ന ബ്‌ഡ മുക്ക്യമാന കല്ല് ആയി തള്ള്‌ട്ട്, ഇദ് ആണ്ടവാന്‌നാലെ നഡാന്താദ്, അദ് നമ്മ് കണ്ണ്‌ക്ക് അദിസ്യുള്ള കാര്യ ആയിര്‌ക്ക്‌ന്റ്> എന്റ് സാമി ബൊക്കുലു എ്ള്‌ദിര്‌ക്കുവാദ്‌ന നിമ്മ ഇന്നമാട്ട്‌ക്ക് പഡിത്ത് നോഡാലേഗ?
മന്‌സാനായി പ്‌റാന്തവാന്‌ക്ക് ഇന്നി എഞ്ചോ കജട്ടഗാള് താങ്ക്യ ഇര്‌ക്ക്‌ന്റ് എന്റ് സൊല്ലുപഡി നഡാക്ക്‌ന്റവാര്‌ക്ക് സൊല്ല്യ പ്‌ഡിത്താന്. മൂപ്പനാമ്‌ഗാള്‌മ് എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് അയാള്‌ന ബേ്ഡ എന്റ് തള്ളി കൊല്ലുവാര്. അദ്‌ക്ക് പ്‌റ മൂറു നാള് കളിന്ത് ഉജുര്‌ളാഗുവെ എന്റ് സൊന്നാന്.
ഉലഗാത്ത്‌ല് ഇര്‌ക്കുവ ആള്‌ഗാള്‌ന ഒട്ടുക്കു ബിദിക്ക്യ സാമി ഒന്റു നാള് ബെത്ത്‌റ്‌ന്റാന്. ആര്‌ക്ക്‌മ് കുറ്റ സൊല്ല്യ മുഡ്യാത്ത പാസെ ആയിര്‌ക്കു അയി ബിദി. അദ് താന് തെരിന്തെ്ഡ്‌ത്ത മന്‌സാന്‌ന ബെത്ത്‌ത്തെ നഡാത്തുവാന്. അയി മന്‌സാന്‌ന സത്തവാര്‌ലിന്ത് ഉജുര്‌ളാക്ക്‌നാദ്‌നാലെ സാമി അദുക്കുള്ള ഒറേപ്പ്‌മ് ആള്‌ഗാള്‌ക്ക് ഒട്ടുക്കു കൊഡുത്ത്‌റ്‌ന്റാന്.>>
സാമി സൊല്ലുസുലാക്ക ഉജുരു ഉള്ളാദ്‌മ് സക്‌ത്യുള്ളാദ്‌മ്‌ത്തെ. അദ് റാഡ് സാരിമ് ഉരുക്കുള്ള എല്ലാ ബാള്‌ഗാള്‌ന ബ്‌ഡ ഉരുക്കുള്ളാദ്‌ത്തെ. അദ് മനേസ്സ്‌നാമ് ഉജുരുനാമ് അദേപാസെ മൂട്ടുഗാള്‌നാമ് എല്‌മ്പ് മൂളെഗാള്‌നാമ് അലാക്കലാക്ക ബ്‌ഡ്‌സുവ മാട്ട്‌ക്ക് ഒഡേത്ത് പോവാദ്‌ത്തെ. അദ് നെഞ്ച് കുളാക്ക്‌ല നെനേവുഗാള്‌നാമ് ആസെഗാള്‌നാമ് സോദണെ ഗേന്ത് അദ് നല്ലാദ കെ്ട്ടാദ എന്റ് ബിദിക്ക്‌ന്റ്.
ကြော်ငြာတွေ