ഓഗന്നാന് 12:42 - സാമി സേദി

⁴² എന്റിന്ത് ഗുഡി എഗുദാര് തലെവാര്‌ഗാള്‌ല് എഞ്ചോ ആള്‌ഗാള് ഏസ്സ്‌ല് നമ്പിക്കെ ബെത്താര്. ആന പരിസാര് തമാന എഗുദാര് പരേസുവ ബീ്ഡ്‌ക്ക് സേത്താദെ മുഡുക്കുവാര് എന്റ് നെനേത്ത് ഏസ്സ്‌ല് നമ്പിക്കെ ബെക്ക്‌ന്റേമ് എന്റ് അവാര് എദ്‌ക്ക സൊല്ലാലെ.

ഓഗന്നാന് 12:42 ပူးပေါင်းရင်းမြစ်များ

മത്തായി 10:32

ആരാറ്റ <നാന് ഏസ്സ്‌ക്കുള്ളവാന്‌ത്തെ> എന്റ് ആള്‌ഗാള്‌ക്ക് എദ്‌ക്ക സൊന്നദാന മേലോഗാത്ത്‌ല എന്നപ്പാന് മുന്നുക്കു നാന്‌മ് <അയാള്‌ എനാക്കുള്ളവാന്‌ത്തെ> എന്റ് സൊല്ലുവെ.

ലൂക്കോസു 12:8

<<ആരാറ്റ <നാന് ഏസ്സ്‌ക്കുള്ളവാന്‌ത്തെ> എന്റ് ആള്‌ഗാള്‌ക്ക് എദ്‌ക്ക സൊന്നദാന മന്‌സാനായി പ്‌റാന്ത നാന്‌മ് സാമിദൂദാര്‌ഗാള് മുന്നുക്കു ബെത്ത് <അവാന് എനാക്കുള്ളവാന്‌ത്തെ> എന്റ് സൊല്ലുവെ എന്റ് നിമാക്ക് സൊന്റെ

ലൂക്കോസു 23:13

പീലത്തോസു എഗുദാര് പൂസാരി തലെവാര്‌ഗാള്‌നാമ്, എഗുദാര് തലെവാര്‌ഗാള്‌നാമ്, ആള്‌ഗാള്‌നാമ് ബ്‌ളിത്ത് ബരിസ്സി

ലൂക്കോസു 6:22

മന്‌സാനായി പ്‌റാന്ത്‌റ്‌ക്കുവ എന്ന് സൊല്ലുപഡി നിമ്മ നഡാക്ക്‌ന്റവാര് ആയിര്‌ക്കുവാദ്‌നാലെ ആള്‌ഗാള് നിമാന പഗേക്കാട്ടിമ്, നിമാന തമ്മ് കൂട്ടാക്ക് സേത്താദിര്‌ക്കാട്ടിമ്, നിമാന നാണഗെ്ഡ്‌സ്‌ഗാട്ടിമ്, നിമാന കെ്ട്ടവാര് എന്റ് സൊല്ലുഗാട്ടിമ് നിമ്മ ബാഗ്യകേ്ട്ടവാര്.

ഓഗന്നാന് 11:45

മറിയാന നോഡ്യ ബന്ത എഗുദാര്‌ല് പല ആള്‌ഗാള്‌മ് ഏസ്സ് ഗേന്ത ഈ കാര്യന കണ്ട് അയാള്‌ന നമ്പ്‌നാര്.

ഓഗന്നാന് 12:11

എന്ത്‌ക്കെന്റ് സൊന്ന ലാസാറ് ഉജുരോഡ ഇര്‌ക്കുവാദ്‌നാലെ എഞ്ചോ എഗുദാര് ഇവാര്‌ന തള്ളി ഏസ്സ്‌ന നമ്പ്‌നാര്.

ഓഗന്നാന് 16:2

അവാര് നിമാന എഗുദാര് പരേസുവ ബീ്ഡ്‌ഗാള്‌ലിന്ത് മുഡിക്കി ബ്‌ഡുവാര്, അദ്‌താനേമല്ല അവാര് നിമാന കൊല്ലുഗാട്ടി സാമിക്ക് ബേ്ണ്ടി ഒന്റു നല്ല കാര്യ ഗേന്റേമ് എന്റ് നെനേക്കുവ ഗളിഗെ ബന്റ്.

ഓഗന്നാന് 19:38

അദ്‌ക്ക് പ്‌റ അരിമത്ത്യ പട്ടണഗാറാന് ഓസേപ് ഏസ്സ് സാവുന എ്ഡ്‌ത്ത് പോയ ബ്‌ഡ്‌ഡൊ എന്റ് പീലത്തോസുന കേ്ട്ടാന്. അയാള് എഗുദാര്‌ക്ക് അഞ്ചി സൂഗാന ഏസ്സ് സൊല്ലുപഡി നഡാന്തിന്തവാന് ആയിന്താന്. എ്ഡ്‌ത്ത് പോനു എന്റ് പീലത്തോസു സൊല്ലുഗാട്ടി അയാള് ബന്ത് ഏസ്സ് സാവുന എ്ഡ്‌ത്ത് പോനാന്.

ഓഗന്നാന് 3:2

അയാള് ജാമാത്ത്‌ല് ഏസ്സ് പട്ട്‌ക്ക് ബന്ത്: <<ഗുരുവെ, നീ സാമി പട്ട്‌ലിന്ത് പഡ്‌സ്‌ന്റവാനായി ബന്ത്‌റ്‌ക്ക്‌ന്റായി എന്റ് എമാക്ക് തെരിന്റ്. സാമി നിന്നോഡൊപ്പ ഇര്‌ക്കാദെ പോന നീ ഗേവ ഈ അദിസ്യമാന അഡ്യാളഗാള് ഗേയ ആര്‌ക്ക്‌മ് മുഡ്യാമാട്ട>> എന്റ് സൊന്നാന്.

ഓഗന്നാന് 7:13

ആന എഗുദാര്‌ക്ക് അഞ്ചി ആള്‌ഗാള് കേ്ള്‌ക്കുവ പാസെ ആര്‌മ് അയാള്‌ന പറ്റി നായനൊഡ്യാലെ.

ഓഗന്നാന് 7:31

എന്റാല്‌മ് ആള്‌ഗാള്‌ല് എഞ്ചോ ആള്‌ഗാള് ഏസ്സ്‌ന നമ്പ്‌നാര്. <<ക്‌റ്‌സ്‌ത്ത് ബര്‌ഗാട്ടി ഇയാള് ഗേന്താദ്‌ന ബ്‌ഡ മൊത്തന അദിസ്യമാന അഡ്യാളഗാള് അയാള് ഗേവാന?>> എന്റ് അവാര് സൊന്നാര്.

ഓഗന്നാന് 9:22

എഗുദാര്‌ക്ക് അഞ്ചിത്തെ അവാന് അവ്വ്യപ്പാന് ഇത്തെ സൊന്നാദ്. എന്ത്‌ക്കെന്റ് സൊന്ന, ഏസ്സ്‌ന ക്‌റ്‌സ്‌ത്ത് എന്റ് സൊന്റവാര്‌നെല്ല എഗുദാര് പരേസുവ ബീ്ഡ്‌ക്ക് സേത്ത ബേ്ഡ എന്റ് എഗുദാര് മുദാല് താനെ സട്ട കെ്ട്ടിന്താര്.

ഓഗന്നാന് 9:34

<<നീ പ്‌റാക്കാട്ടിന്തെ ഒന്റേപെ്ട്ട് പാവ ഉള്ളവാന്‌ത്തെ. അത്തെ പ്‌റാന്ത നീ എമാക്ക് ബുദ്ദി സൊല്ലുന്റായ?>> എന്റ് സൊല്ലി അവാര് അയി കറുഡാന് ആയിന്തവാന്‌ന എഗുദാര് പരേസുവ ബീ്ഡ്‌ക്ക് സേത്താദെ മുഡിക്കി ബ്‌ട്ടാര്.

അപ്പോസുത്തലാര് 5:41

ഏസ്സ്‌ക്ക് ബേ്ണ്ടി മാനഗെ്ഡ്യ എ്ഡെ കെ്ഡേത്താദ്‌നാലെ അപ്പോസുത്തലാര് പിര്യപിര്യാത്ത് എഗുദ കോഡിദിലിന്ത് പോനാര്.

റോമഗാറാര് 10:10

നെഞ്ച്‌ല് നമ്പുവാദ്‌നാലെത്തെ സാമി നമാന നേര്‌മെഗാറാര് മാഡ്‌ന്റാന്, ബായില് സൊല്ലുവാദ്‌നാലെത്തെ സാമി നമാന കാപാറ്റ്‌ന്റാന്.

1 ഓഗന്നാന് 4:15

അദ്‌നാലെ ഏസ്സ് ക്‌റ്‌സ്‌ത്ത് മന്‌സാനായി പ്‌റാന്ത് ബന്ത് ഗേന്ത കാര്യഗാള്‌ന സൊല്ലി നഡാക്ക്‌ന്റവാരോഡ സാമി എ്ണേവു ബെത്ത്‌റ്‌ക്ക്‌ന്റാന്. അദേപാസെ അയാള്‌മ് സാമ്യോഡ എ്ണേവു ബെത്ത്‌റ്‌ക്ക്‌ന്റാന്.

1 ഓഗന്നാന് 4:2

അത്തെ സോദണെ ഗേഗാട്ടി ആരാരെല്ല സാമിനിഗാല്‌ല് സൊല്ലുന്റാര് എന്നുവാദ്‌ന നമാക്ക് കാണ്യ മുഡിമ്. സാമിനിഗാല് സൊല്ല്യ സൊല്ലുഗാട്ടി സൊല്ലുന്റവാര് ഏസ്സ് ക്‌റ്‌സ്‌ത്ത് മന്‌സാനായി പ്‌റാന്ത് ബന്ത് ഗേന്ത കാര്യഗാള്‌ന ബെത്ത്‌ത്തെ സാമിന പറ്റി സൊല്ലുവാര്.