ഓഗന്നാന് 12:31 - സാമി സേദി

³¹ ഈ ഉലഗാത്ത്‌ല ആള്‌ഗാള്‌ന സാമി ബിദിക്കുവ ഗളിഗെ ഇന്നാല്‌ത്തെ. ഈ ഉലഗാന ആള്‌ന്റവാന്‌ന സാമി ഇന്നാല് മുഡിക്കി ബ്‌ഡുവാന്.

ഓഗന്നാന് 12:31 ပူးပေါင်းရင်းမြစ်များ

മത്തായി 12:28

ആന നാന് സാമിനിഗാല്‌ന ബെത്ത്‌ത്തെ കെ്ട്ടജാദിഗാള്‌ന തട്ടിസി തള്ളുവദാന സാമി ആളുവാദ് നിമ്മ് പട്ട്‌ക്ക് ബന്ത് എജ്ജിര്‌ക്ക്‌ന്റ്.

ഓഗന്നാന് 14:30

നാന് ഇന്നി നിമ്മോഡ എഞ്ചോ ഗളിഗെ നായനൊഡ്യമാട്ടെ, എന്ത്‌ക്കെന്റ് സൊന്ന ഈ ഉലഗാന ആള്‌ന്റവാന് ബന്റാന്, ആന അയാള്‌ക്ക് എനാന ആള്യ ഒന്റു അദിഗരാമ് ഇല്ലെ.

ഓഗന്നാന് 3:19

അവാര് ഗേവ കാര്യഗാള് കെ്ട്ടാദ് ആനാദ്‌നാലെ ബെ്ള്‌സ ഉലഗാക്ക് ബന്ത് ഗുഡി ബെ്ള്‌സാനബ്‌ഡ ഇ്റ്‌ട്ട്‌ന പിര്യപൊങ്കുനാര്. അദ്‌നാലെത്തെ സാമി അവാര്‌ന കുറ്റ ബിദിക്കുവാദ്.

ഓഗന്നാന് 9:39

<<നാന് ഉലഗാക്ക് ബന്ത്‌റ്‌ക്കുവാദ് മന്‌സാര്‌ഗാള്‌ന ബിദിക്ക്യാത്തെ. അത്തെ കുറുഡാര് ആയിര്‌ക്ക്‌ന്റവാര്‌ക്ക് കണ്ണ് കാട്ട്‌മ്, കണ്ണ് കാട്ട്‌ന്റ് എന്റ് നെനേക്ക്‌ന്റവാര്‌ക്ക് കണ്ണ് കുറുഡുമു ബീ്വു>> എന്റ് ഏസ്സ് സൊന്നാന്.

അപ്പോസുത്തലാര് 26:18

നീ അവാര്‌ക്ക് സത്ത്യ എന്തെന്റ് കാട്ടി കൊഡുക്കുഡൊ. അത്തെ അവാര്‌ന ഇ്റ്‌ട്ട്‌ലിന്ത് ബെ്ള്‌സ സാരിമ് സെയിത്താന് അദിഗരാത്ത്‌ലിന്ത് സാമി സാരിമ് തിര്‌ക്കുഡൊ. അവാര് എനാന നമ്പുവാദ്‌നാലെ സാമി അവാര് പാവഗാള്‌ന പൊറുക്കുവാന്. അത്തെ സാമി തെരിന്തെ്ഡ്‌ത്തവാര് പട്ട്‌ല് അവാര്‌ക്ക് ഇര്‌ക്കുവ പങ്ക്‌മ് കെ്ഡേക്കുവു.> >>

1 കൊരിന്ത്യഗാറാര് 1:20

അന്നാപ്പ് അറിവാളിഗാള് ആര് ഇര്‌ക്ക്‌ന്റാര്? ബേദബാത്ത്യനാമ്‌ഗാള് ആര് ഇര്‌ക്ക്‌ന്റാര്? ഈ ഉലഗാത്ത്‌ല് ബാദിക്ക്യ ഉക്കിമെ ഉള്ളവാര് ആര് ഇര്‌ക്ക്‌ന്റാര്? ആര്‌മില്ലെ. എന്ത്‌ക്കെന്റ് സൊന്ന ഉലഗാത്ത്‌ലവാര് അറുവുന സാമി ബുദ്ദിഗെ്ട്ട അറുവു മാഡ്‌നാനല്ല?

1 കൊരിന്ത്യഗാറാര് 1:21

തമാക്കിര്‌ക്കുവ അറുവുലുമു ബുദ്ദില്‌മ് ഉലഗാത്ത്‌ല ആള്‌ഗാള്‌ക്ക് സാമിന നെപ്പ്‌കെ്ഡേസ്യ മുഡ്യാമാട്ട എന്റ് സാമി തന്ന് അറുവുലുമു ബുദ്ദില്‌മ് മുഡിവെ്ഡ്‌ത്താന്. അദ്‌നാലെ ബുദ്ദിഗെ്ട്ട നായ എന്റ് ആള്‌ഗാള് നെനേക്കുവ സേദിന നമ്പുവ ആള്‌ഗാള്‌ന കാപാറ്റ്യ സാമിക്ക് പിര്യ പ്‌ഡിത്ത്‌ദ്.

2 കൊരിന്ത്യഗാറാര് 4:4

ഏസ്സ്‌ന നമ്പാത്തവാര് മനേസ്സ്‌ന ഈ ഉലഗാത്ത്‌ല സാമ്യാന സെയിത്താന് കുറുഡു മാഡിര്‌ന്റാന്. അദ്‌നാലെ സാമി ഉരുവ ആയിര്‌ക്കുവ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിത്ത് മദ്‌പ്പ്‌ന അവാര്‌ക്ക് കാണ്യ മുഡിവാദില്ലെ.

എപസോസുഗാറാര് 6:12

എത്തെന്റ് സൊന്ന നമ്മ ജുദ്ദ ഗേവാദ് മന്‌സാരോഡല്ല. അദ്‌ക്ക് ബദ്‌ല കണ്ണ്‌ക്ക് കാട്ടാത്ത സെയിത്താന് പട്ടളഗാളോഡാമ് അവാര്‌ക്കിര്‌ക്കുവ അദിഗരഗാളോഡാമ് മാഗേലിന്ത് കൊണ്ടു തമാക്കിര്‌ക്കുവ ഏമാത്തുവ സക്‌തില് ഈ ഉലഗാന നഡാത്തി ബന്റവാരോഡാമ്‌ത്തെ ജുദ്ദ ഗേയ ഇര്‌ക്കുവാദ്.

കൊലേസ്യഗാറാര് 2:15

ഏസ്സ് അത്തെ ഗേന്താദ്‌നാലെ നമാന കുറ്റഗാറാര് മാഡുവ സട്ടഗാള്‌ന ബെത്ത് ദെ്ണ്ടിക്ക്യ ഒരിങ്കിന്ത മാഗെ ലോഗാത്ത്‌ല എല്ലാ അദിഗാരിഗാള്‌നാമ് ആള്‌ന്റവാര്‌നാമ് തന്ന് കാല്‌കഡി മാഡി താന് ഗെലിസി കഡാന്ത് അവാര്‌ന നാണഗെ്ഡ്‌സ്‌നാന്.

എവുറായാര് 2:14

പ്‌ള്ളെഗാള് സോരെനീര് ഇര്‌ക്കുവ മന്‌സാര്‌ഗാള് ആനാദ്‌നാലെ ഏസ്സ്‌മ് അവാര്‌ന പാസെ മന്‌സാന് ആനാന്. തനാക്ക് ബന്ത സാവുനാലെ സാവുക്കു അദിഗാരി ആന സെയിത്താന്‌ന അളിക്ക്യ ബേ്ണ്ടിത്തെ ഏസ്സ് ഇത്തെ അവാര്‌ന പാസെ ആനാദ്.

1 ഓഗന്നാന് 3:8

സാമി സട്ടാക്ക് മീ്റി പാവ ഗേന്ത് കൊണ്ടു ഇര്‌ക്ക്‌ന്റവാരെല്ല സെയിത്താന് പ്‌ള്ളെഗാള്‌ത്തെ. എന്ത്‌ക്കെന്റ് സൊന്ന മുദാലിന്തെ സാമി സട്ടാക്ക് മീ്റി സെയിത്താന് പാവ ഗേന്റാന്. സെയിത്താന് ഗേവ കാര്യഗാള്‌നെല്ല അളിക്ക്യാത്തെ സാമിമഗാന് മന്‌സാനായി പ്‌റാന്താദ്.

1 ഓഗന്നാന് 4:4

ആന പ്‌ള്ളെഗാളെ, സാമിനിഗാല്‌ല് സാമിപ്‌ള്ളെഗാള് ആയിര്‌ക്കുവ നിമ്മ അയാള്‌ന പാസെ ഇര്‌ക്കുവ ആള്‌ഗാള്‌ന സോലുസിര്‌ക്ക്‌ന്റ്‌റ്. എന്ത്‌ക്കെന്റ് സൊന്ന നിമ്മോഡിര്‌ക്കുവ സാമിനിഗാല് അവാരോഡിര്‌ക്കുവ നിഗാല്‌ന ബ്‌ഡ ദൊഡ്ഡവാന്‌ത്തെ.

1 ഓഗന്നാന് 5:19

സാമ്യോഡ എ്ണേവു ബെത്ത്‌റ്‌ക്കുവ നമ്മ സാമി പ്‌ള്ളെഗാളെന്റ്‌മ് സാമിന തെര്യാത്ത ഉലഗാത്ത്‌ല ആള്‌ഗാള് ഒട്ടുക്കു സെ്യ്‌ത്താന് കാല്‌കഡി ഇര്‌ന്റാര് എന്റ്‌മ് നമാക്ക് തെരിമ്.