ഓഗന്നാന് 12:25 - സാമി സേദി

²⁵ തന്ന് ഉജുരുന സീവാന്‌പഡ്‌ന്റവാന് അദ്‌ന കെ്ഡേസമാട്ടാന്. ആന ഈ ഉലഗാത്ത്‌ല് തന്നുജുരുന സീവാന്‌പഡാത്തവാന് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ക്ക് ബേ്ണ്ടി തന്നുജുരുന സൂസാരിത്ത് ബെക്ക്‌ന്റാന്.

ഓഗന്നാന് 12:25 ပူးပေါင်းရင်းမြစ်များ

മത്തായി 10:39

തന്ന് ഉജുരുന പേ്ണ്‌സ്യ നോഡുന്റവാന് അദ്‌ന കെ്ഡേസമാട്ടാന്. എനാക്ക് ബേ്ണ്ടി തന്ന് ഉജുരുന പേ്ണ്‌സത്തവാന്‌ക്ക് സാമി അദ്‌ന കൊഡുക്കുവാന്.

മത്തായി 16:25

ആരാറ്റ തന്ന് ഉജുരുന കാപാറ്റ്യ ആസെപട്ടദാന അയാള് അദ്‌ന കെ്ഡേസമാട്ടാന്. എനാക്ക് ബേ്ണ്ടി തന്ന് ഉജുരുന കൊഡുത്തദാന സാമി അദ്‌ന കൊഡുക്കുവാന്.

മത്തായി 19:29

എനാക്ക് ബേ്ണ്ടി സൊന്ത കാഡ്‌ബീ്ഡ്‌നാഗോ, അണ്ണാര്‌തമ്പ്യാര്‌നാഗോ, അക്ക്യാര്‌തങ്ക്യാര്‌നാഗോ, അവ്വ്യപ്പാന്‌നാഗോ, മക്കാള്‌നഗൊ ബ്‌ട്ട്‌തള്ള്‌നവാര്‌ക്ക് ബ്‌ട്ട്‌തള്ള്‌നാദ്‌ന ബ്‌ഡ ഇദ്‌ഗാളെല്ല അളാവുക്കു മീ്റി കെ്ഡേക്ക്‌മ്. അദ്‌താനേമല്ല എന്നാല്‌ക്ക്‌മ് ഇര്‌ക്കുവ പെ്ളേപ്പ്‌മ് കെ്ഡേക്ക്‌മ്.

മര്‌ക്കോസു 8:35

ആരാറ്റ തന്ന് ഉജുരുന കാപാറ്റ്യ ആസെപട്ടദാന അയാള് അദ്‌ന കെ്ഡേസമാട്ടാന്. ആന എനാക്ക് ബേ്ണ്ടിമ് നല്ല സേദിക്ക് ബേ്ണ്ടിമ് തന്ന് ഉജുരുന കൊഡുത്തദാന അയാള് അദ്‌ന കാപാറ്റുവാന്.

ലൂക്കോസു 14:26

<<എന്ന് പട്ട്‌ക്ക് ബന്ത് എന്ന് സൊല്ലുപഡി നഡാക്ക്യ ആസെപഡ്‌ന്റവാന് എനാന ബ്‌ഡ തന്ന് അവ്വ്യപ്പാന്‌നാഗോ, പെ്ണ്ട്‌പ്‌ള്ളെഗാള്‌നാഗൊ, അണ്ണാര്‌തമ്പ്യാര്‌ഗാള്‌നാഗൊ, അക്ക്യാര്‌തങ്ക്യാര്‌ഗാള്‌നാഗൊ, തന്നുജുരുനാഗൊ സീവാന്‌ബെത്ത് നഡാക്കുവദാന അയാള്‌ക്ക് എന്ന് സൊല്ലുപഡിക്ക് നഡാക്ക്‌ന്റവാന് ആയ മുഡ്യാമാട്ട.

ലൂക്കോസു 17:33

തന്ന് ഉജുരുന പേ്ണ്‌സ്യ നോഡുന്റവാന് അദ്‌ന കെ്ഡേസമാട്ടാന്. ആന തന്ന് ഉജുരുന പേ്ണ്‌സത്തവാന്‌ക്ക് സാമി അദ്‌ന കൊഡുക്കുവാന്.

അപ്പോസുത്തലാര് 20:24

എന്റാല്‌മ് നാന് പെ്ളേക്കുവാദൊ സാവാദൊ എനാക്ക് ദൊഡ്ഡാദല്ല. നാന് ഗേയ ബേ്ണ്ടി ഏസ്സ് ആണ്ടവാന് എനാക്ക് തന്ത്‌റ്‌ക്കുവ ഗിലാസാന ഗേന്ത് മുഡിക്കുഡൊ എന്നുവാദ്‌ത്തെ എന്ന് ഒന്റേ ഒന്റു ആസെ. സാമിക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലുഡൊ എന്നുവാദ്‌ത്തെ സാമി എനാക്ക് തന്ത്‌റ്‌ക്കുവ ഗിലാസ.

അപ്പോസുത്തലാര് 21:13

അദുക്കുള പവുലോസു: <<നിമ്മ എന്ത്‌ക്ക് ഇത്തെ ഗേവാദ്? നിമ്മ എന്ത്‌ക്ക് ഇത്തെ കേ്യിന്ത് എന്ന് മനേസ്സ്‌ന ദുക്കപഡ്‌സ്‌ന്റ്‌റ്? എര്‌സലേമ്‌ല് എനാന കെ്ട്ടി ബെക്ക്യ താനെ അല്ല ആണ്ടവാന് ഏസ്സ്‌ക്ക് ബേ്ണ്ടി അദ്‌ല് സായ ഗുഡി നാന് ഒരിങ്കിര്‌ന്റെ>> എന്റ് സൊന്നാന്.

എവുറായാര് 11:35

സത്ത് പോന തമ്മ് സൊന്തഗാറാര്‌ന പെ്ണ്ണ്‌മക്കാള്‌ക്ക് ഉജുരോഡ തിരിക്കി കെ്ഡേത്ത്‌ദ്. ആന ലേസ ആള്‌ഗാള് ഉജുര്‌ളാഗി നല്ലൊന്റു പെ്ളേപ്പ് കെ്ഡേക്ക്യ ബേ്ണ്ടി തമാന കൊഡിമെപഡ്‌സാദെ ബെ്റ്‌ദെ ബ്‌ഡുവാദ്‌ന ബേ്ഡെന്റ് ബെത്ത് കൊഡിമെ പട്ട് സത്താര്.

ബെ്ളിപട്ട കാര്യ 12:11

കൊറ്യാഡ് കുട്ടി സോരെനാലേമ് തമ്മ സൊന്ന സത്ത്യ സേദിനാലേമ് അവാര് അയി പാമ്പ്‌ന സോലുസുനാര്. തമ്മ് ഉജുരുന ദൊഡ്ഡാദ് എന്റ് നോഡാദെ സായ ഗുഡി അവാര് ഒരിങ്കിന്താര്.