ഓഗന്നാന് 12:17 - സാമി സേദി

¹⁷ ഏസ്സ് ലാസാറ്‌ന കല്ലളേലിന്ത് ബ്‌ളിത്ത് സത്തവാര്‌ലിന്ത് ഉജുര്‌ളാക്കാട്ടി അയാളോഡൊപ്പ ഇന്തവാര് ഇദ്‌ന പറ്റി ബേ്റെ ആള്‌ഗാള്‌ക്ക് സൊല്ലി കൊണ്ടിന്താര്‌ഗാള്.

ഓഗന്നാന് 12:17 ပူးပေါင်းရင်းမြစ်များ

ഓഗന്നാന് 1:19

<<നീ ആര്>> എന്റ് ഓഗന്നാന്‌ന കേ്ള്‌ക്ക്യ ബേ്ണ്ടി എര്‌സലേമ്‌ലിന്ത് ലേവ്യാര്‌നാമ് എഗുദാര് പൂസാരിഗാള്‌നാമ് എഗുദാര് തലെവാര്‌ഗാള് ഓഗന്നാന് പട്ട്‌ക്ക് സൊല്ലി ബ്‌ട്ടാര്.

ഓഗന്നാന് 1:32

ഓഗന്നാന് പിന്നേമ് അയാള്‌ന പറ്റി ഇത്തെ സൊന്നാന്: <<സാമിനിഗാല് സോറെ പക്കിന പാസെ മേലോഗാത്ത്‌ലിന്ത് ഇ്റാഗി ബന്ത് അയാള് കുദ്ദാക്ക് ഇര്‌ക്കുവാദ്‌ന നാന് കണ്ടേന്.

ഓഗന്നാന് 1:34

ഇദ്‌ന നാന് കണ്ടേന്. അദ്‌നാലെ അയാള് സാമിമഗാന് എന്റ് നാന് നിമാക്ക് സൊന്റേന്.>>

ഓഗന്നാന് 11:31

മറിയ ദ്‌ഡീരന ഇ്ളാഗി പോവാദ്‌ന ബീ്ഡ്‌ല് അവാളോഡ ഇന്ത് പിരാക്കികൊണ്ടിന്ത എഗുദാര് കണ്ട്: <<അവാള് തന്ന് തമ്പി സാവുന ബെത്ത കല്ലളെ പട്ട്‌ക്ക് കേ്യ പോന്റാള്>> എന്റ് നെനേത്ത് അവാള് പിന്ന്‌മേലെ പോനാര്.

ഓഗന്നാന് 11:42

നീ എന്ന് പരേസന ഒപ്പ കേ്ള്‌ക്ക്‌ന്റായി എന്റ് എനാക്ക് തെരിന്റ്. ആന എനാക്ക് സുറ്റീല്‌മ് ഇര്‌ക്കുവ ആള്‌ഗാള്‌ക്ക് ഉവഗരപഡ്യ ബേ്ണ്ടി നാന് ഇദ് സൊന്റെ. അത്തെ നീത്തെ എനാന സൊല്ലി ബ്‌ട്ട്‌റ്‌ക്കുവാദ് എന്റ് അവാര്‌ക്ക് നമ്പ്യ മുഡിമ്>> എന്റ് സൊന്നാന്.

ഓഗന്നാന് 12:9

ഏസ്സ് അദ്‌ലിര്‌ന്റാന് എന്റ് കേ്ട്ട് ദൊഡ്ഡ ഒന്റു കൂട്ട എഗുദാര് അദ്‌ക്ക് ബന്താര്. ഏസ്സ്‌ന കാണ്യ ബേ്ണ്ടി താനേമല്ല, ഏസ്സ് ഉജുര്‌ളാക്ക്‌ന ലാസാറ്‌ന കാണ്യാമ് ഗുഡിത്തെ അവാര് അദ്‌ക്ക് ബന്താദ്.

ഓഗന്നാന് 19:35

ഇത്തെ നഡാന്താദ്‌ന കണ്ടവാന് ഇദ്‌ന പറ്റി സൊല്ലിര്‌ക്ക്‌ന്റാന്. അയാള് സൊല്ലിര്‌ക്കുവാദ് സത്ത്യത്തെ. നിമ്മാമ് നമ്പ്യ ബേ്ണ്ടി അയാള് സൊല്ലുവാദ് സത്ത്യത്തെന്റ് അയാള്‌ക്ക് തെരിന്റ്.

ഓഗന്നാന് 21:24

ഏസ്സ് സൊല്ലുപഡിക്ക് നഡാക്കുവ ഇയാള്‌ത്തെ ഈ കാര്യഗാള്‌ന പറ്റി ആള്‌ഗാള്‌ക്ക് സൊല്ലുന്റവാന്‌മ് ഇദ്‌ന പറ്റി എ്ള്‌ദ്‌നവാന്‌മ്. അയാള് ആള്‌ഗാള്‌ക്ക് സൊല്ലുവ ഈ കാര്യ നേര്‌ത്തെ എന്റ് എമാക്ക് തെരിന്റ്.

അപ്പോസുത്തലാര് 1:22

ഓഗന്നാന് ഏസ്സ്‌ന മുളുഗുസ്‌ന നാള്‌ലിന്ത് ഏസ്സ്‌ന മേലോഗാക്ക് എ്ഡ്‌ത്ത് പോവ നാള് മാട്ട്‌ക്ക് ഏസ്സ് നമ്മോഡൊപ്പ നഡാന്തിന്താന്. അയി കാല മാട്ട്‌ക്ക് നമ്മോഡ നഡാന്തിന്തവാന് ആയിര്‌ക്കുഡൊ നമ്മ തെരിന്തെ്ഡ്‌ക്ക്‌ന്റവാന്.>>

അപ്പോസുത്തലാര് 5:32

ഈ കാര്യഗാള്‌ന കണ്ട എമാക്ക്‌മ് തന്ന് നായ കേ്ള്‌ക്ക്‌ന്റവാര്‌ക്ക് സാമി കൊഡുക്കുവ തന്ന് നിഗാല്‌ക്ക്‌മ് അദ് നേര് എന്റ് സൊല്ല്യ മുഡിമ്.>>

ബെ്ളിപട്ട കാര്യ 1:2

താന് കണ്ടാദെനല്ല ഓഗന്നാന് സൊന്നാന്. അദെല്ല സാമി സൊല്ലുസുലാക്കാമ് ഏസ്സ് ക്‌റ്‌സ്‌ത്ത് ബെ്ളിപഡിസി കൊഡുത്ത സത്ത്യാമ്‌ത്തെ ആയിന്ത്‌ദ്.