ഓഗന്നാന് 12:1 - സാമി സേദി

¹ പെസഗെ നോമ്പി ഗേവാദ്‌ക്ക് ആറ് നാള് മുദാല് താനെ സത്തവാര് പട്ട്‌ലിന്ത് താന് ഉജുര്‌ളാക്ക്‌ന ലാസാറ് ഇന്ത ബെദന്യ ഊരുക്കു ഏസ്സ് ബന്ത് എജ്ജ്‌നാന്.

ഓഗന്നാന് 12:1 ပူးပေါင်းရင်းမြစ်များ

മത്തായി 21:17

പ്‌റ ഏസ്സ് അവാര് പട്ട്‌ല് ഇര്‌ക്കാദെ അയി പട്ടണാത്ത്‌ലിന്ത് ബെദന്യ എന്നുവ ഊരുക്കു പോയി ജാമാത്ത്‌ല് അദ്‌ല് തങ്ക്‌നാന്.

മര്‌ക്കോസു 11:11

അത്തെ ഏസ്സ് എര്‌സലേമ്‌ക്ക് എജ്ജി നേരെ സാമിബീ്ഡ്‌ക്ക് പോനാന്. ആങ്കെജ്ജി അയാള് സാമിബീ്ഡ്‌ല് ഇര്‌ക്കുവാദ്‌ന ഒട്ടുക്കു സുറ്റുമു നോഡുനാന്. ആന നേര മജാക്കെ ആനാദ്‌നാലെ അയാള് പന്നന്റ് സൊല്ലുപഡി നഡാക്ക്‌ന്റവാരോഡ ബെദന്യാക്ക് പോനാന്.

ലൂക്കോസു 24:50

പ്‌റ ഏസ്സ് തന്ന് സൊല്ലുപഡി നഡാക്ക്‌ന്റവാര്‌ന ബെദന്യാക്ക് കൂട്ടി പോയി കയിന ഉജാത്തി അവാര്‌ക്ക് ബാക്ക്‌വര കൊഡുത്താന്.

ലൂക്കോസു 7:37

അയി പട്ടണാത്ത്‌ല് കണ്ടപഡിക്ക് നഡാന്തിന്ത ഒന്റൊരുത്തി ഏസ്സ് പരിസാന് ബീ്ഡ്‌ക്ക് ബന്ത് തിന്റ്‌കൊണ്ടു ഇര്‌ക്ക്‌ന്റാന് എന്റ് കേ്ട്ടാള്. അദുക്കുള അവാള് ബെലെപെറ്റ ഒന്റു കല്ല് കുപ്പിക്ക് ബെലെപെറ്റ ബാഡെ എ്ണ്ണേന എ്ഡ്‌ത്ത് ബന്താള്.

ഓഗന്നാന് 11:1

ബെദന്യ ഊരുലിന്ത ലാസാറ് എന്റ് സൊല്ലുവ ഒരുത്താന് നോയായിന്താന്. മറിയാമ് അവാള് അക്കേസി മാറ്‌ത്തേമ് ഇന്ത ഊരുത്തെ ബെദന്യ.

ഓഗന്നാന് 11:43

ഇത്തെ സൊന്ന പ്‌റ അയാള്: <<ലാസാറെ, ബെ്ളിഗെ ബാ>> എന്റ് ദൊഡ്ഡാദ്‌ക്ക് ബ്‌ളിത്ത് സൊന്നാന്.

ഓഗന്നാന് 11:44

അദുക്കുള സത്തവാന് ബെ്ളിഗെ ബന്താന്. അയാള് കയികാല്‌ന ബെ്ഡിപ്പുള്ള സീലേല് താനെ സുറ്റി കെ്ട്ടിമ് മൂഞ്ചിന തോറുത്ത മുണ്ടുലു താനെ മൂഡിമ് ബെത്തിന്താര്. <<അയാള് കെ്ട്ട്‌ന ഉക്കുനു, അയാള് പോഡൊ>> എന്റ് ഏസ്സ് അവാര്‌ക്ക് സൊന്നാന്.

ഓഗന്നാന് 11:55

എഗുദാര് ഗേവ പെസഗെ നോമ്പി അഡ്‌ത്തിന്ത്‌ദ്. തമ്മ സുത്താപ്പായ ബേ്ണ്ടി ഗേവ കാര്യഗാള്‌ന ഗേയ ബേ്ണ്ടി എഞ്ചോ ആള്‌ഗാള് പെസഗെ നോമ്പിക്ക് മുദാല് താനെ ഊരുഗാള്‌ലിന്ത് എര്‌സലേമ്‌ക്ക് പോനാര്.

ഓഗന്നാന് 12:12

ഏസ്സ് എര്‌സലേമ്‌ക്ക് ബന്റാന് എന്റ് നോമ്പിക്ക് ബന്ത ദൊഡ്ഡ ഒന്റു കൂട്ട ആള്‌ഗാള് മറ്‌നാള് കേ്ട്ടാര്.

ഓഗന്നാന് 12:20

നോമ്പി നാള് സാമിന കുമ്മുഡ്യ ബന്തവാര് കൂട്ടാത്ത്‌ല് ലേസ എവനഗാറാര്‌മ് ഇന്താര്.

ഓഗന്നാന് 12:9

ഏസ്സ് അദ്‌ലിര്‌ന്റാന് എന്റ് കേ്ട്ട് ദൊഡ്ഡ ഒന്റു കൂട്ട എഗുദാര് അദ്‌ക്ക് ബന്താര്. ഏസ്സ്‌ന കാണ്യ ബേ്ണ്ടി താനേമല്ല, ഏസ്സ് ഉജുര്‌ളാക്ക്‌ന ലാസാറ്‌ന കാണ്യാമ് ഗുഡിത്തെ അവാര് അദ്‌ക്ക് ബന്താദ്.