ഓഗന്നാന് 11:51 - സാമി സേദി

⁵¹ ഇദ് അയാള് താന്‌താനെ നെനേത്ത് സൊന്നാദല്ല, താന് അയി ബര്‌സ്സാത്ത്‌ല എഗുദാര് ദൊഡ്ഡ പൂസാരി ആനാദ്‌നാലെ എഗുദാര് ജാദിക്ക് ബേ്ണ്ടി ഏസ്സ് സായ ഇര്‌ക്ക്‌ന്റാന് എന്റ് സാമി അയാള്‌ന ബെത്ത് സൊന്നാദ്‌ത്തെന്റ.

ഓഗന്നാന് 11:51 ပူးပေါင်းရင်းမြစ်များ

മത്തായി 20:28

മന്‌സാനായി പ്‌റാന്തവാന് ബന്താദ് ആള്‌ഗാള് തനാന നോഡ്യമാഡ്യല്ല, ആള്‌ഗാള്‌ന നോഡ്യമാഡ്യാമ് എഞ്ചോ ആള്‌ഗാള് ഉജുരുന കെ്ഡേസ്യ ബേ്ണ്ടി തന്ന് ഉജുരുന കൊഡുക്ക്യ ബേ്ണ്ടിമ്‌ത്തെ ബന്താദ്. നിമ്മാമ് അദേപാസെത്തെ ആയിര്‌ക്കുഡൊ>> എന്റ് സൊന്നാന്.

ഓഗന്നാന് 11:49

അവാര് കൂട്ടാത്ത്‌ലിന്ത കയ്യപ്പാവു എന്റ് സൊന്റവാന് അയി ബര്‌സ്സാത്ത്‌ല എഗുദാര് ദൊഡ്ഡ പൂസാരി ആയിന്താന്. അയാള് അവാര്‌ക്ക്: <<നിമാക്ക് ഒന്റുമു തെര്യ.

ഓഗന്നാന് 18:13

മുദാല് അന്നാസ് പട്ട്‌ക്ക് എ്ഡ്‌ത്ത് പോനാര്. അയാള് അയി ബര്‌സ്സാത്ത്‌ല എഗുദാര് ദൊഡ്ഡ പൂസാരി ആയിന്ത കയ്യപ്പാവു മാമനച്ചാന് ആയിന്താന്.

1 കൊരിന്ത്യഗാറാര് 13:2

സാമി നായന നേരെ കേ്ട്ട് സൊല്ലുവ ബര ഒന്റു സമ്യ എനാക്ക് ഇന്ത് നാന് മറേന്ത്‌റ്‌ക്കുവ എല്ലാ പൊറുളുഗാള്‌ഗാള്‌ന നെപ്പ് കെ്ഡേസ്‌ന്റവാന്‌മ് എല്ലാ ദിന്‌സ്‌ല അറുവുമു ഇര്‌ക്ക്‌ന്റവാന്‌മ് ആല. മലെഗാള്‌ന മറ്‌ക്കുവ ദിന്‌സ്‌ല നമ്പിക്കേമ് എനാക്ക് ഒന്റു സമ്യ ഇര്‌ക്ക്‌ല. എന്റാല്‌മ് എനാക്ക് സീവാന് ഇല്ലാദെ പോന നാന് ആര്‌മല്ല.

2 കൊരിന്ത്യഗാറാര് 5:21

ക്‌റ്‌സ്‌ത്ത് പാവ ഇല്ലത്തവാന് ആയിന്താന്. നമ്മ ഗേന്ത പാവഗാള്‌നെല്ല സാമി അയാള് തലേക്ക് ഏ്റ്‌സ്‌നാന്. അത്തെ അയാളോഡ രാജി കൂഡിര്‌ക്കുവ പേര്‌ല് സാമി നമാന നേര്‌മെ ഉള്ളവാര് ആയി സേത്തി ബെക്ക്‌ന്റാന്.

ഗലാത്ത്യഗാറാര് 3:13

ഈ സട്ടപഡി നമാക്ക് തട്ട്‌ന സാപ്പന ക്‌റ്‌സ്‌ത്ത് തീത്ത് നമാന തിരിക്കി എ്ഡ്‌ത്താന്. അദ്‌ക്ക് ബേ്ണ്ടി നമാക്ക് ബദ്‌ല ക്‌റ്‌സ്‌ത്ത് സാപ്പ പ്‌ഡിത്തവാനായി കുരുസുലു നേന്റാന്. എന്ത്‌ക്കെന്റ് സൊന്ന <<മരാത്ത്‌ല് നേല്‌ന്റവാനെല്ല സാപ്പ പ്‌ഡിത്തവാന്>> എന്റ് സാമി സൊല്ലുസുലക്കാത്ത്‌ല് എ്ള്‌ദിര്‌ക്ക്‌ന്റല്ല.

1 പത്ത്‌റോസു 2:24

നമ്മ പാവാക്ക് ബേ്ണ്ടി ഇന്നി പെ്ളേക്കാദെ നേര്‌മേക്ക് ബേ്ണ്ടി പെ്ളേക്ക്യ ക്‌റ്‌സ്‌ത്ത് നമ്മ് പാവാനെല്ല തന്ന് സരിഗലാത്ത്‌ല് ഏറ്റെഡ്‌ത്ത് കൊണ്ടു കുരുസുലു സത്താന്. അയാള് പട്ട ഗായനാലെ നിമാക്ക് സുഗ കെ്ഡേത്ത്‌റ്‌ക്ക്‌ന്റ്.

1 പത്ത്‌റോസു 3:18

എന്ത്‌ക്കെന്റ് സൊന്ന നേര്‌മല്ലത്തവാര് ആയിര്‌ക്കുവ നിമാന സാമി പട്ട്‌ക്ക് എ്ഡ്‌ത്ത് പോയ ബേ്ണ്ടി നേര്‌മെഗാറാനാന ക്‌റ്‌സ്‌ത്ത് നിമ്മ് പാവാക്ക് ബേ്ണ്ടി ഒന്റു ജമ്പ് സത്താന്. അയാള് സരിഗലാത്ത്‌ല് സത്താല്‌മ് നിഗാല്‌നാലെ പെ്ളേക്ക്‌ന്റാന്.

1 ഓഗന്നാന് 2:2

നമ്മ ഗേന്ത പാവാക്ക് കെ്ഡേക്കുവ ദെ്ണ്ടണേക്ക് നമ്മ സിക്കാദിര്‌ക്ക്യ ഏസ്സ് നമ്മ് കണാക്ക് തനാന പലി കൊഡുത്താന്. നമ്മ് പാവാക്ക് താനെ അല്ല ഉലഗാത്ത്‌ല എല്ലാ ആള്‌ഗാള് പാവാക്ക്‌മ് ബേ്ണ്ടിത്തെ പലി കൊഡുത്താദ്.