ഓഗന്നാന് 11:47 - സാമി സേദി

⁴⁷ അദ്‌നാലെ എഗുദാര് പൂസാരി തലെവാര്‌ഗാള്‌മ് പരിസാര്‌ഗാള്‌മ് എഗുദാര് കോഡിദിലവാര്‌ന ഒന്റായി കൂട്ടി ബര്‌സ്സ്‌നാര്. <<നമ്മ എന്ത് ഗേയ? ഈ മന്‌സാന് എഞ്ചോ അദിസ്യമാന അഡ്യാളഗാള് ഗേന്റാനല്ല.

ഓഗന്നാന് 11:47 ပူးပေါင်းရင်းမြစ်များ

മത്തായി 26:3

അയി നാള് എഗുദാര് പൂസാരി തലെവാര്‌ഗാള്‌മ്, മൂപ്പനാമ്‌ഗാള്‌മ്, എഗുദാര് ദൊഡ്ഡ പൂസാരി കയ്യപ്പാവു ബീ്ഡ്‌ല് കൂട്ട കൂഡുനാര്.

മത്തായി 5:22

ആന നാന് നിമാക്ക് സൊല്ലുവാദ് എന്തെന്റ് സൊന്ന, ആരാറ്റോഡ മൊനേക്ക് തെ്ട്ട്‌ന്റവാനെല്ല നായാക്ക് സിക്കുവാന്. ആരാറ്റ്‌ന മൂളെ ഇല്ലത്തവാന് എന്റ് സൊല്ലി ബ്‌ളിക്ക്‌ന്റവാന് എഗുദാര് കോഡിദിക്ക് ബദ്‌ല് സൊല്ല്യ ബേ്ണ്ടി ബര്‌മ്. ആരാറ്റ്‌ന തൊലേന്തവാന് എന്റ് സൊല്ലുന്റവാനൊ അഗ്ഗിനി നരഗാക്ക് എരെ അവാന്.

മര്‌ക്കോസു 14:1

പുളില്ലാത്ത അഡെ സുഡുവ നോമ്പിക്ക്‌മ് പെസഗെ നോമ്പിക്ക്‌മ് ഇന്നാല് ഇന്നി റാഡ് നാള്‌ത്തെ ഇര്‌ക്ക്‌ന്റ്. അയി ഗളിഗേല് എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് ഏസ്സ്‌ന ഓസണോഡ പ്‌ഡിത്ത് കൊല്ല്യ നോഡികൊണ്ടിന്താര്.

ലൂക്കോസു 22:2

അദുക്കുള എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് ഏസ്സ്‌ന എത്തെ സൂഗാന കൊല്ല്യ മുഡിമ് എന്റ് ഓസണെ കെ്ട്ട്‌നാര്. എന്ത്‌ക്കെന്റ് സൊന്ന അവാര് ആള്‌ഗാള്‌ക്ക് അഞ്ചിന്താര്.

ഓഗന്നാന് 11:57

ആന എഗുദാര് പൂസാരി തലെവാര്‌ഗാള്‌മ് പരിസാര്‌ഗാള്‌മ് ഏസ്സ്‌ന പ്‌ഡിക്ക്യ ബേ്ണ്ടി അയാള് ഇര്‌ക്കുവ എ്ഡെന ആര്‌ക്കാറ്റ തെരിന്തദാന അറുവു കൊഡുക്കുഡൊ എന്റ് കല്‌പനെ കൊഡുത്തിന്താര്.

ഓഗന്നാന് 12:19

ഇദ്‌ന കണ്ട് പരിസാര് ആങ്കീങ്ക്: <<നോഡുനു, നമ്മ ഗേയ ഓരാഡുവ കാര്യഗാള് ഒന്റുമു നഡാക്കുവാദില്ലെ, ആള്‌ഗാള് ഒട്ടുക്കു ഏസ്സ് പിന്ന്‌മേലെ പോന്റാര്>> എന്റ് സൊന്നാര്.

ഓഗന്നാന് 2:11

ഇദ്‌ത്തെ ഏസ്സ് മുദാല് ഗേന്ത അദിസ്യമാന അഡ്യാള. ഇദ്‌ന ഗലീല നാഡ്‌ല കാനാവു എന്നുവ പട്ടണാത്ത്‌ല് ബെത്ത് ഗേന്ത് ഏസ്സ് തന്ന് മദ്‌പ്പ്‌ന കാട്ടി കൊഡുത്താന്. ഇദ്‌ന കണ്ട് ഏസ്സ് സൊല്ലുപഡി നഡാക്ക്‌ന്റവാര് അയാള്‌ന നമ്പ്‌നാര്.

ഓഗന്നാന് 6:2

അയാള് നോയിഗാറാര്‌ല് ഗേവ അദിസ്യമാന അഡ്യാളഗാള്‌ന കണ്ട് ദൊഡ്ഡ ഒന്റു ജനകൂട്ട അയാള് പിന്ന്‌മേലെ പോനാര്.

ഓഗന്നാന് 7:32

ആള്‌ഗാള് ഏസ്സ്‌ന പറ്റി ഇത്തെ ആങ്കീങ്ക് പജിക്കിപജിക്കി സൊല്ലുവാദ്‌ന പരിസാര് കേ്ട്ടാര്. അദ്‌നാലെ ഏസ്സ്‌ന പ്‌ഡിക്ക്യ എഗുദാര് പൂസാരി തലെവാര്‌ഗാള്‌മ് പരിസാര്‌ഗാള്‌മ് കാവ കാക്കുവ പട്ടളഗാറാര്‌ന സൊല്ലി ബ്‌ട്ടാര്.

ഓഗന്നാന് 7:45

അത്തെ കാവ കാക്കുവ പട്ടളഗാറാര് എഗുദാര് പൂസാരി തലെവാര്‌ഗാള്‌മ് പരിസാര്‌ഗാള്‌മ് പട്ട്‌ക്ക് തിരിഗി ബന്താര്. അദുക്കുള അവാര്: <<നിമ്മ എന്ത്‌ക്ക് അയാള്‌ന പ്‌ഡിത്ത് ബരാലെ>> എന്റ് അയി കാവഗാറാര്‌ന കേ്ട്ടാര്.

അപ്പോസുത്തലാര് 5:21

അദ്‌ന കേ്ട്ട് അപ്പോസുത്തലാര് റാവെതാനെ സാമിബീ്ഡ്‌ക്ക് പോയി പഡിസ്യ പ്‌ഡിത്താര്. എഗുദാര് ദൊഡ്ഡ പൂസാരിമ് അയാള് തൊണെഗാറാര്‌മ് എ്ണേന്ത് ഇസ്‌റവേല്‌ഗാറാര് മൂപ്പനാമ്‌ഗാളെല്ല ഇര്‌ക്കുവ എഗുദ കോഡിദിന കൂട്ടുനാര്, പ്‌റസാരി അപ്പോസുത്തലാര്‌ന അവാര് പട്ട്‌ക്ക് കൂട്ടി ബര്യ ജെയില്‌ക്ക് ആള്‌ബ്‌ട്ടാര്.

അപ്പോസുത്തലാര് 5:24

എഗുദാര് പൂസാരി തലെവാര്‌ഗാള്‌മ്, സാമിബീ്ഡ് കാവഗാറാര് തലെവാന്‌മ് ഇദ്‌ന കേ്ള്‌ക്കാട്ടി, അപ്പോസുത്തലാര്‌ക്ക് എന്ത് ആറ്റ് എന്റ് നെനേത്ത് അദിസ്യപട്ടാര്.