ഓഗന്നാന് 11:40 - സാമി സേദി

⁴⁰ അദുക്കുള ഏസ്സ് അവാള്‌ക്ക്: <<നീ നമ്പ്‌നദാന സാമിക്ക് ഇര്‌ക്കുവ മദ്‌പ്പ്‌ന നീ കാണുവായി എന്റ് നാന് സൊല്ലാലെഗ?>> എന്റ് സൊന്നാന്.

ഓഗന്നാന് 11:40 ပူးပေါင်းရင်းမြစ်များ

മത്തായി 17:20

<<നിമാക്ക് അരെഗൊറ്യ നമ്പിക്കെ ഇര്‌ക്കുവാദ്‌നാലെത്തെ നിമാക്ക് മുഡിക്ക്യ മുഡ്യാദിന്താദ്. നിമാക്ക് സ്‌ന്ന ഒന്റു കഡ്‌ഗ് ബെദേക്ക് സമ സാമ്യോഡ നമ്പിക്കെ ഇന്തദാന ഈ മലെന: <ഇദ്‌ലിന്ത് അത്തഗ പൊ> എന്റ് സൊന്നദാന അദ് പോമു. നിമാക്ക് ഒന്റുമു മുഡ്യാദാഗമാട്ട എന്റ് നാന് സത്ത്യമായിമ് നിമാക്ക് സൊന്റെ.

മര്‌ക്കോസു 9:23

<<എനാക്ക് മുഡിമ് എന്റ് നീ സൊന്റായ!>><<നമ്പിക്കെ ഇര്‌ക്ക്‌ന്റവാന്‌ക്ക് എല്ലാമ് മുഡിവു>> എന്റ് ഏസ്സ് സൊന്നാന്.

ഓഗന്നാന് 1:14

സാമി സൊല്ലുസുലാക്ക മന്‌സാന് പ്‌റാവി എ്ഡ്‌ത്ത്‌ദ്. അയാള് ഗവാമ് സത്ത്യാമ് തുമ്പുനവാനായി നമ്മ് പട്ട്‌ല് പെ്ളേത്തിന്താന്. അപ്പാന് സാമിത്ത് ഒന്റേ ഒന്റു മഗാന് മദ്‌പ്പ്‌ന സാമി സൊല്ലുസുലാക്ക ആനവാന്‌ല് എമ്മ കണ്ടേമ്.

ഓഗന്നാന് 11:4

ഇദ്‌ന കേ്ള്‌ക്കാട്ടി ഏസ്സ്: <<ഈ നോയി സാവുക്കല്ല, ഇദ് സാമി പേര്‌ക്ക് മദ്‌പ്പ് കെ്ഡേക്ക്യ ബേ്ണ്ടിത്തെ. അത്തെ സാമിമഗാന് പേര്‌ക്ക്‌മ് മദ്‌പ്പ് കെ്ഡേക്ക്‌മ്>> എന്റ് സൊന്നാന്.

ഓഗന്നാന് 12:41

ഏസ്സയ്യാവു ഏസ്സ്‌ക്ക് ഇര്‌ക്കുവ മദ്‌പ്പ്‌ന കണ്ട് അയാള്‌ന പറ്റി നായ നൊഡിന്താദ്‌നാലെത്തെ ഇത്തെ സൊന്നാദ്.

ഓഗന്നാന് 9:3

<<ഇയാളൊ ഇയാള് അവ്വ്യപ്പാനൊ പാവ ഗേന്താദ്‌നാലെ അല്ല ഇയാള് കുറുഡാനായി പ്‌റാന്താദ്. ഇയാള്‌ന തെ്ള്‌സ്‌ഗാട്ടി സാമി സക്‌തിന ആള്‌ഗാള് കാണ്യ ബേ്ണ്ടിത്തെ ഇയാള് കുറുഡാനായി പ്‌റാന്താദ്.

റോമഗാറാര് 6:4

അത്തെ അയാള് സാവുക്കു എ്ണേന്തവാരാന മുളുക്കാത്ത്‌ല് അയാളോഡൊപ്പ താനെ നമാന മഡെ ബെ്ട്ടി പാത്ത്‌നാര്. അത്തെ ക്‌റ്‌സ്‌ത്ത് സത്ത് അപ്പാന് സാമിക്കിര്‌ക്കുവ മ്‌ഗ്‌ന്ത സക്‌തില് ഉജുര്‌ളാഗി അയാള്‌ക്ക് പുദ്യ പെ്ളേപ്പ് കെ്ഡേത്ത പാസെ നമാക്ക്‌മ് പുദ്യ പെ്ളേപ്പ് കെ്ഡേക്ക്യ ബേ്ണ്ടിത്തെ.

2 കൊരിന്ത്യഗാറാര് 3:18

ഇത്തെ നമാന മറേത്ത്‌റ്‌ക്കുവ മറെന ആണ്ടവാന് ജറേത്ത് തള്ള്‌ന്റാന്. അത്തെ നമ്മ അയാള്‌ന സൊക്കാന നെപ്പ്‌കെ്ഡേസി കൊണ്ടു മദ്‌പ്പ്‌ക്ക് മേല് മദ്‌പ്പുള്ളവാരായി അയാള് ഉരുവാന പാസെ ആയി കൊണ്ടു ഇര്‌ക്ക്‌ന്റാമ്. ഇത്തെ നമാന മാഡുവാദ് ആണ്ടവാന് നിഗാല്‌ത്തെ.

2 കൊരിന്ത്യഗാറാര് 4:6

<<ഇ്റ്‌ട്ട്‌ലിന്ത് ബെ്ള്‌സ ബരുഡൊ>> എന്റ് സൊന്ന സാമി താനെത്തെ ഈ ബെ്ള്‌സാന എമ്മ് മനേസ്സ്‌ക്ക് തന്താദ്. അദ്‌നാലെത്തെ ഏസ്സ് ക്‌റ്‌സ്‌ത്ത് മൂഞ്ചിലിര്‌ക്കുവ സാമി മദ്‌പ്പ്‌ത്ത് അറുവു എമാക്ക് കെ്ഡേത്താദ്.