ഓഗന്നാന് 11:38 - സാമി സേദി

³⁸ ഏസ്സ്‌ക്ക് പിന്നേമ് മനേസ്സ്‌ല് മൊനേമ് സങ്കഡാമ് ബന്ത് ലാസാറ് സാവുന പാത്ത്‌ന പട്ട്‌ക്ക് എജ്ജ്‌നാന്. അദൊന്റു അളെ ആയിന്ത്‌ദ്. അയി അളെ ബായിക്ക് ഒന്റു കല്ല്‌നാമ് അഡേത്ത് ബെത്തിന്താര്.

ഓഗന്നാന് 11:38 ပူးပေါင်းရင်းမြစ်များ

മത്തായി 27:60

പ്‌റ താന് കല്ല്‌ന താനെ കൊദേന്ത് അളെ മാഡി ബെത്തിന്ത തന്ന് പുദ്യ ഒന്റു അളേക്ക് സാവുന ബെത്താന്. പ്‌റ കല്ലളെ ബായിക്ക് ഒന്റു ദൊഡ്ഡ കല്ല്‌ന അയാള് ഉറുട്ട്യെ്ഡ്‌ത്ത് ബന്ത് അഡേത്ത് തള്ളി പോനാന്.

മത്തായി 27:66

അത്തെ അവാര് പോയി കല്ലളേക്ക് അഡേത്ത് ബെത്ത കല്ല്‌ക്ക് മുദ്ദുറെ കുത്തിമ് കാവഗാറാര്‌ന ബെത്ത്‌മ് കല്ലളെന പാദ്‌ഗാപ്പ് മാഡ്‌നാര്.

മര്‌ക്കോസു 15:46

ഓസേപ് സാവുക്കു ഇക്ക്യ ബെ്ഡിപ്പുള്ള സീലെ ബാങ്കി ബന്താന്. അദ്‌ക്ക് പ്‌റ ഓസേപ് സാവുന കുരുസുലിന്ത് ഇ്റാക്കി അയി സീലേക്ക് ഇക്കി കെ്ട്ട്‌നാന്. കല്ല്‌ന താനെ കൊദേന്ത് മാഡി ബെത്തിന്ത ഒന്റു അളേക്ക് സാവുന ബെത്താന്. പ്‌റ കല്ലളെ ബായിക്ക് ഒന്റു ദൊഡ്ഡ കല്ല്‌ന അയാള് ഉറുട്ട്യെ്ഡ്‌ത്ത് ബന്ത് ബെത്താന്.

മര്‌ക്കോസു 8:12

അയാള് മനേസ്സ്‌കുളാക്ക് മുട്ടുമുട്ടുത്തു സുഗിത്ത് കൊണ്ടു: <<ഈ കാലാത്ത്‌ലവാര് അഡ്യാള പരാക്കുവാദ് എന്ത്‌ക്ക്? നാന് സത്ത്യമായിമ് നിമാക്ക് സൊന്റെ, അവാര്‌ക്ക് അഡ്യാള ഒന്റുമു കെ്ഡേക്കമാട്ട>> എന്റ് അവാര്‌ക്ക് സൊന്നാന്.

ലൂക്കോസു 24:2

അദുക്കുള കല്ലളെ ബായിക്ക് അഡേത്ത് ബെത്തിന്ത കല്ല്‌ന ഉറുട്ടി ജറേത്ത്‌റ്‌ക്കുവാദ്‌ന അവാര് കണ്ടാര്.

ഓഗന്നാന് 11:33

അവാള് കേ്യിവാദ്‌നാമ് അവാളോഡ ബന്ത എഗുദാര് കേ്യിവാദ്‌നാമ് കണ്ട് ഏസ്സ്‌ക്ക് മനേസ്സ്‌ല് മൊനേമ് സങ്കഡാമ് ബന്ത് സുഗിത്താന്.

ഓഗന്നാന് 20:1

ബാരാത്ത്‌ല് ഒണ്ണാവാദ് നാള് മദ്ദള പട്ടണഗാറിസി മറിയ ബെ്ഡ്യാകാല ജാമാത്ത്‌ല് ഇ്റ്‌ട്ട് ഇര്‌ക്കാട്ടിതാനെ കല്ലളെ പട്ട്‌ക്ക് പോനാള്. അദുക്കുള കല്ലളെ ബായിക്ക് അഡേത്ത് ബെത്തിന്ത കല്ല് അളെ ബായിലിന്ത് കളാന്ത് പോയിര്‌ക്കുവാദ്‌ന കണ്ടാള്.