ഓഗന്നാന് 11:25 - സാമി സേദി

²⁵ ഏസ്സ് അവാള്‌ക്ക്: <<നാന്‌ത്തെ ഉജുര്‌ളാക്ക്‌ന്റവാന്‌മ് ഉജുരു കൊഡുക്കുന്റവാന്‌മ്. എനാന നമ്പ്‌ന്റവാന് സത്താല്‌മ് പിന്നേമ് പെ്ളേക്കുവാന്.

ഓഗന്നാന് 11:25 ပူးပေါင်းရင်းမြစ်များ

ലൂക്കോസു 23:43

അദുക്കുള ഏസ്സ് അയാള്‌ക്ക്: <<നീ ഇന്റ് എന്നോഡൊപ്പ പറ്‌ദീസാല് ഇര്‌ക്കുവായി എന്റ് നാന് സത്ത്യമായി നിനാക്ക് സൊന്റെ>> എന്റ് സൊന്നാന്.

ഓഗന്നാന് 1:4

അയാള്‌ല് ഉജുരു ഇന്ത്‌ദ്. അയാള്‌ലിന്ത അയി ഉജുരു മന്‌സാന്‌ക്ക് ബെ്ള്‌സഡിത്ത് കൊണ്ടു ഇന്ത്‌ദ്.

ഓഗന്നാന് 14:19

സെറ്റെ കളിന്തദാന ഉലഗാത്ത്‌ല ആള്‌ഗാള് എനാന കാണമാട്ടാര്. ആന നിമ്മാഗൊ എനാന കാണുവുറു, നാന് പെ്ളേക്കുവാദ്‌നാലെ നിമ്മാമ് പെ്ളേക്കുവുറു.

ഓഗന്നാന് 14:6

ഏസ്സ് അയാള്‌ക്ക്: <<നാന്‌ത്തെ ബട്ടെ, നാന്‌ത്തെ സത്ത്യ, നാന്‌ത്തെ ഉജുരു. എന്ന്‌നാലെ അല്ലാദെ ആര്‌ക്ക്‌മ് അപ്പാന് പട്ട്‌ക്ക് പോയ മുഡ്യാമാട്ട.

ഓഗന്നാന് 3:16

തനാക്ക് ഒന്റേ ഒന്റു മഗാനായി പ്‌റാന്തവാന്‌ന നമ്പുവ ഏവാന്‌മ് കെ്ട്ട് പോഗാദെ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കെ്ഡേസ്യ ബേ്ണ്ടി സാമി അയാള്‌ന ഉലഗാക്ക് സൊല്ലി ബ്‌ട്ടാന്. ഇത്തെ തന്ന് ഒന്റേ ഒന്റു മഗാന്‌ന ഉലഗാക്ക് ബേ്ണ്ടി കൊഡുക്ക്യ മുഡിവളാവുക്കു സാമി അത്ത്‌റാക്ക്‌മ് ഉലഗാന സീവാന്‌പട്ടാന്.

ഓഗന്നാന് 3:36

മഗാന്‌ന നമ്പ്‌ന്റവാര്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ് കെ്ഡേക്ക്‌മ്. ആന മഗാന് പേസ് കേ്ള്‌ക്കത്തവാര്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ് കെ്ഡേക്കമാട്ട. അവാര് ഒന്റേപെ്ട്ട് സാമി ദെ്ണ്ടണേക്ക് ആളായി തള്ള്‌നാര്.>>

ഓഗന്നാന് 5:21

അപ്പാന് സാമി സത്തവാര്‌ന ഉജുര്‌ളാക്കി അവാര്‌ക്ക് ഉജുരു കൊഡുത്ത പാസെ മഗാന്‌മ് തനാക്ക് പ്‌ഡിത്തവാര്‌ക്ക് ഉജുരു കൊഡുക്കുവാന്.

ഓഗന്നാന് 5:26

അപ്പാന് സാമിക്ക് അയാള്‌ല് താനെ ഉജുരു ഇര്‌ക്കുവ പാസെ മഗാന്‌ക്ക്‌മ് അയാള്‌ല് താനെ ഉജുരു ഇര്‌ക്ക്യ ബെത്ത്‌റ്‌ക്ക്‌ന്റാന്.

ഓഗന്നാന് 6:35

അദുക്കുള ഏസ്സ് അവാര്‌ക്ക് ഇത്തെ സൊന്നാന്: <<നാന്‌ത്തെ ഉജുരു തരുവ അഡെ. എന്ന് പട്ട്‌ക്ക് ബന്റവാര്‌ക്ക് എന്നാല്‌ക്ക്‌മ് പജി പ്‌ഡിക്കമാട്ട. എനാന നമ്പ്‌ന്റവാന്‌ക്ക് ഇന്നി എന്നാല്‌ക്ക്‌മ് നീരറാക്കെ എ്ഡ്‌ക്കമാട്ട.

ഓഗന്നാന് 6:44

എനാന സൊല്ലി ബ്‌ട്ട അപ്പാന് എന്ന് പട്ട്‌ക്ക് എ്ഡ്‌ത്ത് ബരാദെ ആര്‌ക്ക്‌മ് എന്ന് പട്ട്‌ക്ക് ബര്യ മുഡ്യാമാട്ട. അത്തെ എ്ഡ്‌ത്ത് ബന്റവാന്‌ന നാന് കഡേസി നാള് ഉജുര്‌ളാക്കുവെ.

അപ്പോസുത്തലാര് 3:15

ഉജുരു തന്റവാന്‌ന നിമ്മ കൊന്റു തള്ള്‌ന്‌റ്, ആന സാമി അയാള്‌ന സത്തവാര് പട്ട്‌ലിന്ത് ഉജുര്‌ളാക്ക്‌നാന്. എമ്മ അദ്‌ന കണ്ടേമ്.

റോമഗാറാര് 4:17

സത്തവാര്‌ന ഉജുര്‌ളാക്ക്‌ന്റവാന്‌മ് ഇല്ലത്താദ്‌ലിന്ത് ദ്‌ട്ട്‌സ്‌ന്റവാന്‌മാന സാമിന അവുറഗാമ് നമ്പ്‌നാന്. അയി സാമി കണ്ണ്‌ക്ക് അയാള് നമാക്കൊട്ടുക്കുമു പാട്ടാനായി തീര്യത്തെ. <<നാന് നിനാന എഞ്ചെഞ്ചോ ജാദിഗാള്‌ക്ക് പാട്ടാന് മാഡി ബെക്കുവെ>> എന്റ് സാമി സൊല്ലുസുലാക്കാത്ത്‌ല്‌മ് എ്ള്‌ദിര്‌ക്ക്‌ന്റല്ല?

റോമഗാറാര് 8:2

ക്‌റ്‌സ്‌ത്ത് ഏസ്സ്‌ല് ഒന്റായിര്‌ക്കുവാദ്‌നാലെ നമാക്ക് സാമിനിഗാല് തരുവ പുദ്യ പെ്ളേപ്പ് കെ്ഡേത്തിര്‌ക്ക്‌ന്റ്. അത്തെ പാവാക്ക്‌മ് സാവുക്കുമു ആളാക്കി ബെത്ത്‌റ്‌ക്കുവ സട്ടാത്ത്‌ലിന്ത് സാമിനിഗാല് നമാന ബ്‌ഡിസിര്‌ക്ക്‌ന്റ്.

1 കൊരിന്ത്യഗാറാര് 15:18

അത്ത്യായിന്തദാന ക്‌റ്‌സ്‌ത്ത്‌ന നമ്പി പെ്ളേത്ത് സത്തവാര്‌മ് ഇല്ലാദ്യായി തള്ള്‌നാര്.

1 കൊരിന്ത്യഗാറാര് 15:29

സത്തവാര് ഉജുര്‌ളാഗുവാദ് ഇല്ലെന്റദാന പിന്നെ സത്തവാര്‌ക്ക് ബേ്ണ്ടി നീര്‌ക്ക് മുളുഗുന്റവാര് എന്ത് ഗേവാര്? സത്തവാര് ഉജുര്‌ളാഗുവാദ് ഇല്ലെന്റദാന പിന്നെ എന്ത്‌ക്ക് അവാര്‌ക്ക് ബേ്ണ്ടി നീര്‌ക്ക് മുളുഗുവാദ്?

2 കൊരിന്ത്യഗാറാര് 4:14

ആണ്ടവാന് ഏസ്സ്‌ന ഉജുര്‌ളാക്ക്‌ന സാമി ഏസ്സോഡൊപ്പ എമനാമ് ഉജുര്‌ളാക്കുവാന് എന്റ്‌മ് നിമ്മോഡൊപ്പ എമാന തന്ന് മുന്നുക്കു എ്ഡ്‌ത്ത് ബരുവാന് എന്റ്‌മ് എമാക്ക് തെരിന്റ്.

പിലിപ്പ്യഗാറാര് 1:23

സാവാദ പെ്ളേക്കുവാദ എന്നുവ ഈ റാഡ് നെനേവു എന്ന് മനേസ്സ്‌ല് എനാന ഓരാഡ്‌സ്‌ന്റ്. നാന് സത്ത് പോയി ക്‌റ്‌സ്‌ത്തോഡ പെ്ളേക്ക്യ ആസെപഡ്‌ന്റെ. എന്ത്‌ക്കെന്റ് സൊന്ന അദ്‌ത്തെ എത്ത്‌റാഗോ ദൊഡ്ഡ കാര്യ.

പിലിപ്പ്യഗാറാര് 3:10

ക്‌റ്‌സ്‌ത്ത്‌ന സത്തവാര് പട്ട്‌ലിന്ത് ഉജുര്‌ളാക്ക്‌ന ബില എനാക്ക് ദാസ്‌ത്തി കെ്ഡേസിമ് ക്‌റ്‌സ്‌ത്ത് പട്ട കൊഡിമേന പാസെ നാന് കൊഡിമെ പട്ട്‌മ് സാഗാട്ടി ക്‌റ്‌സ്‌ത്ത്‌ന പാസെ സത്ത്‌മ് ക്‌റ്‌സ്‌ത്ത്‌ന പറ്റി സൊക്കാന തെര്യ ബേ്ണ്ടി നാന് മ്‌ഗ്‌ന്ത ആസെപഡ്‌ന്റെ. അത്തെ എനാക്ക് കണ്ടിപ്പായി സത്തവാര് കൂട്ടാത്ത്‌ലിന്ത് ഉജുര്‌ളാഗുഡൊ.

1 തെസെലോനിക്ക്യഗാറാര് 4:14

എന്ത്‌ക്കെന്റ് സൊന്ന ഏസ്സ് സത്തിന്ത് ഉജുര്‌ളാഗ്‌നാന് എന്റ് നമ്മ നമ്പ്‌ന്റാമ്. അത്തെ നമ്പ്‌നദാന ഒറേപ്പായി സാമി സത്തവാര്‌നാമ് ഏസ്സ്‌ന ബെത്ത് ഉജുര്‌ളാക്കി അയാളോഡ ബരുസ്സുവാന് എന്റ് നമ്മ നെഞ്ചഡെ ബെത്ത്‌റ്‌ക്ക്‌ന്റാമ്.

ബെ്ളിപട്ട കാര്യ 1:18

നാന് ഉജുരോഡ ഇന്തവാന്‌ത്തെ. നാന് സത്തേന്, ആന ഇന്നാല് നാന് കാലകാല ഉജുരോഡ പെ്ളേത്ത്‌റ്‌ന്റേന്. സാവുന ആള്യാമ് നരഗ ലോഗന ആള്യാമ് എനാക്ക് അദിഗര ഇര്‌ക്ക്‌ന്റ്.

ബെ്ളിപട്ട കാര്യ 20:5

പ്‌റ സത്തവാര്‌ല് മിച്ച ഇര്‌ക്ക്‌ന്റവാര്‌ക്ക് ആയിര ബര്‌സ്സ കള്യ മാട്ട്‌ക്ക് ഉജുരു കെ്ഡേക്കാലെ. ഇദ്‌ത്തെ മുദാല് ഉജുര്‌ളാഗുവാദ്.

ബെ്ളിപട്ട കാര്യ 21:4

അവാര് കണ്ണ്‌ല കണ്ണ നീര്‌നെല്ല സാമി തെനേക്കുവാന്. ഇന്നി സാവോ, ദുക്കാഗൊ, കേ്സ്യൊ, ബിജാഗൊ, ഇര്‌ക്കമാട്ട. എന്ത്‌ക്കെന്റ് സൊന്ന മുദാല് ഇന്താദ് ഒട്ടുക്കു കാണദ്യാറ്റ്.>>

ബെ്ളിപട്ട കാര്യ 22:1

അദ്‌ക്ക് പ്‌റ പള്‌ങ്ക്‌ന പാസെ തെങ്ക്‌തെങ്ക ഇര്‌ക്കുവ ഉജുരു തരുവ നീര് ഇര്‌ക്കുവ ബാനിന ദൂദാന് എനാക്ക് കാട്ടി തന്താന്. സാമിത്ത്‌മ് കൊറ്യാഡ് കുട്ടിത്ത്‌മ് കുറിഞ്ചി പട്ട്‌ലിന്ത്‌ത്തെ അയി ബാനി ബരുവാദ്.

ബെ്ളിപട്ട കാര്യ 22:17

സാമിനിഗാല്‌മ് കല്യണ പെ്ണ്ണ്‌മ്, <<ബാന്>> എന്റ് സൊന്റാര്. ഇദ്‌ന കേ്ള്‌ക്ക്‌ന്റവാന്‌മ് <<ബാന്>> എന്റ് സൊല്ലുഡൊ. നീരറാക്കെ എ്ഡ്‌ക്ക്‌ന്റവാന്‌മ് ബരുഡൊ. ഉജുരു കൊഡുക്കുവ നീര് ബേ്ഡ്‌മെന്റ് ആസെപഡ്‌ന്റവാനെല്ല ബെലെ കൊഡുക്കാദെ അദ് ബാങ്കി കുഡിക്കുഡൊ.