ഓഗന്നാന് 11:19 - സാമി സേദി

¹⁹ തമ്പ്യച്ചാന് സത്താദ്‌നാലെ ദുക്കപഡുവ മാറ്‌ത്തെനാമ് മറിയനാമ് പിരാക്ക്യ ബേ്ണ്ടി എഞ്ചോ എഗുദാര് അദ്‌ക്ക് ബന്തിന്താര്.

ഓഗന്നാന് 11:19 ပူးပေါင်းရင်းမြစ်များ

ലൂക്കോസു 10:39

അവാള്‌ക്ക് മറിയ എന്റ് സൊല്ലുവ തങ്കേസിമ് അദ്‌ല് ഇന്താള്. മറിയ ആണ്ടവാന് കാല്‌ക്കര്‌ഗെ ഇന്ത് അയാള് സൊല്ലുവാദ്‌ന സൊക്കാന കേ്ട്ട്‌കൊണ്ടു ഇന്താള്.

ലൂക്കോസു 10:42

ആന ഒന്റുത്തെ ബേ്ഡ്‌മ്, മറിയ നല്ലാദ്‌ന തെരിന്തെ്ഡ്‌ത്താള്. അദ്‌ന അവാളോഡിന്ത് എ്ഡ്‌ത്ത് തള്ള്യ ആര്‌ക്ക്‌മ് മുഡ്യാമാട്ട>> എന്റ് സൊന്നാന്.

ഓഗന്നാന് 1:19

<<നീ ആര്>> എന്റ് ഓഗന്നാന്‌ന കേ്ള്‌ക്ക്യ ബേ്ണ്ടി എര്‌സലേമ്‌ലിന്ത് ലേവ്യാര്‌നാമ് എഗുദാര് പൂസാരിഗാള്‌നാമ് എഗുദാര് തലെവാര്‌ഗാള് ഓഗന്നാന് പട്ട്‌ക്ക് സൊല്ലി ബ്‌ട്ടാര്.

ഓഗന്നാന് 11:1

ബെദന്യ ഊരുലിന്ത ലാസാറ് എന്റ് സൊല്ലുവ ഒരുത്താന് നോയായിന്താന്. മറിയാമ് അവാള് അക്കേസി മാറ്‌ത്തേമ് ഇന്ത ഊരുത്തെ ബെദന്യ.

ഓഗന്നാന് 11:31

മറിയ ദ്‌ഡീരന ഇ്ളാഗി പോവാദ്‌ന ബീ്ഡ്‌ല് അവാളോഡ ഇന്ത് പിരാക്കികൊണ്ടിന്ത എഗുദാര് കണ്ട്: <<അവാള് തന്ന് തമ്പി സാവുന ബെത്ത കല്ലളെ പട്ട്‌ക്ക് കേ്യ പോന്റാള്>> എന്റ് നെനേത്ത് അവാള് പിന്ന്‌മേലെ പോനാര്.

ഓഗന്നാന് 11:33

അവാള് കേ്യിവാദ്‌നാമ് അവാളോഡ ബന്ത എഗുദാര് കേ്യിവാദ്‌നാമ് കണ്ട് ഏസ്സ്‌ക്ക് മനേസ്സ്‌ല് മൊനേമ് സങ്കഡാമ് ബന്ത് സുഗിത്താന്.

ഓഗന്നാന് 11:36

അദുക്കുള എഗുദാര്: <<നോഡെ, അയാള് ലാസാറോഡ എത്ത്‌റ സീവാന്‌ബെത്തിന്ത്‌റ്‌ന്റാന്>> എന്റ് സൊന്നാര്.

ഓഗന്നാന് 11:45

മറിയാന നോഡ്യ ബന്ത എഗുദാര്‌ല് പല ആള്‌ഗാള്‌മ് ഏസ്സ് ഗേന്ത ഈ കാര്യന കണ്ട് അയാള്‌ന നമ്പ്‌നാര്.

ഓഗന്നാന് 11:8

അദ്‌ക്ക് സൊല്ലുപഡി നഡാക്ക്‌ന്റവാര്: <<ഗുരുവെ, സെറ്റെ മുന്നുക്കുത്തെ എഗുദാര് നിനാക്ക് കല്ലെ്റ്യ പട്ടാര്. എന്റിന്ത് ഗുഡി നീ പിന്നേമ് ആങ്ക് പോയ നോഡുന്റായ?>> എന്റ് സൊന്നാര്.

റോമഗാറാര് 12:15

പിര്യപഡ്‌ന്റവാരൊപ്പ നിമ്മ പിര്യപഡ്‌ന്, കേ്യ്‌ന്റവാരോഡൊപ്പ നിമ്മ കേ്യിന്.

2 കൊരിന്ത്യഗാറാര് 1:4

എമാക്ക് ബരുവ എല്ലാ കജട്ടഗാള്‌ല്‌മ് സാമി എമാന പിരാക്കി ബെക്ക്‌ന്റാന്. അത്തെ സാമി എമാന പിരാക്കി ബെക്കുവാദ്‌നാലെ ഒന്റൊന്റാള്‌ഗാള്‌ക്ക്‌മ് ബരുവ ഒന്റൊന്റു കജട്ടഗാള്‌ല്‌മ് എമാക്ക് അവാര്‌ന പിരാക്കി ബെക്ക്യ മുഡിന്റ്.

1 തെസെലോനിക്ക്യഗാറാര് 4:18

അദ്‌നാലെ ഈ സൊല്ലു സുലാക്കഗാള്‌ന ആങ്കീങ്ക് സൊല്ലികൊണ്ടു ദയിരപട്ട് ഇര്‌ന്.

1 തെസെലോനിക്ക്യഗാറാര് 5:11

അദ്‌നാലെ നിമ്മ ഒപ്പ ഗേവ പാസെ ആങ്കീങ്ക് ദയിര പഡിസികൊണ്ടുമു നമ്പിക്കേല് ഒറേപ്പുള്ളവാര് മാഡികൊണ്ടുമു ഇര്‌ന്.