ഓഗന്നാന് 10:5 - സാമി സേദി

⁵ ആന ബേ്റാള് മാഡുവ ജദ്ദ മാട്ട്യാന് മാഡുവ ജദ്ദ അല്ല എന്റ് നെപ്പ്‌കെ്ഡേക്കുവാദ്‌നാലെ കൊറ്യാഡ്‌ഗാള് അയാള് പിന്ന്‌മേലെ പോഗാദെ അയാള്‌ന തെ്റിന്ത് തള്ളി ഓഡി പോമു.

ഓഗന്നാന് 10:5 ပူးပေါင်းရင်းမြစ်များ

മര്‌ക്കോസു 4:24

അവാര്‌ന നോഡി ഏസ്സ് പിന്നേമ് ഇത്തെ സൊന്നാന്, <<നിമ്മ കേ്ള്‌ക്കുവാദ്‌ന സൊക്കാന നെനേത്ത് നോഡുഡൊ. അഡ്‌ത്തവാര്‌ക്ക് നിമ്മ എഞ്ച്‌ക്ക് അളാന്ത് കൊഡുക്കുന്റുറൊ അഞ്ച്‌ക്ക് താനെത്തെ സാമി നിമാക്ക് തിരിക്കിമ് തരുവാന്. നിമ്മ കൊഡുത്താദ്‌ന ബ്‌ഡ സാമി ദാസ്‌ത്തി തരുവാന്.

ലൂക്കോസു 8:18

അദ്‌നാലെ നാന് സൊല്ലുവ ഈ കാര്യഗാള്‌ന എന്തെന്റ് നിമ്മ നെനേത്ത് നോഡുനു, ഇര്‌ക്ക്‌ന്റവാന്‌ക്ക് ഇര്‌ക്കുവാദ്‌ന ബ്‌ഡ സാമി മൊത്തന കൊഡുക്കുവാന്. ഇല്ലത്തവാന്‌ക്ക് ഇര്‌ക്ക്‌ന്റ് എന്റ് അയാള് നെനേക്കുവാദ്‌ന ഗുഡി സാമി എ്ഡ്‌ത്ത് തള്ളുവാന്.>>

ഓഗന്നാന് 10:16

ഈ പട്ടിലില്ലാത്ത ബേ്റെ കൊറ്യാഡ്‌ഗാള്‌മ് എനാക്കിര്‌ക്ക്‌ന്റ്, അയി കൊറ്യാഡ്‌ഗാള്‌നാമ് നാന് ഓട്ടി എ്ഡ്‌ത്ത് ബരുഡൊ. അയി കൊറ്യാഡ്‌ഗാള് നാന് സൊല്ലുവാദ്‌ന കേ്ള്‌ക്ക്‌മ്. അത്തെ അയി കൊറ്യാഡ്‌ഗാള് ഒന്റായി എ്ണേന്ത് ഒന്റു കൂട്ട കൊറ്യാഡ്‌ഗാള് ആമ്. അവാര്‌ക്ക് ഒന്റു മാട്ട്യാന്‌മ് ഇര്‌ക്കുവാന്.

ഓഗന്നാന് 10:4

തന്ന് കൊറ്യാഡ്‌ഗാള്‌ന ബെ്ളിഗെ എ്ഡ്‌ത്ത് പോന പ്‌റ അയാള് അയി കൊറ്യാഡ്‌ഗാള് മുന്നുക്കു പോന്റാന്. മാട്ട്യാന് ജദ്ദാത്തെ എന്റ് കൊറ്യാഡ്‌ഗാള്‌ക്ക് നെപ്പ്‌കെ്ഡേക്കുവാദ്‌നാലെ അയി കൊറ്യാഡ്‌ഗാള് മാട്ട്യാന് പിന്ന്‌ മേലെ പോന്റു.>>

2 തിമിത്തോസു 4:3

സത്ത്യന പഡിസി കൊഡുക്കുവാദ്‌ന ആള്‌ഗാള് കേ്ള്‌ക്കാത്ത കാല ബര്‌മ്. അദ്‌ക്ക് ബദ്‌ല അവാര് തമ്മ ആസെപഡുവ പാസെ തമാക്ക് കേ്ള്‌ക്ക്യ ഇമ്പത്തോഡിര്‌ക്കുവ കാര്യഗാള്‌ന പഡുസുവ ബാത്ത്യനാമ്‌ഗാള്ന കണ്ട് അവാര് പട്ട്‌ക്ക് പോയി അവാര് പഡുസുവ കാര്യഗാള്‌ന കേ്ള്‌ക്കുവാര്.

1 ഓഗന്നാന് 2:19

അവാര് നമ്മ് കൂട്ടാത്ത്‌ലിന്ത് പോനവാര്‌ത്തെ. എന്ത്‌ക്കെന്റ് സൊന്ന അവാര് ഏസ്സ് ബെത്ത സട്ടപഡി നമ്മോഡ ആങ്കീങ്ക് സീവാന്‌ബെത്ത് നഡാക്കാലെ. അത്തെ സീവാന്‌ബെത്ത് നഡാന്തിന്തദാന അവാര് നമ്മൊപ്പ ഇന്ത്‌റ്‌ക്കുവാര്. അത്തെ അവാര് നമാന ബ്‌ട്ട് പ്‌റ്‌ന്ത് പോനാദ്‌നാലെ അവാര് സാമിപ്‌ള്ളെഗാള് അല്ല എന്റ് നമാക്ക് തെരിന്റ്.

1 ഓഗന്നാന് 2:21

ഇദ്‌നൊട്ടുക്കു നിമാക്ക് തെര്യാത്താദ്‌നാലെ അല്ല നാന് നിമാക്ക് ഇദ്‌ന എ്ള്‌ദുവാദ്. നിമാക്ക് സാമിന പറ്റ്യുള്ള സത്ത്യ ഏദെന്റ്‌മ് പൊയി ഏദെന്റ്‌മ് തെരിവാദ്‌നാലെത്തെ നാന് ഇദ്‌ന നിമാക്ക് എ്ള്‌ദുവാദ്.

ബെ്ളിപട്ട കാര്യ 2:2

നീ ഗേവ കാര്യഗാള്‌ന എനാക്ക് തെരിമ്. നീ നല്ല പാഡ്‌പട്ട് ഗേവാദ്‌മ് നീ പൊറിമോഡ ഇര്‌ക്കുവാദ്‌മ് എനാക്ക് തെരിമ്. കെ്ട്ടവാര്‌ന പൊറുക്ക്യ നിനാക്ക് മുഡ്യ എന്റ്‌മ് എനാക്ക് തെരിന്റ്. അപ്പോസുത്തലനാമ് അല്ലാദിന്ത് ഗുഡി, അപ്പോസുത്തലനാമ് എന്റ് നഡിക്ക്‌ന്റവാര്‌ന നീ സോദണെ ഗേന്ത് അവാര് പൊയി സൊന്റവാര് എന്റ് കണ്ട്‌പ്‌ഡിത്ത്‌റ്‌ന്റായി.