ഓഗന്നാന് 10:20 - സാമി സേദി

²⁰ അവാര്‌ല് എഞ്ചോ ആള്‌ഗാള്: <<അയാള്‌ക്ക് കെ്ട്ടജാദി തട്ടിര്‌ക്ക്‌ന്റ്. അയാള്‌ക്ക് പിരാന്ത്‌ത്തെ. അദ്‌നാലെ എന്ത്‌ക്ക് അയാള് നായന കേ്ള്‌ക്കുവാദ്?>> എന്റ് സൊന്നാര്.

ഓഗന്നാന് 10:20 ပူးပေါင်းရင်းမြစ်များ

മത്തായി 10:25

പഡിക്ക്‌ന്റവാന് പഡുസുവ ബാത്ത്യാന്‌ന പാസെ ആവാദ് മദി. അദേപാസെ അഡിമ്യായിര്‌ന്റവാന് പണ്ണാഡിന പാസെ ആവാദ് മദി. അവാര് ബീ്ഡ്‌ഗാറാന്‌നാഗെ ബേല്‌സെവൂലു എന്റ് ബ്‌ളിത്ത്‌റ്‌ക്കുവദാന ബീ്ഡ്‌ഗാറാര്‌ന എന്തെല്ല സൊല്ലി ബ്‌ളിക്കുവാര്?>>

മത്തായി 11:18

എല്ലാ ആള്‌ഗാള്‌മ് തിന്റ്‌കുഡിത്ത് നഡാക്കുവ പാസെ ഓഗന്നാന് തിന്റ്‌കുഡിത്ത് നഡാക്കാലെ. അത്തെ ഇര്‌ക്ക്‌ന്റവാനായി ബന്ത <അയാള്‌ക്ക് കെ്ട്ടജാദി തട്ടിര്‌ക്ക്‌ന്റ്> എന്റ് അവാര് സൊന്റാര്.

മത്തായി 9:34

അദുക്കുള പരിസാര്: <<ഇയാള് കെ്ട്ടജാദിഗാള്‌ക്ക് തലെവാനാന ബേല്‌സെവൂലുന ബെത്ത്‌ത്തെ കെ്ട്ടജാദിഗാള്‌ന തട്ടിസിതള്ളുവാദ്>> എന്റ് സൊന്നാര്.

മര്‌ക്കോസു 3:21

അയാള് ബീ്ഡ്‌ഗാറാര്‌ക്ക് ഇദ് തെരിന്ത്‌ദ്. ഏസ്സ്‌ക്ക് പിരാന്ത് ആയിര്‌ന്റ് എന്റ് സൊല്ലി ബീ്ഡ്‌ഗാറാര് അയാള്‌ന പ്‌ഡിത്ത് പോയ ബന്താര്.

ഓഗന്നാന് 7:20

അദുക്കുള ആള്‌ഗാള്: <<അന്നാപ്പ് നിനാക്ക് കെ്ട്ടജാദി തട്ടിര്‌ക്ക്‌ന്റ്. നിനാന ആര് കൊല്ല്യ നോഡുന്റാര്?>> എന്റ് സൊന്നാര്.

ഓഗന്നാന് 8:52

അദ്‌ക്ക് എഗുദാര്: <<നിനാക്ക് ഒന്റു കെ്ട്ടജാദി തട്ടിര്‌ക്ക്‌ന്റ് എന്റ് ഇന്നാല് എമാക്ക് തെരിന്ത്‌ദ്. അവുറഗാമ്‌മ് സാമിദാസ്‌ഗാള്‌മ് സത്താര്. ആന നീയൊ, എന്ന് നായന കേ്ട്ട്‌നഡാക്ക്‌ന്റവാന്‌ക്ക് എന്നാല്‌ക്ക്‌മ് സാവു ബരമാട്ട എന്റ് സൊന്റായി.

അപ്പോസുത്തലാര് 26:24

പവുലോസു തനാക്ക് സൊല്ല്യ ഇര്‌ക്കുവാദ്‌ന ഇത്തെ സൊല്ലികൊണ്ട്‌റ്‌ക്കാട്ടി: <<പവുലോസെ, നിനാക്ക് പിരാന്ത്‌ത്തെ. നീ ദാസ്‌ത്തി പഡിത്ത്‌റ്‌ന്റായി. അദ്‌ത്തെ നിനാന പിരാന്ത് മാഡിര്‌ന്റ്>> എന്റ് പെസ്‌തോസു ദൊഡ്ഡാദ്‌ക്ക് സൊന്നാന്.