ഓഗന്നാന് 10:14 - സാമി സേദി14-15 നാന്‌ത്തെ നല്ല മാട്ട്യാന്. എന്നപ്പാന് സാമിക്ക് എനാന തെരിമ്. എനാക്ക്‌മ് എന്നപ്പാന് സാമിന തെരിമ്. അദേപാസെത്തെ എനാക്ക് എന്ന് കൊറ്യാഡ്‌ഗാള്‌ന തെരിമ്. എനാന എന്ന് കൊറ്യാഡ്‌ഗാള്‌ക്ക്‌മ് തെരിമ്. കൊറ്യാഡ്‌ഗാള്‌ക്ക് ബേ്ണ്ടി നാന് എന്ന് ഉജുരുന കൊഡുക്കുന്റെ. အခန်းကိုကြည့်ပါ။ |
ഓഗന്നാന് 10:14
23 ပူးပေါင်းရင်းမြစ်များ
അദ് താനേമല്ല എന്ന് ആണ്ടവാന് ക്‌റ്‌സ്‌ത്ത് ഏസ്സ്‌ന പറ്റി തെരിവാദ്‌ത്തെ എല്ലാദ്‌ക്ക്‌മ് ബ്‌ഡ മ്‌ഗ്‌ന്ത കാര്യ എന്റ് എനാക്ക് തെരിന്താദ്‌നാലെ നാന് മുദാല് ദൊഡ്ഡാദെന്റ് പെരിമെപട്ടിന്ത എല്ലാ കാര്യഗാള്‌നാമ് ഒന്റേപെ്ട്ട് ബെലെ ഇല്ലത്താദെന്റ് നാന് ഇന്നാല്‌മ് കണാക്കാക്ക്‌ന്റെ. ക്‌റ്‌സ്‌ത്ത്‌ന തെര്യ ബേ്ണ്ടി ഈ കാര്യഗാള്‌നെല്ല സണ്ട്‌സളാങ്കെന്റ് നാന് ബീസ്യെ്റിന്തെ.
അദ്‌നാലെത്തെ നാന് ഇന്നാലീ കജട്ട പഡുവാദ്. എന്റാല്‌മ് അത്തെ കജട്ട പഡുവാദ്‌ല് നാന് നാണപഡുവാദില്ലെ. എന്ത്‌ക്കെന്റ് സൊന്ന നാന് ആര്‌ന നമ്പിര്‌ന്റേന് എന്റ് എനാക്ക് തെരിമ്. ആണ്ടവാന് തിരിഗി ബരമാട്ട്‌ക്ക്, എനാക്ക് ഒപ്പിസി തന്ത്‌റ്‌ക്കുവ ഈ കാര്യന പാദ്‌ഗാത്ത് ബെക്ക്യ അയാള്‌ക്ക് മുഡിമെന്റ് എനാക്ക് ഒറേപ്പിര്‌ക്ക്‌ന്റ്.
സാമിമഗാന് ബൂമിക്ക് ബന്താനെന്റ്‌മ് സത്ത്യ സാമിന തെരിവാദ്‌ക്കുള്ള ബുദ്ദി നമാക്ക് തന്ത്‌റ്‌ന്റാന് എന്റ്‌മ് നമാക്ക് തെരിമ്. സത്ത്യ സാമ്യോഡാമ് അയാള് മഗാന് ഏസ്സ് ക്‌റ്‌സ്‌ത്തോഡാമ് നമ്മ ഇന്നാല് എ്ണേവു ബെത്ത്‌റ്‌ന്റാമ്. ഈ സാമിത്തെ സത്ത്യമാന സാമി. ഈ സാമിത്തെ നമാക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന തന്താദ്.
നീ ഗേവ കാര്യഗാള്‌ന എനാക്ക് തെരിമ്. നീ നല്ല പാഡ്‌പട്ട് ഗേവാദ്‌മ് നീ പൊറിമോഡ ഇര്‌ക്കുവാദ്‌മ് എനാക്ക് തെരിമ്. കെ്ട്ടവാര്‌ന പൊറുക്ക്യ നിനാക്ക് മുഡ്യ എന്റ്‌മ് എനാക്ക് തെരിന്റ്. അപ്പോസുത്തലനാമ് അല്ലാദിന്ത് ഗുഡി, അപ്പോസുത്തലനാമ് എന്റ് നഡിക്ക്‌ന്റവാര്‌ന നീ സോദണെ ഗേന്ത് അവാര് പൊയി സൊന്റവാര് എന്റ് കണ്ട്‌പ്‌ഡിത്ത്‌റ്‌ന്റായി.
ကြော်ငြာတွေ