ഓഗന്നാന് 10:13 - സാമി സേദി

¹³ അയാള് കൂലിക്ക് മേസ്‌ന്റവാന്‌മ് കൊറ്യാഡ്‌ഗാള്‌ന പറ്റി നെനേവു ഇല്ലത്തവാന്‌മ്‌ത്തെ. അദ്‌നാലെ അയാള് ഓഡി പോന്റാന്.

ഓഗന്നാന് 10:13 ပူးပေါင်းရင်းမြစ်များ

ഓഗന്നാന് 10:12

ആന കൂലിക്ക് ബേ്ണ്ടി മേസ്‌ന്റവാന് കൊറ്യാഡ്‌ഗാറാന്‌മല്ല മാട്ട്യാന്‌മല്ല. അയാള് സെന്നായി ബരുവാദ്‌ന കാണ്‌ഗാട്ടി കൊറ്യാഡ്‌ഗാള്‌ന തള്ളി ഓഡി പോന്റാന്. സെന്നായി അയി കൊറ്യാഡ്‌ഗാള്‌ന പ്‌ഡിത്ത് ആങ്കീങ്ക് ഓഡിസി ബ്‌ഡ്‌ന്റ്.

ഓഗന്നാന് 10:14

നാന്‌ത്തെ നല്ല മാട്ട്യാന്. എന്നപ്പാന് സാമിക്ക് എനാന തെരിമ്. എനാക്ക്‌മ് എന്നപ്പാന് സാമിന തെരിമ്. അദേപാസെത്തെ എനാക്ക് എന്ന് കൊറ്യാഡ്‌ഗാള്‌ന തെരിമ്. എനാന എന്ന് കൊറ്യാഡ്‌ഗാള്‌ക്ക്‌മ് തെരിമ്. കൊറ്യാഡ്‌ഗാള്‌ക്ക് ബേ്ണ്ടി നാന് എന്ന് ഉജുരുന കൊഡുക്കുന്റെ.

ഓഗന്നാന് 12:6

അയാള് ഇത്തെ സൊന്നാദ് ഏ്ളെഗാള്‌ന കറ്‌മ്മ പ്‌ഡിക്കുവാദ്‌നാലെ അല്ല, അയാള് ത്‌റ്‌ട്ടാന് ആനാദ്‌നാലേത്തെ. പണ പയി അയാള് കയില് ഇന്താദ്‌നാലെ അദ്‌ക്കിക്കുവ പണാന അയാള് എ്ഡ്‌ത്ത് കൊണ്ടിന്താന്.

അപ്പോസുത്തലാര് 18:17

പ്‌റസാരി അവാര് ഒട്ടുക്കു എഗുദാര് സാമിബീ്ഡ് അദിഗാരി സോസുത്തനോസുന പ്‌ഡിത്ത് റോമ കോഡിദിക്ക് മുന്നുക്കു ബെത്ത് അഡിത്താര്. ആന ഗല്ല്യോനു ഇദ്‌ന ഗെരേഗാഗേ ഇല്ലെ.

1 കൊരിന്ത്യഗാറാര് 7:32

നിമ്മ ഒന്റു കാര്യനാമ് നെനേത്ത് എ്ണ്ണഗെ്ഡാത്തവാര് ആയിര്‌ക്കുഡൊ എന്റ് നാന് ആസെപഡ്‌ന്റെ. പെ്ണ്ണ് സേരാത്തവാന് ആണ്ടവാന്‌ന എത്തെ പിര്യപഡുസുഡൊ എന്റ് നെനേത്ത് ആണ്ടവാന്‌ക്കുള്ള കാര്യന നെനേക്ക്‌ന്റാന്.

1 കൊരിന്ത്യഗാറാര് 7:33

പെ്ണ്ണ് സേന്തവാന് പെ്ണ്ട്‌ന എത്തെ പിര്യപഡ്‌സുഡൊ എന്റ് നെനേത്ത് ഉലഗാത്ത്‌ല കാര്യഗാള്‌ന പറ്റി നെനേക്ക്‌ന്റാന്.

പിലിപ്പ്യഗാറാര് 2:20

നിമ്മ നലമായി ഇര്‌ക്കുഡൊ എന്റ് നെനേത്ത് നഡാക്കുവ ആള് തിമിത്തോസല്ലാദെ ബേ്റൊന്റാള് എനാക്കില്ലെ.