ഓഗന്നാന് 10:12 - സാമി സേദി

¹² ആന കൂലിക്ക് ബേ്ണ്ടി മേസ്‌ന്റവാന് കൊറ്യാഡ്‌ഗാറാന്‌മല്ല മാട്ട്യാന്‌മല്ല. അയാള് സെന്നായി ബരുവാദ്‌ന കാണ്‌ഗാട്ടി കൊറ്യാഡ്‌ഗാള്‌ന തള്ളി ഓഡി പോന്റാന്. സെന്നായി അയി കൊറ്യാഡ്‌ഗാള്‌ന പ്‌ഡിത്ത് ആങ്കീങ്ക് ഓഡിസി ബ്‌ഡ്‌ന്റ്.

ഓഗന്നാന് 10:12 ပူးပေါင်းရင်းမြစ်များ

മത്തായി 10:16

<<നോഡുനു, സെന്നായിഗാള് പട്ട്‌ക്ക് നാന് നിമാന കൊറ്യാഡ്‌ഗാള്‌ന പാസെ സൊല്ലി ബ്‌ഡ്‌ന്റെ. അദ്‌നാലെ നിമ്മ പാമ്പ്‌ന പാസെ ബുദ്ദ്യുള്ളവാര്‌മ് സോറെന പാസെ കവാഡില്ലാത്തവാര്‌മ് ആയിര്‌ന്.

മത്തായി 7:15

<<സാമിനിഗാല് സൊന്റെന്റ് ഉറുട്ടു സൊല്ലുവ സാമിദാസ്‌ഗാള്‌ന സൂസാരിത്ത് ഇര്‌ന്. അവാര് കറ്‌മ്മകറ്‌മ്മ ഇര്‌ക്കുവ കൊറ്യാഡ്‌ഗാള്‌ന പാസെ ബക്‌തിഗാറാരായി നഡിത്ത് കൊണ്ടു നിമ്മ് പട്ട്‌ക്ക് ബന്റാര്. ആന അവാര് കപ്പികൊഡേവ സെന്നായിഗാള്‌ന പാസെത്തെ.

ഓഗന്നാന് 10:13

അയാള് കൂലിക്ക് മേസ്‌ന്റവാന്‌മ് കൊറ്യാഡ്‌ഗാള്‌ന പറ്റി നെനേവു ഇല്ലത്തവാന്‌മ്‌ത്തെ. അദ്‌നാലെ അയാള് ഓഡി പോന്റാന്.

ഓഗന്നാന് 10:2

കൊറ്യാഡ് പട്ടി ബാസെ മേലെ നൊഗേന്റവാന്‌ത്തെ കൊറ്യാഡ് മാട്ട്യാന്.

ഓഗന്നാന് 10:3

ബാസ കാവഗാറാന് അയാള്‌ക്ക് ബാസ ത്‌റാന്ത് കൊഡുക്കുന്റാന്. തന്ന് കൊറ്യാഡ്‌ഗാള് മാട്ട്യാന് ജദ്ദാത്തെ എന്റ് നെപ്പ്‌കെ്ഡേസ്‌ന്റ്. തന്ന് കൊറ്യാഡ്‌ഗാള്‌ന മാട്ട്യാന് പേര് സൊല്ലി ബ്‌ളിത്ത് ബെ്ളിഗെ എ്ഡ്‌ത്ത് പോന്റാന്.

അപ്പോസുത്തലാര് 20:29

നാന് പോന പ്‌റ സെന്നായിഗാള്‌ന പാസെ കപ്പികൊഡേവ ലേസ ആള്‌ഗാള് നിമ്മ് പട്ട്‌ക്ക് ബരുവാര്. സാമിക്ക് ആഡ്‌ഗാളായി ഇര്‌ക്കുവ ആള്‌ഗാള്‌ന അവാര് കെ്ഡ്‌സാദെ ബ്‌ഡമാട്ടാര് എന്റ്‌മ് എനാക്ക് തെരിമ്.

1 തിമിത്തോസു 3:3

അയാള് ഊറബെത്ത മുന്തിരി സാരന മൊത്തനാക്ക് കുഡിക്കാത്തവാന്‌മ്, അഡിന്തഡിഗാറാന്‌മ് ആയ പാങ്കില്ലെ. ആന അയാള് പൊറിമെഗാറാന് ആയിര്‌ക്കുഡൊ. ആള്‌ഗാളോഡ തറ്‌ക്കത്തവാന്‌മ് പണാക്ക് ബേ്ണ്ടി ആസെപാഡ് ഇല്ലത്തവാന്‌മ് ആയിര്‌ക്കുഡൊ.

1 തിമിത്തോസു 3:8

അദേപാസെ മൂപ്പനാമോഡ എ്ണേന്ത് ഏസ്സ്‌ഗാറാര് കൂട്ടാത്ത്‌ല കാര്യഗാള്‌ന നോഡുന്റവാര്‌മ് ആള്‌ഗാള് മദ്‌സ്‌ന്റവാര്‌മ്, ഒന്റു നായ സൊന്നദാന അദേപാസെ ഗേന്റവാര്‌മ്, ഊറബെത്ത മുന്തിരി സാര മൊത്തനാക്ക് കുഡിക്കാത്തവാര്‌മ്, പണാക്ക് ആങ്കരാക്കിക്കാത്തവാര്‌മ് ആയിര്‌ക്കുഡൊ.

2 തിമിത്തോസു 4:10

ദേമാസ് ഈ ഉലഗാത്ത്‌ല് പെ്ളേക്കുവ ദിന്‌സ്‌ല് പെ്ളേക്ക്യ ബേ്ണ്ടി ആസെപട്ടിന്താന്. അദ്‌നാലെത്തെ അയാള് എനാന തള്ളി തെസലോനിക്ക്യാക്ക് പോനാദ്. ക്‌റേസ്‌കേസ് ഗലാത്ത്യാക്ക്‌മ് തീത്തോസു ദല്‌മാത്ത്യാക്ക്‌മ് പോനാന്.

തീത്തോസു 1:7

ഏസ്സ്‌ഗാറാര് കൂട്ടാത്ത്‌ല മൂപ്പനാമ്‌ഗാള്‌ന കയിതാങ്ക്‌ന്റവാന് സാമി കൊഡുത്ത്‌റ്‌ക്കുവ ഗിലാസാന നോഡിനഡാത്ത്‌ന്റവാന് ആയിര്‌ക്കുവാദ്‌നാലെ കുറ്റകൊറേവു ഇല്ലത്തവാന് ആയിര്‌ക്കുഡൊ. അയാള് താന്‌ത്തെ ദൊഡ്ഡവാനെന്റ് നെനേക്ക്‌ന്റവാന്‌മ് മുട്ടു മൊനെഗാറാന്‌മ് ആയിര്‌ക്ക്യ പാങ്കില്ലെ. അയാള് കുഡിഗാറാന്‌മ് ഒപ്പ മല്ല്‌ക്ക് പോന്റവാന്‌മ് അദിഗ പണ സമ്പാരിക്ക്യ ഏമാത്ത്‌ന്റവാന്‌മ് ആയിര്‌ക്ക്യ പാങ്കില്ലെ.

1 പത്ത്‌റോസു 5:2

സാമിന നമ്പി നഡാക്ക്‌ന്റവാര് കൂട്ടന സാമി നിമ്മ് കയിക്ക് നോഡ്യ തന്ത്‌റ്‌ക്ക്‌ന്റാന്. അദ് ആരാറ്റ നത്തുവ നത്ത്‌ക്ക് ബേ്ണ്ടി ഗേഗാദെ സാമി ആസെപഡുവ പാസെ മനേസ്സാറ ഗേന്. ഇത്തെ ഗേഗാട്ടി എന്താറ്റ ഉവഗര കെ്ഡേക്ക്‌മെന്റ് നെനേത്ത് ഗേഗാദെ അവാര്‌ന കയിതാങ്ക്യ ബേ്ണ്ടി ഒരുക്ക ഉള്ളവാര് ആയിര്‌ക്കുഡൊ.

2 പത്ത്‌റോസു 2:3

അവാര് പണാക്ക് ബേ്ണ്ടി പേരാസെപട്ട്‌കൊണ്ടു ഇല്ലാത്ത കദെന നിമാക്ക് സൊല്ലി നിമാന ബെത്ത് അവാര് പണ സമ്പാരിക്കുവാര്. അവാര്‌ന ദെ്ണ്ടിക്കുവ ദെ്ണ്ടണെന മുന്നുക്കു താനെ സാമി മുഡിവു മാഡിര്‌ന്റാന്. അവാര്‌ക്ക് ബരുവ അളിവുക്കു ഗളിഗെ ആഗമാട്ട.