ഓഗന്നാന് 10:1 - സാമി സേദി

¹ <<നാന് സത്ത്യമായി നിമാക്ക് സൊന്റെ, കൊറ്യാഡ് പട്ടി ബാസ മേലെ പട്ടികുളാക്ക് നൊഗേഗാദെ ബേ്റേദാറ്റ ദിന്‌സ്‌ല് ഉളാക്ക് നൊഗേന്റവാനെല്ല ത്‌റ്‌ട്ടാന്‌മ് പ്‌ഡിങ്കിപറ്‌ത്ത് എ്ഡ്‌ത്ത് പോന്റവാന്‌മ്‌ത്തെ.

ഓഗന്നാന് 10:1 ပူးပေါင်းရင်းမြစ်များ

മത്തായി 7:15

<<സാമിനിഗാല് സൊന്റെന്റ് ഉറുട്ടു സൊല്ലുവ സാമിദാസ്‌ഗാള്‌ന സൂസാരിത്ത് ഇര്‌ന്. അവാര് കറ്‌മ്മകറ്‌മ്മ ഇര്‌ക്കുവ കൊറ്യാഡ്‌ഗാള്‌ന പാസെ ബക്‌തിഗാറാരായി നഡിത്ത് കൊണ്ടു നിമ്മ് പട്ട്‌ക്ക് ബന്റാര്. ആന അവാര് കപ്പികൊഡേവ സെന്നായിഗാള്‌ന പാസെത്തെ.

ഓഗന്നാന് 10:7

ഏസ്സ് പിന്നേമ് അവാര്‌ക്ക് ഇത്തെ സൊന്നാന്: <<നാന് സത്ത്യമായി നിമാക്ക് സൊന്റെ, നാന്‌ത്തെ കൊറ്യാഡ്‌ഗാള് നൊഗേവാദ്‌ക്കുള്ള ബാസ.

ഓഗന്നാന് 3:3

അദുക്കുള ഏസ്സ് അയാള്‌ക്ക്: <<നാന് സത്ത്യമായിമ് നിനാക്ക് സൊന്റെ, ഒരുത്താന് മറിസിമ് പ്‌റാക്കാദെ പോന സാമി ആളുവാദ്‌ന കാണ്യ മുഡ്യാമാട്ട>> എന്റ് സൊന്നാന്.

റോമഗാറാര് 10:15

ആര്‌മ് സൊല്ലി ബ്‌ഡാദെ എത്തെ നായ സൊല്ല്യാമ്? <<നല്ല സേദി സൊല്ല്യ ബന്റവാര് ബരാവു എത്ത്‌റ നല്ല കാര്യ>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റല്ല.

റോമഗാറാര് 16:18

അവാര് നമ്മ് ആണ്ടവാന് ക്‌റ്‌സ്‌ത്ത്‌ക്ക് ബേ്ണ്ട്യല്ല ഗിലാസ ഗേവാദ്. അവനവാന് കാര്യഗാള് നഡാക്ക്യ ബേ്ണ്ടിത്തെ അവാര് ആസെപഡുവാദ്. അവാര് ആള്‌ഗാള്‌ന മയാക്കുവ നായഗാള്‌മ് പിര്യപഡുസുവ നായഗാള്‌മ് സൊല്ലികൊണ്ടു പച്ചെപാവഗാള്‌ന ഏമാത്ത്‌ന്റാര്.

തീത്തോസു 1:11

അവാര്‌ന നീ മ്‌ണ്ട്യ ബ്‌ഡാദെ. എന്ത്‌ക്കെന്റ് സൊന്ന അവാര് ആള്‌ഗാള്‌ന ഏമാത്തി പണ സമ്പാരിക്ക്യ ബേ്ണ്ടി അവാര് പഡുസുവാദ്‌ക്കല്ലാത്ത കാര്യഗാള്‌ന ആള്‌ഗാള്‌ക്ക് പഡിസി എഞ്ചോ ബീ്ഡ്‌ലവാര്‌നൊട്ടുക്കു നേര്‌മാന ബുദ്ദിനായന നമ്പാത്തവാര് മാഡ്‌ന്റാര്.

എവുറായാര് 5:4

ആന ആര്‌മ് അവനവാന് താനെ അയി പദാവിന ഏറ്റെഡ്‌ക്കുവാദില്ലെ. അഗരോനുന പാസെ സാമി ബ്‌ളിത്തവാന്‌ത്തെ അയി പദാവിന ഏറ്റെ്ഡ്‌ക്കുവാദ്.

1 പത്ത്‌റോസു 1:10

നിമാക്ക് കെ്ഡേക്ക്യ ഇര്‌ക്കുവ ഈ ദാനഗാള്‌ന പറ്റി മുദാല് താനെ സൊന്ന സാമിദാസ്‌ഗാള് ഇത്തെ തപ്പിസി കഡാക്കുവാദ്‌ന പറ്റി സൊക്കാന ആരേന്ത് നോഡിന്ത്‌റ്‌ന്റാര്.

2 പത്ത്‌റോസു 2:1

മുന്തെല കാലാത്ത്‌ല് സാമി സൊന്റെന്റ് സൊല്ലി ഉറുട്ടു സൊല്ലുവ സാമിദാസ്‌ഗാള്‌മ് ഇസ്‌റവേല്‌ഗാറാര് പട്ട്‌ല് ഇന്താര്. അദേപാസെ ഉറുട്ടു സൊല്ലി പഡ്‌സ്‌ന്റവാര്‌ഗാള് നിമ്മ് പട്ട്‌ലിന്ത്‌മ് ഉണ്ടാവാര്. അവാര് സത്ത്യ അല്ലാത്ത കെ്ഡ്‌സുവ കാര്യഗാള്‌ന സൂഗാന പഡുസുവാര്. പാവാക്ക് സിക്കിന്ത തമാന തിരിക്കി എ്ഡ്‌ത്ത പണ്ണാഡിന തള്ളി തമ്മ ബേഗ അളിന്ത് പോവാദ്‌ക്കുള്ള ബട്ടെ അവാര് താനെ മാഡ്‌ന്റാര്.

2 പത്ത്‌റോസു 2:3

അവാര് പണാക്ക് ബേ്ണ്ടി പേരാസെപട്ട്‌കൊണ്ടു ഇല്ലാത്ത കദെന നിമാക്ക് സൊല്ലി നിമാന ബെത്ത് അവാര് പണ സമ്പാരിക്കുവാര്. അവാര്‌ന ദെ്ണ്ടിക്കുവ ദെ്ണ്ടണെന മുന്നുക്കു താനെ സാമി മുഡിവു മാഡിര്‌ന്റാന്. അവാര്‌ക്ക് ബരുവ അളിവുക്കു ഗളിഗെ ആഗമാട്ട.

1 ഓഗന്നാന് 4:1

എനാക്ക് മെച്ച്‌പ്‌ഡിത്തവാരെ, സാമിനിഗാല് സൊന്റെന്റ് ഉറുട്ടു സൊല്ലുവ എഞ്ചോ ആള്‌ഗാള് ഇന്നാല് ഉലഗാത്ത്‌ല് തുമ്പിര്‌ന്റാര്. അദ്‌നാലെ സാമിനിഗാല് സൊല്ലിത്തെ സൊല്ലുവാദ് എന്റ് സൊല്ലുന്റവാര്‌ന ഒട്ടുക്കു നമ്പാദെ അവാരോഡ ഇര്‌ക്കുവ നിഗാല്‌ഗാളെല്ല സാമി നിഗാല്‌ത്തേഗ അല്ലാഗ എന്റ് സോദണെ ഗേന്ത് കണ്ട്‌പ്‌ഡിക്കുഡൊ.