ഓഗന്നാന് 1:37 - സാമി സേദി

³⁷ ഓഗന്നാന് സൊല്ലുവാദ്‌ന തന്ന് സൊല്ലുപഡിക്ക് നഡാക്കുവ അയി റാഡാള് കേ്ട്ട് ഏസ്സ് പിന്ന്‌മേലെ പോനാര്.

ഓഗന്നാന് 1:37 ပူးပေါင်းရင်းမြစ်များ

റോമഗാറാര് 10:17

അദ്‌നാലെ നമ്പിക്കെ ബരുവാദ് സേദിന കേ്ള്‌ക്കുവാദ്‌നാലെത്തെ, അയി സേദി ക്‌റ്‌സ്‌ത്ത്‌ന പറ്റി സൊല്ലുവാദ്‌ലിന്ത്‌ത്തെ ബരുവാദ്.

ഓഗന്നാന് 1:43

മറ്‌നാള് ഏസ്സ് ഗലീലാക്ക് പോയ എന്റ് മുഡിവെ്ഡ്‌ത്ത്‌റ്‌ക്കാട്ടി പീലിപോസുന കണ്ട്: <<എന്ന് പിന്ന്‌മേലെ ബാ>> എന്റ് അയാള്‌ക്ക് സൊന്നാന്.

ബെ്ളിപട്ട കാര്യ 22:17

സാമിനിഗാല്‌മ് കല്യണ പെ്ണ്ണ്‌മ്, <<ബാന്>> എന്റ് സൊന്റാര്. ഇദ്‌ന കേ്ള്‌ക്ക്‌ന്റവാന്‌മ് <<ബാന്>> എന്റ് സൊല്ലുഡൊ. നീരറാക്കെ എ്ഡ്‌ക്ക്‌ന്റവാന്‌മ് ബരുഡൊ. ഉജുരു കൊഡുക്കുവ നീര് ബേ്ഡ്‌മെന്റ് ആസെപഡ്‌ന്റവാനെല്ല ബെലെ കൊഡുക്കാദെ അദ് ബാങ്കി കുഡിക്കുഡൊ.

എപസോസുഗാറാര് 4:29

നിമ്മ് ബായിലിന്ത് അഡ്‌ത്തവാര് മനേസ്സ്‌ന സങ്കഡപഡുസുവ നായഗാളൊന്റുമു സൊല്ല്യ പാങ്കില്ലെ. അദ്‌ക്ക് ബദ്‌ല അഡ്‌ത്തവാര്‌ക്ക് സാമി പ്‌ണ്ണ്യ കെ്ഡേക്കുവാദ്‌ക്ക്‌മ് അവാര് പുദ്യ പെ്ളേപ്പ് ഒറേപ്പാവാദ്‌ക്ക്‌മ് തഗ്‌ന്ത നല്ല കാര്യഗാള്‌നത്തെ നിമ്മ ഒപ്പ സൊല്ലുഡൊ.

ഓഗന്നാന് 1:36

അദ്‌ലെ ബന്ത് പോവ ഏസ്സ്‌ന ഓഗന്നാന് സൊക്കാന നോഡിന്ത്: <<ഇദാ നോഡുനു, സാമി തന്ത കൊറ്യാഡ് കുട്ടി>> എന്റ് സൊന്നാന്.

ഓഗന്നാന് 1:38

ഏസ്സ് പിന്ന് സാരി തിരിഗി നോഡി അവാര് റാഡാള് ബരുവാദ്‌ന കണ്ട്: <<നിമ്മ എന്ത്‌ക്ക് എന്ന് പിന്ന്‌മേലെ ബന്റ്‌റ്>> എന്റ് അവാര്‌ന കേ്ട്ടാന്. അദുക്കുള അവാര്: <<റബീ>> (എന്റ് സൊന്ന <<ഗുരുവെ>> എന്റ്‌ത്തെ അര്‌ത്ത) <<നീ ഏദ്‌ല് ഇര്‌ക്കുവാദ്>> എന്റ് കേ്ട്ടാര്.