ഓഗന്നാന് 1:32 - സാമി സേദി

³² ഓഗന്നാന് പിന്നേമ് അയാള്‌ന പറ്റി ഇത്തെ സൊന്നാന്: <<സാമിനിഗാല് സോറെ പക്കിന പാസെ മേലോഗാത്ത്‌ലിന്ത് ഇ്റാഗി ബന്ത് അയാള് കുദ്ദാക്ക് ഇര്‌ക്കുവാദ്‌ന നാന് കണ്ടേന്.

ഓഗന്നാന് 1:32 ပူးပေါင်းရင်းမြစ်များ

മത്തായി 3:16

ഏസ്സ് മുളിഗി ഇ്ളാഗ്‌നാദ്‌മ് അന്നാല് താനെ ഏ്ട്ടിക്ക് ഏ്റ്‌നാന്. അദുക്കുള ബാന് ത്‌റാന്ത് സാമിനിഗാല് സോറെ പക്കിന പാസെ ഇ്റാഗി തന്ന് കുദ്ദാക്ക് ബന്ത് ഏ്റ്‌വാദ്‌ന അയാള് കണ്ടാന്.

മര്‌ക്കോസു 1:10

ഏസ്സ് മഡുവുലിന്ത് ഏ്ട്ടിക്ക് ഏ്റ്‌നാദ്‌മ് അന്നാല് താനെ ബാന് ത്‌റാന്ത് സാമിനിഗാല് സോറെ പക്കിന പാസെ തന്ന് കുദ്ദാക്ക് ഏ്റുവാദ്‌ന അയാള് കണ്ടാന്.

ലൂക്കോസു 3:22

അദുക്കുള സാമിനിഗാല് സോറെ പക്കി ഉരുവാത്ത്‌ല് അയാള് ഉരുവുക്കു ഇ്റാഗി ബന്ത്‌ദ്. <<നീ എന്ന് മഗാന്‌ത്തെ, നാന് നിനാന സീവാന്‌പഡ്‌ന്റെ. നിന്ന്‌നാലെ എന്ന് മനേസ്സ് തെ്ളിന്ത്‌ദ്>> എന്റ് മേലോഗാത്ത്‌ലിന്ത് ഒന്റു ജദ്ദാമ് കേ്ട്ട്‌ദ്.

ഓഗന്നാന് 1:31

എനാക്ക് അയാള്‌ന തെര്യാദിന്ത്‌ദ്. ആന നാന് നീര്‌ക്ക് മുളുഗുസ്‌ന്റവാനായി ബന്ത്‌റ്‌ക്കുവാദ് അയാള്‌ന ഇസ്‌റവേല്‌ഗാറാര്‌ക്ക് കാട്ടി കൊഡുക്ക്യ ബേ്ണ്ടിത്തെ>> എന്റ് സൊന്നാന്.

ഓഗന്നാന് 1:7

അയി ബെ്ള്‌സാനപറ്റി ആള്‌ഗാള്‌ക്ക് സൊല്ല്യാത്തെ അയാള് ബന്താദ്. അത്തെ അയി ബെ്ള്‌സാനപറ്റി അയാള് സൊല്ലുവ സേദിന കേ്ട്ട് ആള്‌ഗാള് അയി ബെ്ള്‌സാന നമ്പുവാര്.

ഓഗന്നാന് 5:32

ആന എനാന പറ്റി ആള്‌ഗാള്‌ക്ക് സൊല്ലുവാദ് ബേ്റൊന്റൊരുത്താന്‌ത്തെ. എനാന പറ്റി അയാള് സൊല്ലുവ നായാക്ക് ബെലെ ഇര്‌ക്ക്‌ന്റ് എന്റ് എനാക്ക് തെരിന്റ്.