ഓഗന്നാന് 1:24 - സാമി സേദി

²⁴ ഓഗന്നാന് പട്ട്‌ക്ക് പോനവാര് പരിസാര്‌ഗാള്‌ക്ക് പട്ടവാര്‌ല് ലേസാള്‌ഗാള് ആയിന്താര്.

ഓഗന്നാന് 1:24 ပူးပေါင်းရင်းမြစ်များ

മത്തായി 23:26

കുറുഡാന്‌ന പാസെ ഇര്‌ക്കുവ പരിസാനെ, മുദാല് ക്‌ണ്ടിഗാള്‌നാമ് ഗളാസ്‌ഗാള്‌നാമ് ഉളാക്ക് ബ്‌ളാക്കുഡൊ. അന്നാപ്പ് ബെ്ളിഗേമ് സുത്താപ്പായിര്‌ക്ക്‌മ്.

ലൂക്കോസു 11:53

ഏസ്സ് അദ്‌ലിന്ത് പോഗാട്ടി പരിസാര്‌ഗാള്‌മ് ബേദബാത്ത്യനാമ്‌മ് അയാളോഡ മൊനേക്ക് തെ്ട്ടി കൊണ്ടു എഞ്ചോ കാര്യഗാള്‌ന പറ്റി കേ്ള്‌വി കേ്ള്‌ക്ക്യ പ്‌ഡിത്താര്. അയാള് സൊല്ലുവ നായാത്ത്‌ല് കുറ്റ കണ്ട് അയാള്‌ന സിക്ക്‌സ്യ ബേ്ണ്ടിത്തെ അവാര് അത്തെ ഗേന്താദ്.

ലൂക്കോസു 16:14

പണാക്ക് ബേ്ണ്ടി ദരിത്തനാക്കിക്കുവ പരിസാര് ഇദ്‌നൊട്ടുക്കു കേ്ട്ട് ഏസ്സ്‌ന നാണഗെ്ഡ്‌സ്‌നാര്.

ലൂക്കോസു 7:30

ആന ഓഗന്നാന് കയിലിന്ത് നീര്‌ക്ക് മുളുഗാത്ത പരിസാര്‌ഗാള്‌മ് ബേദബാത്ത്യനാമ്‌മ് സാമി ഗേയ നെനേത്തിന്താദ്‌ന തള്ള്‌നാര്.

ഓഗന്നാന് 1:23

അദ്‌ക്ക് അയാള് അവാര്‌ക്ക് ഏസ്സയ്യ സാമിദാസ് സൊന്ന പാസെ: << <ആണ്ടവാന്‌ക്ക് ബട്ടെന നലമായി മാഡ്‌ന്> എന്റ് ബെ്ട്ടെകാഡ്‌ല് ആലാത്ത് സൊല്ലുന്റവാന് ജദ്ദ നാന്‌ത്തെ>> എന്റ് സൊന്നാന്.

ഓഗന്നാന് 1:25

അവാര് ഓഗന്നാന്‌ന: <<നീ ക്‌റ്‌സ്‌ത്ത്‌മല്ല, ഏല്യാവുമല്ല, സാമി സൊല്ലി ബ്‌ഡ്‌വെ എന്റ് സൊന്ന അയി സാമിദാസ്‌മല്ല, എന്റ പിന്നെ നീ എന്ത്‌ക്ക് മുളുഗുസ്‌ന്റായി?>> എന്റ് കേ്ട്ടാര്.

അപ്പോസുത്തലാര് 23:8

(സത്തവാര് ഉജുര്‌ളാഗുവാദ് ഇല്ലെന്റ്‌മ് ദൂദാര്‌ഗാളൊ നിഗാലൊ ഇല്ലെന്റ്‌മ് സദൂക്ക്യാര് സൊല്ലിന്താര്. ആന പരിസാര് ഈ മൂറുമു ഇര്‌ക്ക്‌ന്റ് എന്റ് നമ്പ്‌ന്റാര്.)

അപ്പോസുത്തലാര് 26:5

എഗുദാര് കച്ചിഗാള്‌ല് താനെ ബേ്റെ കച്ചിഗാള്‌ന ബ്‌ഡ എഗുദ സട്ടഗാള്‌ന ഒട്ടുക്കു സൊക്കാന കേ്ട്ട് നഡാക്കുവ കച്ചിഗാറാര്‌ത്തെ പരിസാര്. അവാര്‌ല് ഒന്റാള്‌ത്തെ നാന്. അദ് മുന്നുക്കേ അവാര്‌ക്ക് തെരിമ്. ബേ്ഡ്‌മാന അവാര്‌ക്ക് അദ് നേര് എന്റ് സൊല്ലുല.