ആക്കോവു 5:3 - സാമി സേദി

³ നിമ്മ സേത്തി ബെത്ത സൊത്തുനെല്ല മണ്ണ് തിന്ന്‌ഗാട്ടി അദ്‌താനെ ബിദി സൊല്ലുവ നാള്‌ല് നിമാന കുറ്റഗാറാരെന്റ് കാട്ടി തര്‌മ്. നിമ്മ സേത്തി ബെത്ത്‌റ്‌ക്കുവ അയി സൊത്തു നിമാന കാപാറ്റ മാട്ട, അദ് നിമാന അളിത്ത് തള്ള്‌മ്.

ആക്കോവു 5:3 ပူးပေါင်းရင်းမြစ်များ

അപ്പോസുത്തലാര് 2:17

<സാമി സൊല്ലുന്റാന്, കഡേസി കാലാത്ത്‌ല് നാന് ആള്‌ഗാള്‌ക്ക് ഒട്ടുക്കു എന്ന് നിഗാല്‌ന മൊത്തനാക്ക് കൊഡുക്കുവെ. നാന് നിമ്മ് മഗാനാര്‌നാമ് മഗളാര്‌നാമ് എന്ന് സേദിന പറ്റി സൊല്ല്യ ബെക്കുവെ. നിമ്മ് ബീ്ണാര്‌ക്ക് തോറ്റഗാള് കെ്ഡേക്കുവു. നിമ്മ് അച്ചനാമ്‌ഗാള് കനേസ്‌ല്‌ഗാള് കാണുവാര്.

റോമഗാറാര് 2:5

ആന നിമാക്കിര്‌ക്കുവ നെഞ്ച് മര നെഞ്ച്‌മ് സാമിസാരി തിരിഗ്യ മനേസ്സില്ലാത്ത നെഞ്ച്‌മ്‌ത്തെ. അദ്‌നാലെ സാമി നേര്‌മോഡ ബിക്കുവ ബിദി ബെ്ളിപഡുവ നാള്‌ക്ക് ബേ്ണ്ടിമ് ദെ്ണ്ടണെ കൊഡുത്തു തന്ന് മൊനേന കാട്ടുവ നാള്‌ക്ക് ബേ്ണ്ടിമ് നിമാക്കുള്ള മ്‌ഗ്‌ന്ത ദെ്ണ്ടണെ നിമ്മ താനെ സേത്തി സേത്തി ബെക്ക്‌ന്റ്‌റ്.

2 തിമിത്തോസു 2:17

ആറാത്ത പുണ്ണുനോയി സരിഗലാന തിന്റരിക്കുവ പാസെ അത്തവ നായഗാള് ഒന്റു മന്‌സാന്‌ന കെ്ഡ്‌സ്‌മ്. അയി കൂട്ടാക്ക് പട്ടവാര്‌ത്തെ ഗുമിനോസുമു പീലത്തോസുമു.

2 പത്ത്‌റോസു 3:3

എല്ലാദ്‌ന ബ്‌ഡ മുക്ക്യമായി നിമ്മ ഒന്റു കാര്യ തെരിന്ത്‌റ്‌ക്കുഡൊ. അയി കാര്യ എന്തെന്റ് സൊന്ന, തമ്മ് പിര്യാക്ക് കെ്ട്ട കാര്യഗാള് ഗേന്ത് പെ്ളേത്ത് കൊണ്ടു നാണഗെ്ഡിസി നഡാക്ക്‌ന്റവാര് കഡേസി കാലാക്ക് ബരുവാര്.

ബെ്ളിപട്ട കാര്യ 17:16

നീ കണ്ട പത്ത് കൊമ്പുഗാള്‌മ് ബേ്ണ്ട്‌മ് ബേസിന തൊറേന്ത് തള്ളുവാര്. അവാര് അവാള്‌ക്ക് ഇര്‌ക്കുവാദ്‌ന ഒട്ടുക്കു എ്ഡ്‌ത്ത് തള്ളി അവാള്‌ന ബെ്റ്‌ദെകറി മാഡുവാര്. അത്തെ അവാള് കറി സദേന അവാര് തിന്നുവാര്, അവാള്‌ന തീയിക്ക് ഇക്കി സുട്ടുമു തള്ളുവാര്.

ബെ്ളിപട്ട കാര്യ 20:15

എന്നാല്‌ക്ക്‌മ് പെ്ളേക്ക്‌ന്റവാര് പേര് എ്ള്‌ദിര്‌ക്കുവ ബൊക്കുലു പേര് എ്ള്‌ദാത്ത എല്ലാവാര്‌നാമ് അയി ഗെന്തഗ കത്തി എരേവ തീ കഡാല്‌ക്ക് എ്റിന്ത് ബ്‌ഡുവാന്.

ബെ്ളിപട്ട കാര്യ 21:8

ആന ദയിര ഇല്ലത്തവാര്‌ക്ക്‌മ്, നമ്പിക്കെ ഇല്ലത്തവാര്‌ക്ക്‌മ് സാത്ത്‌റ പ്‌ഡിക്കുവ കാര്യഗാള് ഗേന്റവാര്‌ക്ക്‌മ്, കൊലെ ഗേന്റവാര്‌ക്ക്‌മ് കണ്ടപഡി നഡാക്ക്‌ന്റവാര്‌ക്ക്‌മ്, മന്ത്‌റമായ ഗേന്റവാര്‌ക്ക്‌മ്, സെലെന കുമ്മുഡുന്റവാര്‌ക്ക്‌മ്, പൊയി സൊല്ലുവ എല്ലാവാര്‌ക്ക്‌മ് കെ്ഡേക്കുവ എ്ഡെ എന്നുവാദ് ഗെന്തഗ കത്തി എരേവ തീ കഡാല് ആയിര്‌ക്കുവു. ഇദ്‌ത്തെ റണ്ടാവാദ് സാവു>> എന്റ് സൊന്നാന്.