ആക്കോവു 5:14 - സാമി സേദി

¹⁴ നിമ്മ് കൂട്ടാത്ത്‌ല് ആരാറ്റ നോയായിന്തദാന അയാള് ഏസ്സ്‌ഗാറാര് കൂട്ട തലെവാര്‌ന ബരുസ്സുഡൊ. അവാര് ആണ്ടവാന് ഏസ്സ് ഗേന്ത ദൊഡ്ഡ കാര്യഗാള്‌ന സൊല്ലികൊണ്ട് അയാള് ഉരുവുക്കു എ്ണ്ണേന പൂസി പരേസുഡൊ.

ആക്കോവു 5:14 ပူးပေါင်းရင်းမြစ်များ

മര്‌ക്കോസു 6:13

തട്ടിന്ത എഞ്ചോ കെ്ട്ടജാദിഗാള്‌ന അവാര് തട്ടിസി തള്ള്‌നാര്. എഞ്ചോ നോയിഗാറാര്‌ന എ്ണ്ണെ പൂസി തെ്ള്‌സ്‌നാര്.

അപ്പോസുത്തലാര് 28:8

പുബുളിയോസു അപ്പനച്ചാന് പനി ബന്ത് ബേ്റെ്ഡ്‌പ്പ്‌മ് പ്‌ഡിത്ത് ക്‌ഡാന്തിന്താന്. പവുലോസു അയാള്‌ന നോഡ്യ പോയി അയാള് തലേക്ക് കയി ബെത്ത് പരേസ്‌നാന്. അദുക്കുള അയാള് നോയി തെ്ളിന്താന്.

മര്‌ക്കോസു 16:18

അവാര് പാമ്പ്‌ഗാള്‌ന കയില് പ്‌ഡിത്ത് എ്ഡ്‌ത്താല്‌മ് മര്‌ന്ത്‌ഗാള്‌ന കുഡിത്താല്‌മ് അവാര്‌ക്ക് ഒന്റുമു തട്ടമാട്ട. അവാര് നോയിഗാറാര്‌ക്ക് കയി ബെത്തദാന നോയി തെ്ളിവാര്.>>

തീത്തോസു 1:5

ഗേന്ത് മുഡിക്കാത്ത കാര്യഗാള്‌ന ഗേന്ത് മുഡിക്ക്യാമ് നാന് നിനാക്ക് സൊന്ന പാസെ ഒന്റൊന്റു പട്ടണാക്ക്‌റാഗ ഇര്‌ക്കുവ ഏസ്സ്‌ഗാറാര് കൂട്ടാക്ക് മൂപ്പനാമ്‌ഗാള്‌ന എ്ഡ്‌ത്ത് ബെക്ക്യാമ്‌ത്തെ നാന് നിനാന ക്‌റേത്ത എന്നുവ എ്ഡേല് ബ്‌ട്ട്‌തള്ളി ബന്താദ്.

അപ്പോസുത്തലാര് 15:4

പവുലോസുമു, ബറ്‌ണവാസ്‌മ്, അവാരോഡ ഇന്തവാര്‌മ് എര്‌സലേമ്‌ക്ക് എജ്ജ്‌നാര്. അദുക്കുള അപ്പോസുത്തലാര്‌മ്, മൂപ്പനാമ്‌ഗാള്‌മ്, ഏസ്സ്‌ഗാറാര് കൂട്ടാമ് അവാര്‌ന ബാന് ബാന് എന്റ് ബ്‌ളിത്താര്. സാമി തമ്മോഡ ഇന്ത് ഗേന്ത കാര്യഗാള്‌ന ഒട്ടുക്കു അവാര് അവാര്‌ക്ക് സൊന്നാര്.

അപ്പോസുത്തലാര് 14:23

അവാര് ഒന്റൊന്റു ഏസ്സ്‌ഗാറാര് കൂട്ടാക്ക് മൂപ്പനാമ്‌ഗാള്‌ന എ്ഡ്‌ത്ത് ബെത്താര്. അദ്‌ക്ക് പ്‌റ അവാര് മൂപ്പനാമ്‌ഗാള്‌ക്ക് ബേ്ണ്ടി തീനി തിന്നാത്ത പരേസ പരേസി തമ്മ നമ്പ്‌ന ആണ്ടവാന് കയിക്ക് അവാര്‌ന ഒപ്പുസുനാര്.

അപ്പോസുത്തലാര് 9:40

പത്ത്‌റോസു അവാര്‌ന ഒട്ടുക്കു ബെ്ളിഗെ കഡാത്ത്‌നാന്. അദ്‌ക്ക് പ്‌റ അയാള് സന്തൂന്റി പരേസിന്ത് സാവു സാരി തിരിഗിന്ത് <<തവീദ, ഇ്ളാഗ്>> എന്റ് സൊന്നാന്. അന്നാല് താനെ അവാള് കണ്ണ് ത്‌റാന്താള്. പത്ത്‌റോസുന കണ്ട് അവാള് ഇ്ളാഗി കുക്കാന്ത.

അപ്പോസുത്തലാര് 11:30

അവാര് അത്തെ ഗേന്ത് കെ്ഡേത്ത പണാന എഗുദാല് ഇര്‌ക്കുവ ഏസ്സ്‌ഗാറാര് കൂട്ടാത്ത്‌ല മൂപ്പനാമ്‌ഗാള്‌ക്ക് കൊഡുക്ക്യ ബറ്‌ണവാസ്‌ക്ക്‌മ് സവുലുക്കുമു കൊഡുത്തു ബ്‌ട്ടാര്.